Официјална посета на министерката за европски и меѓународни работи на Австрија - Канал 5

Македонија

Официјална посета на министерката за европски и меѓународни работи на Австрија

На покана на министерот за надворешни работи и надворешна трговија, Тимчо Муцунски, денес во официјална посета на земјава престојува министерката за европски и меѓународни работи на Република Австрија, Беате Мајнл-Рајсингер. 

Официјална посета на министерката за европски и меѓународни работи на Австрија

Ова е прва нејзина посета на Скопје по преземањето на функцијата на 3 март годинава.

Главен фокус на разговорите беше ставен на натамошното унапредување на билатералните односи и реафирмирањето на австриската поддршка за евроинтегративниот процес на државата. Беше заеднички констатирано дека односите меѓу двете земји се одлични – политички стабилни, економски силни и исполнети со заемна почит и доверба.

Посебен акцент беше ставен на економската соработка. Министерот Муцунски ја истакна улогата на Австрија како најголем странски инвеститор и нејзиниот значаен придонес за економскиот развој. Во таа насока, ја потврди подготвеноста на Министерството и Владата активно да придонесуваат кон зголемување на трговската размена, промоција на нови соработки и привлекување австриски инвестиции, особено во областите на инфраструктурата, туризмот и енергетиката.

„Односите меѓу нашите две земји се одлични – политички стабилни, економски силни и исполнети со доверба и заемна поддршка. Австрија е најголем странски инвеститор во нашата држава, што зборува за длабочината на економската соработка и довербата во нашите институции. Особено ја цениме принципиелната и континуирана поддршка што Австрија ја дава на европската перспектива на нашата држава и на целиот регион. Како носител на групата земји „Пријатели на Западен Балкан“, Австрија игра клучна улога во држењето на проширувањето високо на агендата на ЕУ“, истакна министерот Муцунски во обраќањето пред медиумите.

Значаен дел од разговорите беше посветен на евроинтегративниот процес, при што министерот Муцунски се заблагодари за континуираната и гласна поддршка од страна на Австрија. Соговорниците се согласија дека проширувањето на Европската Унија претставува геополитичка неопходност за безбедноста и стабилноста на континентот.

Министерката Мајнл-Рајсингер, во рамки на заедничката прес-конференција, подвлече дека земјата е важен дел од Европа и дека Австрија силно ја поддржува нејзината европска перспектива.

„Гледаме колку е направено од ваша страна и колку отстапки сте направиле. Поминаа 20 години од почетокот на овој пат, и сега сме должни билатералните прашања да останат билатерални, а не да стануваат пречка во процесот“, истакна таа.

На средбата oд страна на министерот Муцунски беше изразена благодарност за австриската помош и солидарност по трагичниот настан во Кочани, кога повредените беа згрижени во болници во Виена и Грац – гест што уште еднаш го потврдува пријателството и блискоста меѓу народите на двете земји.

Министрите разменија мислења и за актуелните меѓународни случувања, при што заеднички констатираа дека во време на глобални предизвици е неопходна силна координација меѓу партнерите. Потврдија дека двете држави стојат заедно на страната на мирот, почитта кон меѓународното јавно право и одбраната на основните демократски вредности.

Тагови: австрија Тимчо Муцински

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Демократски Сојуз: Дополнителни мерки и одговорност, без политички влијанија

Демократскиот сојуз смета дека е од исклучителна важност за надминување на состојбите со загадениот водовод во Гостивар со прогласување на кризна состојба во Гостивар.

Демократски Сојуз: Дополнителни мерки и одговорност, без политички влијанија

Очекуваме координирани и ефектни мерки за заштита на здравјето на граѓаните и нормализирање на водоснабдувањето, како и дополнителни мерки за спречување на ширење на инфекцијата преку консумирање на храна во рестораните и други објекти кои произведуваат леб, пијалаци и друго.

Демократски сојуз смета дека треба да се направат и други превентивни мерки, меѓу кои и лабораториски анализи на:

1. Водата што се користи за наводнување,

2. Земјоделските производи, посебно зеленчукот (марула, зелка, пиперки, патлиџани и др), и

3. Почвата.

Врз основа на резултатите да се донесат и соодветни одлуки и насоки за постапување.

