Охрид го чествува ликот и делото на Григор Прличев - Канал 5

Култура

Охрид го чествува ликот и делото на Григор Прличев

 Со низа настани и активности деновиве ќе биде одбележана 132-годишнината од упокојувањето на големиот охридски и македонски поет и преродбеник, Григор Прличев.

Охрид го чествува ликот и делото на Григор Прличев

Сите настани се одржуваат во рамки на Манифестацијата „Прличеви беседи“ што се одржува во организација на Центарот за култура и библиотеката во Охрид што го носат неговото име, а со поддршка на Министерството за култура.

Чествувањата во име на Прличев почнуваат утре, со изложба на ликовни дела од колекцијата на Центарот за култура „Григор Прличев“ во изложбениот салон со почеток во од 11:45 часот.

Точно на пладне ќе се одржи главниот настан, кога на Малата сцена започнува свеченоста посветена на лауреатот на наградата „Григор Прличев“. Покрај предвидената културно-забавна содржина, со артистичка изведба ќе биде претставена наградената поема „Никогаш пред ил’ потем“ на годинешниот лауреат на Повелбата за најдобра поема „ Григор Прличев“ на авторот Андреј Ал-Асади.

За задутре е предвидено положување цвеќе пред споменикот на Григор Прличев во училишниот двор на ООУ „Григор Прличев“, а од 11 часот ќе се одржи панихида на гробот на Прличев во дворот на црквата „Св. Богородица – Перивлепта“.

Од 11:30 часот во Спомен-куќата на Прличев ќе се одржи настанот „Стихови и звуци за Прличев“ каде, меѓу другото, ќе бидат врачени наградите на одбраните литературни творби на конкурсот што го распишува охридското основно училиште што го носи името на „Охридскиот Хомер“. Настанот ќе биде заокружен со читање на наградените творби и промоција на книгата „Охридските писатели во книжевната критика“ на авторите Димитар Пандев и Славе Ѓорѓо Димоски.

Во 12:30 часот предвидено е полагање ловоров венец и свежо цвеќе пред спомен–бистата на Прличев пред градската библиотека, при што е предвидено и обраќање на Живко Грозданоски, претседател на Друштвото на писатели на Македонија.

„Прличева визита“ е настанот што ќе се одржува од 13 часот во „Прличевата одаја“ на градската библиотека, во рамки на која ќе биде врачена и наградата на лауреатот на најдобрата беседа за 2025 година, што оваа година и припадна на Ева Ивановска.

Програмата за одбележување на годишнината од смртта на Прличев завршува со свечена приредба по повод патрониот празник на ООУ „Григор Прличев“ од 19 часот во Центарот за култура.

Манифестацијата „Прличеви беседи“ е востановена пред речиси шест децении, како настан со кој е одбележува годишнината од смртта на големиот поет кој се упокои на февруари во 1893 година. Прличев во 1860 година беше овенчан со Ловоров венец во Атина за неговата поема „Сердарот“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион падна на автопат во Тексас- луѓе кршат прозорци за да ги спасат патниците (ВИДЕО)

Приватен млазен авион се урна на автопат во Тексас, при што загина едно лице, а петмина патници се спасени.

Авион падна на автопат во Тексас- луѓе кршат прозорци за да ги спасат патниците (ВИДЕО)

Околу десетина минувачи и служби за итни интервенции им помогнаа на патниците заробени во приватниот авион што се урна на автопат во Тексас.

Пријавени технички проблеми пред несреќата

Авионот летал од мексиканскиот град Лос Кабос до Остин, Тексас. Директорот на аеродромот во Ларедо, Гилберто Санчез, изјави за „Њујорк тајмс“ дека авионот пријавил сериозни механички проблеми.

Авионот удрил во возило на автопатот за време на несреќата, потврди истражителот на полицијата во Ларедо, Хозе Баез, истакнувајќи дека не е јасно кој дел од авионот го удрил возилото.

Една жртва, пет преживеани

Во авионот имало шест лица. Полицијата соопшти дека едно лице загинало, додека пет преживеани се однесени во болница и се во стабилна состојба.

Идентитетот на починатиот сè уште не е објавен.

Видеата објавени на социјалните медиуми покажаа густ чад и пламен што ги опфаќа остатоците.

Баеза рече дека неколку служби за итни интервенции, исто така, побарале помош за вдишување чад.

Несреќата се случила во близина на аеродромот во Ларедо, околу 150 милји југозападно од Сан Антонио.

Несреќата го затвори автопатот Луп 20, а властите соопштија дека веројатно ќе остане затворен и следниот ден.

ФБИ и Националниот одбор за безбедност во сообраќајот (NTSB) истражуваат.

Тагови: авион Тексас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Цезар салата

Во вторник (11.06.2026) во емисијата гостин ни бeше Тони Наумов.

„Гответе со Дракче“ - Цезар салата

Состојки за денешниот рецепт:

200 гр. пилешки стек

1 марула

200 гр. грчки јогурт

3 - 4 лажици сенф

2 парчиња леб

1 конзерва пченка

100 гр. кашкавал

100 гр. пармезан

1 лимон

маслиново масло

сол и др. зачини по избор

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин го поздрави договорот меѓу САД и Иран

 Рускиот претседател Владимир Путин го поздрави договорот меѓу Соединетите Американски Држави и Иран, кој беше постигнат претходните денови со посредство на Пакистан. 

Путин го поздрави договорот меѓу САД и Иран

Москва го смета овој договор за важен чекор кон трајно завршување на конфликтот и може да послужи како модел за идните мировни договори, рече Путин.

Зборувајќи на самитот Русија-АСЕАН во Казан, рускиот претседател оцени дека стабилизацијата на условите на Блискиот Исток би била корисна за глобалните енергетски пазари и би придонела за поголема економска безбедност.

Изјавите на Путин следеа по најавите дека Вашингтон и Техеран постигнале рамковен договор со посредство на Пакистан, со цел да се стави крај на месеците тензии и да се врати стабилноста во регионот.

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер