Живот

ОЕЦД ги објави резултатите од тестирањето ПИСА

Секој четврти ученик во земјите членки на ОЕЦД не може да ги извршува наједноставните задачи во разбирањето на читањето, што значи дека веројатно ќе има проблеми да успее во се повеќе нестабилниот и дигитален свет.

Ова е едно од наодите од последното Глобално истражување ПИСА на ОЕЦД, кое ги проценува квалитетот, правичноста и ефикасноста на училишните системи. Во студијата е опфатена и нашата земја, многу ниско на ранг листата, иако таа е меѓу земјите кои постигна најдобри резултати од студијата направена во 2018, а објавена денес во споредба со таа од 2015, јавува дописникот на МИА.

Околу 600 000 15-годишни деца во 79 земји и економии ги поминаја тестовите ПИСА 2018 во читање, наука и математика, повеќето од нив се компјутерски, додека во Македонија тие беа писмени тестови. Акцентот овој пат беше ставен на разбирањето на читањето.

Учениците од Македонија се на 67-то место на листата на ПИСА, од нашиот регион само учениците од Косово се подолу, додека сите други имаат подобри резултати.

Повеќето земји, особено развиените, бележат мало подобрување во текот на изминатата деценија, и покрај зголемувањето на трошоците за образование од 15% за истиот период. Во читањето, студентите во Пекинг, Шангај, Жиангсу и Бjеџијанг (Кина) и Сингапур постигнаа значително подобруи резултати од оние во другите земји. Водечките земји на ОЕЦД се Естонија, Канада, Финска и Ирска.

-Без здраво образование, младите луѓе ризикуваат да останат на маргините на општеството, не можат да се справат со предизвиците на утрепниот свет на трудот и нееднаквостите ќе продолжат да се шират", предупреди Генералниот секретар на ОЕЦД, Ангел Гурша, по повод презентацијата на извештајот во Париз, отворајќи ја дводневна конференција за иднината на образованието, додавајќи:

-Секој долар потрошен на образованието генерира значителни придобивки во однос на социјалниот и економскиот напредок и помага во градењето на инклузивна и просперитетна иднина за сите.

Постојат значителни разлики во тоа како перформансите на некои земји и економии се развија во периодот помеѓу 2015 година и 2018 година. На пример, просечните перформанси во математиката се подобриле во 13 земји и економии меѓу кои и во Република Македонија.

Просечно македонските ученици добиле 393 поени за разбирање на читањето – средната оценка на ОЦДЕ е 487, 394 за математика а средната оценка на ОЦДЕ е 489 и 413 за наука под средната оценка на ОЦДЕ од 489.

Споредба на перформансите на земјите и економиите во разбирањето на читањето осум земји се со просечни оценки под просекот на ОЕЦД (Саудиска Арабија, Аргентина, Јордан, Либан, Молдавија, Република Македонија, Романија и Украина) во 2018 година.

Постојат значителни разлики во начинот на кој се менуваат резултатите на некои земји и економии меѓу 2015 и 2018 година. Така, просечното разбирање во читањето е зголемено во 4 земји и економии меѓу кои и во Република Македонија, притоа нашата земја е меѓу земјите каде резултатот за читање односно разбирање на текст нагло и најмногу се зголеми за 41 поен, ) за споредба во Турција тоа е 37 поени, но исто и во Макао (Кина) и Сингапур (помеѓу 10 и 20 поени).

Во просек, во земјите на ОЕЦД, резултатот не се промени значително во математиката или науката помеѓу 2015 година и 2018 година. Во математиката, резултатот се намали во само 3 земји и економии (во Малта, Романија и Кинески Тајпеј), но се зголеми за повеќе од 10 поени во 11 земји и економии (во Албанија, Јордан, Латвија, Макао [Кина],Црна Гора, Македонија, Перу, Полска, Катар, Словачка Република и Турција). Тој особено се зголеми во Турција (33 поени), Албанија (24 поени) и Северна Македонија (23 поени).

Во науката, зголемувањето на просечните оценки е многу поретко. Помеѓу 2015 и 2018 година просечната оценка се зголеми за повеќе од 10 поени во само четири земји и економии: Турција (43 поени), Македонија (29 поени), Јордан (21 поен) и Макао (Кина) (15 поени).

Просечното знаење на учениците значително се зголеми во 2 од 3-теобласти во текот над проценките на ПИСА во 12 земји и економии: во читање и математика во Естонија, Израел, Црна Гора, Полска, Романија, во Руската Федерација и во Србија; по математика и наука во Грузија, Малезија, Република Македонија и во Турција; и во разбирањето на читањеи наука во Сингапур.

ПИСА ги идентификува и државите што постигнале значителен напредок во постигнувањето на целта на да се осигура дека сите деца имаат минимално ниво на владеење во читањето и математиката на крајот од првиот циклус на средното образование. Во разбирањето на читањето, процентот на учениците кои го надминале нивото на минимална компетентност се зголеми за повеќе од 10 процентни поени во Република Молдавија, Република Македонија, Перу и Катар; а во математиката, таа се зголеми во споредлива мера во Албанија, Малезија, Црна Гора, Перу и Катар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево време со температура до 20 степени

Времето утре ќе биде сончево со мала до умерена облачност, соопштуваат од УХМР.

МАКСИМАЛНА ТЕМПЕРАТУРА

4 Попова Шапка, 8 Маврови Анови, 9 Крушево, Берово, 13 Крива Паланка, Претор, Прилеп, 14 Битола, Охрид, 16 Струмица, Виница, Штип, Тетово, 17 Кавадарци, Скопје Петровец, Скопје – Зајчев Рид, Демир Капија, Велес, 18 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше променливо облачно со сончеви периоди. Наместа дуваше засилен до силен ветер, кој во источните делови повремено достигнуваше брзина од 60 km/h. Во вечерните часови и во текот на ноќта ќе биде умерено облачно. Ќе дува засилен ветер од северен и северозападен правец.

ВРЕМЕТО УТРЕ

Сончево со мала до умерена облачност. Ќе дува умерен до засилен ветер од северозападен правец, кој долж Повардарието ќе надминува брзина од 60 km/h. Минималната температура ќе биде во интервал од 0 до 9, а максималната ќе достигне од 12 до 20 степени.

Во Скопје, сончево со мала до умерена облачност. Ќе дува умерен, во делови од котлината повремено засилен ветер од северен правец. Минималната температура ќе се спушти до 6, а максималната ќе достигне до 15 степени.

ВРЕМЕТО ВО НАРЕДНИТЕ ДЕНОВИ

Следува период на променливо облачно и стабилно време, освен во петок кога ќе има слаби локални врнежи од дожд кои на повисоките планини ќе бидат од снег. Утре ќе дува засилен до силен ветер од северен правец, а од петок до крајот на периодов, ќе дува слаб до умерен северен ветер, кој ќе биде поизразен долж Повардарието.

Македонија

Продолжувањето на дијалогот со Бугарија е позитивен чекор, но се уште не сме блиску до решение – оценува академик Попов

Дипломатските напори и продолжувањето на дијалогот со Бугарија оценети како позитивен чекор од страна на МАНУ.

МАНУ ги повикува надлежните институции да создадат регистар на сите однесени археолошки артефакти од Македонија во соседните земји и регионот за да се поведе постапка за нивно враќање во земјава во знак на добрососедската политика, пријателството и меѓународните конвенции. Во науката не смее да има политика а соработката меѓу научниците може да придонесе кон подобри билатерални односи, оценува претседателот на МАНУ – академик Живко Попов на денешното одбележување на 59 годишнината од формирањето на Академијата.

-Ја следиме размената на археолошки артефакти и други предмети од средновековната историја на Балканот помеѓу две соседни земји членки на ЕУ во знак на добрососедска политика. Со оглед на фактот дека богатата почвана денешна Македонија со археолошки артефакти, ракописи, црковни реликвии, печатени книги и дрги предмети со векови била оставена на немилост на разни завојувачи, голем дел од нив се однесени во речиси сите соседни земји и во други земји од регионот и надвор од него. - Живко Попов, претседател на МАНУ

Попов ги поздрави напорите на Владата за вклучување на европски посредници во надминувањето на спорот со нашиот источен сосед, но како што рече, потребен е и одговор од европските институции, зошто билатералните спорови имаат толкаво влијание во проширувањето.

-Дали напредокот ќе зависи од исполнување на критериумите и спроведените реформи или и натаму бесконечно ќе биде условуван од билатерални прашања? По сите отстапки што досега сме ги направиле и болните реформи низ кои поминавме, оправдано е да се очекува помош од нашите стратегиски партнери за надминување на блокадата. - Живко Попов, претседател на МАНУ

Попов посочи дека во минатото, со Бугарската академија на науките постоела одлична соработка во над 30 научноистражувачки проекти, а во моментов, како што подвлече, нема ниту еден проект и речиси никаква релација.

Бизарно

Сакал да избрка пајак, па запалил луксузно летувалиште на Бали- туристот направил штета од 100.000 долари (ВИДЕО)

Навидум обична средба со пајак се претвори во катастрофа на индонезискиот остров Бали.

Турист кој сакал да се ослободи од непосакуван гостин во бањата на својата вила решил да употреби оган.

Сепак, неговиот обид завршил со пожар кој го зафатил целиот имот, вреден повеќе од 100.000 долари, за само неколку минути.

Пајакот бил виновен

Необичниот инцидент се случил на 5 октомври во Северна Кута, една од популарните туристички области на Бали, а деталите за оваа необична несреќа ги објави денес американското списание People.

Главен актер е 45-годишниот Гаорап Рана, турист од Непал, кој го забележал пајакот и неговата мрежа во бањата за време на престојот во вилата.

Наместо едноставно да го отстрани или да побара помош од персоналот, тој решил да го исплаши со запалена хартија. Се покажало дека станува збор за исклучително скапа грешка.

Од парче хартија до пожар кој ја зафатил целата вила

Според локалната полиција, Рана запалил парче хартија за да го исплаши пајакот, а потоа ја напуштил бањата и отишол во друга соба. Сепак, силен ветер ја однесе запалената хартија кон покривот на вилата.

Проблемот беше што покривот беше направен од традиционален материјал познат како аланг-аланг, или сува трева што често се користи во архитектурата на тропските згради. Иако ваквите покриви им даваат на вилите препознатлив егзотичен изглед, материјалот е многу запалив.

Штом пожарот стигна до покривот, пламенот почна брзо да се шири.

Портпаролката на полицијата во Бадунг, Ни Нџоман Џуни Елтари, им објасни на локалните медиуми дека, според сегашните информации, запалената хартија ја однел ветерот до покривот, по што избувнал пожарот.

Пожарот набрзо се проширил на зградата, а обидот да се избрка еден пајак се претворил во борба за спасување на целата вила.

View this post on Instagram

A post shared by Bali Live - Everything About Bali (@balilive_com)

Луксузниот сместувачки капацитет е сведен на изгорени ѕидови

Пожарникарите брзо се упатиле кон местото на настанот додека жителите се собирале за да помогнат во гаснењето на пожарот. Снимките објавени од медиумите покажаа густи облаци од чад како се извишуваат над зградата и луѓе кои се обидуваат да го контролираат пламенот.

Кога пожарот конечно беше ставен под контрола, поранешниот луксузен сместувачки капацитет остана со изгорени подови, поцрнети ѕидови и уништен ентериер.

Според списанието „Пипл“, вредноста на уништената вила е проценета на приближно 112.000 долари. Локалната полиција ја процени материјалната штета на околу две милијарди индонезиски рупии.

За среќа, туристот успеал да ја напушти зградата на време и не бил повреден. Немало други повредени, а пожарот не ги оштетил околните куќи.

Зошто пожарот се проширил толку брзо?

Истражителите посочиле на комбинација од неколку неповолни околности.

Покрај екстремно запаливиот покрив од сува трева, високите температури, сувото време и силните налети на ветер придонеле за ширењето на пожарот.

Според полицијата, ветерот одиграл клучна улога во малиот пламен од бањата што стигнал до покривот.

На Бали, традиционалните материјали како што е аланг-аланг се користат за изградба на бројни вили, бунгалови и туристички објекти, бидејќи добро се вклопуваат во локалната архитектура.

Меѓутоа, кога ваквите материјали ќе се запалат, пожарот може брзо да се прошири на голема површина. Затоа, дури и навидум безопасното ракување со отворен пламен може да има сериозни последици.

А што се случи со пајакот?

Најнеобичниот дел од целата приказна е фактот што сè уште не е познато на кој вид му припаѓал пајакот што ја предизвикал оваа реакција.

Според списанието People, на Бали постојат и отровни видови пајаци, но експертите од локалната клиника Unicare истакнуваат дека тие се претежно повлечени, не се агресивни и ретко се среќаваат во туристичките сместувачки капацитети.

Повеќето од пајаците што туристите можат да ги забележат на островот не претставуваат сериозна опасност за луѓето. Сепак, обидот да се избрка еден од нив со пожар заврши со целосно уништување на објектот.

Сè уште не е познато дали непалскиот турист ќе се соочи со правни или финансиски последици за предизвикување на пожарот. Она што е сигурно е дека овој одмор ќе се памети по многу работи, но сигурно не по одмор во тропски рај.

Тагови: Бали турист