Инаку, оваа епидемиолошка состојба и прекинот на снабдувањето со вода на граѓаните во Гостивар е резултат на партизацијата, политичкото мешање при носење на стручни работи, јавашлукот и неодговорноста на неспособните партиски кадри.

Во услови на прогласена кризна состојба, неопходно е брзо дејствување од сите локални и државни институции.

Одговорност мора да има за сите што придонеле за оваа скандалозна состојба, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Граѓаните не се сами, ако ви е потреба помош јавете се на +389 78 207 687

Заедно со Кризниот штаб и екипите на јавните претпријатија сме на терен!

Ѓорѓиевски: Граѓаните не се сами, ако ви е потреба помош јавете се на +389 78 207 687

Почитувани граѓани,

Поради силното невреме што пред малку го зафати Скопје, Кризниот штаб на Град Скопје, заедно со сите надлежни служби и јавни претпријатија, е целосно мобилизиран и подготвен за брза и навремена интервенција.

Во постојана координација сме со ЦУК, МВР, ЕВН, Противпожарната бригада на Град Скопје и со сите надлежни институции.

Сите расположливи капацитети се ставени во функција, за заштита на граѓаните и спречување поголеми штети и последици.

Екипите на Град Скопје ќе останат на терен и во текот на целата ноќ и ќе интервенираат на секоја локација каде што ќе има потреба.

Сите граѓани на кои им е потребна помош или друга итна состојба, можат да се јават на телефонскиот број:

[📞] +389 78 207 687

Апелирам до сите граѓани да бидат внимателни и смирени, да ги следат препораките на надлежните институции и да соработуваат со службите на терен.

Службите се мобилизирани.

Екипите се на терен.

Граѓаните не се сами, објави на ФБ градоначалникот Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Антропик мора да плати рекордни 1,5 милијади долари по тужба за обуки за вештачка интелигенција

Компанијата „Антропик“ ќе плати рекордни 1,5 милијарди долари во тужба против автори чии дела биле користени за обука на нивниот модел на вештачка интелигенција, Клод. 

Антропик мора да плати рекордни 1,5 милијади долари по тужба за обуки за вештачка интелигенција

Федералниот суд на САД во Сан Франциско одобри спогодба што претставува една од најголемите исплати во историјата на споровите меѓу компаниите за вештачка интелигенција и сопствениците на авторски права.

Тужбата е поднесена во 2024 година од група автори кои тврделе дека „Антропик“ користел пиратски копии од книги за обука на своите големи јазични модели. Судот утврдил дека дел од постапките на компанијата претставуваат повреда на авторските права, иако сметал дека користењето на делата за обука на самиот модел на вештачка интелигенција е фер употреба.

Судот ја прифаќа спогодбата по претходните приговори

Случајот првично го водеше судијата Вилијам Алсуп, кој претходно пресуди дека на „Антропик“ му е дозволено да ги користи книгите за обука на моделот Клод поради принципот на фер употреба, односно дозволената употреба на дела заштитени со авторски права.

Сепак, судијата утврдил дека компанијата го прекршила законот кога складирала околу 7 милиони пиратски книги во централна библиотека за развој на своите системи за вештачка интелигенција.

Алсап го отфрли првичниот предлог за спогодба минатата година, велејќи дека не е доволно специфичен и не ги опфаќа сите важни прашања. Потоа, Антропик лансираше официјална веб-страница за спогодба со список на сите засегнати дела, за авторите да можат да проверат дали имаат право на надомест.

Спогодбата опфаќа повеќе од 480.000 книги, а авторите треба да добијат околу 3.000 долари по засегнато дело.

Некои автори веруваат дека надоместокот е пренизок

Новата одлука сега е потврдена од судијката Арасели Мартинез-Олгин, која го презеде случајот откако Алсап се пензионираше.

Покрај финансиската компензација, Антропик ќе мора да уништи пиратски копии од книгите што ги поседуваше. Сепак, не сите автори се задоволни од договорот.

Некои тужители сметаа дека износот на плаќање е пренизок и одлучија да се повлечат од спогодбата за да поведат посебни тужби против компанијата.

Овој случај би можел да постави важен преседан за целата индустрија за вештачка интелигенција, која во последниве години се соочува со сè поголем број прашања за тоа како податоците се користат за обука на модели на вештачка интелигенција.

Тагови: Антропик вештачка интелигенција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер