Огромен интерес на прилепчани за вакцинација против сезонски грип - Канал 5

Здравје

Огромен интерес на прилепчани за вакцинација против сезонски грип

Огромен интерес на прилепчани за вакцинација против сезонски грип, од понеделник двојно повеќе пунктови.

Огромен интерес на прилепчани за вакцинација против сезонски грип

Огромен е интересот на прилепчани да се вакцинираат против сезонскиот грип. За три недели се вакцинирале 1540 граѓани. Поради големиот интерес и двојно повеќе термини, во прилепскиот Центар за јавно здравје од понеделник наместо два, ќе има четири пункта за дневно да се вакцинираат 240 граѓани. Има доволно бесплатни и комерцијални вакцини.

- До овој момент Центарот за јавно здравје има вакцинирано 1540 пациенти, интересот е огромен. Зголемениот интерес значи дека се зголеми свеста кај граѓаните за да се грижат за сопственото здравје, зашто вакцинацијата се покажа како најдобра превентивна мерка против сезонскиот грип и за заштита од различни компликации од болеста, а се намалува болничкото лекување. Од понеделник ќе работат четири пункта за вакцинација. На секој пункт ќе се вакцинираат по 60 пациенти, па дневно вакцината ќе може да ја примат 240 граѓани. Министерството за здравство оваа година обезбеди 60 000 бесплатни вакцини за оние критични категории граѓани со хронични заболувања и над 65 години старост. Има и уште 15 000 вакцини кои се донации и сите заинтересирани електронски може да се пријават за термин за вакцинација. Во земјава има и 4500 комерцијални вакцини со цена од по 700 денари, рече Драгица Николоска, директорка на Центарот за јавно здравје во Прилеп.

Епидемиолошката слика во Прилеп се смета за стабилна, вообичаена за овој период на вирози, но нема зголемен број пациенти. Го има и корона вирусот, но нема коморбидитети и компликации. Тестирањата се четирипати намалено во споредба со минатиот месец.

-Ако направиме споредба со октомври и првите две недели од почетокот на ноември, се забележува опаѓање на бројот на заинтересираните за тестирање за ковид. Ако во октомври се направија 234 теста, имаше 58 позитивни на корона вирусот, овие две недели од ноември се направени само 66 теста, од кои 12 се позитивни. Можеби ковидот е измешан со вирозните заболувања актуелни овој период и, за среќа, тоа покажува дека завршуваат без компликации и граѓаните, најчесто го поминуваат во домашни услови, изјави Николоска.

Оваа година и бесплатните и комерцијалните вакцини се од холандската фирма „Абот“. Тоа се четиривалентни вакцини кои содржат два типа од вирусот од групата А и два типа од вирусот од групата Б, според препораките од Светската здравствена организација и ЕУ, зашто доминираат овие два типа на вируси од претходната година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израелската војска го нападна јужен Либан

Израелската војска соопшти дека рано утрово го нападнала јужен Либан како одмазда за лансирањето на две беспилотни летала од страна на Хезболах врз израелските војници .

Израелската војска го нападна јужен Либан

Израелската војска соопшти дека рано утрово го нападнала јужен Либан како одмазда за лансирањето на две беспилотни летала од страна на Хезболах врз израелските војници стационирани во дел од регионот што го прогласи за безбедносна зона. Израелската војска издаде предупредување за евакуација за област во близина на зграда во јужниот либански град Араб Салим, велејќи дека ќе ја нападне бидејќи ја користи Хезболах.

„Вие сте во близина на објект што ѝ припаѓа на терористичката организација Хезболах, против која израелската армија ќе спроведе операции“, соопшти војската во порака на арапски јазик на Телеграм, која вклучуваше и мапа на зоната за евакуација. Немаше коментар од групата поддржана од Иран.

Израелската војска во вторник соопшти дека нападнала складишта за оружје во јужен Либан кои биле наменети за Хезболах. Борбите во Либан се намалија од јуни, по рамковниот договор меѓу САД и Иран.

Но, Израел продолжува со спорадични воени операции на југ, каде што одржува присуство по должината на граничниот појас широк околу десет километри.

Како знак на поддршка за Техеран, Хезболах почна да извршува напади врз Израел од почетокот на март, што го вовлече Либан во регионална војна. Израелските напади досега одзедоа повеќе од 4.300 животи, според либанските власти.

Тагови: израелски напад Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: Економски раст од 4,3 проценти и околу 20 милиони евра за домашните компании

Економскиот раст од 4,3 проценти во вториот квартал е добра вест за државата. Уште поважно е што зад овој раст стојат инвестициите, извозот и преработувачката индустрија.

ВЛЕН: Економски раст од 4,3 проценти и околу 20 милиони евра за домашните компании

Инвестициите се зголемени за 16,5 проценти, извозот за 10,4 проценти, додека преработувачката индустрија бележи раст од 4,1 процент. Компаниите инвестираат повеќе, производството се проширува, а нашите производи наоѓаат место на странските пазари.

Преку Министерството за економија и труд, предводено од Бесар Дурмиши, оваа година се издвоени 1,23 милијарди денари, односно околу 20 милиони евра, за домашните компании. Овие средства се наменети за компании кои сакаат да го прошират производството, да набават опрема и да отворат нови работни места.

ВЛЕН ќе продолжи да ја поддржува оваа политика. Работа сè уште има, но бизнисите веќе знаат дека на чело на Министерството за економија и труд имаат партнер кој ги слуша и ги поддржува кога инвестираат, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Автобус полн со ученици падна во бездна- најмалку 21 загинат во тешка несреќа на Зеленортските острови

Автобус полн со ученици се урна на Зеленортските острови, при што загина најмалку 21 лице.

Автобус полн со ученици падна во бездна- најмалку 21 загинат во тешка несреќа на Зеленортските острови

Според локалниот службеник за цивилна заштита, несреќата се случила откако училишниот автобус скршнал од патот и паднал од висина на островот Фого вчера навечер.

Како што денеска објави новинската агенција Инфорпрес од Зеленортските острови, најмалку десет патници паднале од возилото, кое паднало од висина од приближно 30 метри.

Меѓу загинатите, наводно, има и деца.

Некои од патниците биле заробени во уништеното возило.

Автобусот се движел на релацијата Ча дас Калдеирас - Кампанас.

Тагови: автобус Зеленортските острови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер