Живот

Огњановиќ: Не сме ги подигнале парите за лекувањето на Тијана – се е на сметката

Јелена и Небојша Огњановиќ, родителите на 8 – годишната Тијана, која почина без да го дочека новото срце во болницата во Хјустон, беа сослушани вчера во полиција во Белград. Таму тие објаснуваа што се случило со 2.580.000 евра, пари собрани во хуманитарната акција „Срце за Тијана“.

Како што пренесуваат српските медиуми, сопружниците Огњановиќ одговориле и на обвинувањата од актерот Сергеј Трифуновиќ дека за операцијата на Тијана биле собрани повеќе пари од потребното и дека би било хумано дел од парите да ги префрлат за лекување на други деца. Според нив, продолжиле со собирањето на пари и после достигнувањето на сумата потребна за операцијата на Тијана бидејќи планираниот постоперативен тек требало да чини околу три милиони долари.

Тие во полиција негирале дека ги злоупотребиле парите.

„Не сме ги подигнале парите кои се уплатени за лекувањето на Тијана, сите пари се на сметката. Имаме докази дека парите не се подигани, можете да ги проверите сметките. Никогаш немавме ни намера тие пари да ги искористиме за нешто друго, освен за лекување на нашата ќерка“, рекол Небојша Огњановиќ.

Што се однесува до приватните сметки на Јелена Огњановиќ на кои се префрлени 1.260.000 евра, како што пренесуваат медиумите, Јелена во полиција се обидела да објасни дека парите биле префрлени затоа што и биле потребни за лекувањето на Тијана.

„Јелена се обиде да објасни дека морала да ги префрли парите на своја приватна сметка бидејќи само така можела да располага со тие средства во Америка за плаќање ба лекувањето и на болничките трошоци по операцијата. Така наводно ја советувале од банката. Рекла дека немала намера парите да ги троши за себе и се надевала дека детето ќе и преживее“, тврдат извори од истрагата за српски „Курир“.

Откако завршил распитот во полиција, Јелена и Небојша не се појавиле пред новинарите за да одговорат на прашањата за кои јавноста е заинтересирана.

Свет

Трамп e подготвен да го обнови конзервативниот сојуз со Орбан

Поранешниот американски претседател и републикански претседателски кандидат Доналд Трамп денеска изјави дека е подготвен да го обнови конзервативниот сојуз со унгарскиот премиер Виктор Орбан.

Во видео-порака, Трамп изјави дека со нетрпение очекува тесна соработка со Орбан кога, како што изјави, повторно ќе положи заклетва како 47-ми претседател на САД, пренесуваат американските медиуми.

Трамп, во пораката, го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.

Пораката на Трамп беше емитувана на собир во БУдимпешта на Конзервативно-политичката акциска конференција (CPAC) што е најистакната конзервативна организација во САД.

Тоа беше трет собир на CPAC во Унгарија.

Орбан беше еден од најблиските сојузници на Трамп во Европа за време на неговото претседателствување, а двајцата се сретнаа на Флорида минатиот месец.

По нивниот состанок, Орбан ја истакна својата јасна поддршка за Трамп и додаде дека само враќањето на Трамп во Белата куќа може да донесе мир во Украина.

Свет

Шојгу: Русија никогаш не планирала да ги нападне земјите од НАТО

Русија никогаш не планирала да ги нападне земјите од НАТО, изјави денеска рускиот министер за одбрана Сергеј Шојгу.

„Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки. на Шангајската организација за соработка во главниот град на Казахстан, Астана.

Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот. /МИА

Македонија

Малолетник се сомничи дека извршил обљуба врз малолетничка од Струмичко

Полицијата сомничи малолетник од струмичко село дека вчера извршил обљуба врз малолетничка од Струмичко, соопштија денеска од СВР Струмица.

Според соопштението, вчера во Полициската станица во Струмица во присуство на родител бил повикан малолетникот, а за настанот бил запознаен јавен обвинител од Основното јавно обвинителство Струмица, по чии насоки се преземаат мерки за негово расчистување.

Инаку, вчера полицијата информираше за уште еден случај за обљуба врз малолетничка. Четиресет и пет годишен жител на Радовиш се сомничи дека во периодот од јануари до април во повеќе наврати извршил обљуба врз малолетничка од радовишко село.