Забава

Одржана седмата изложба на олдтајмери во Делчево

Изложба на стари автомобили по седми пат се одржа денеска во Делчево.

Таа го побуди интересот на сопствениците на олдтајмери од неколку градови од државава, но и од Бугарија и од Србија, кои во бројка од околу стотина, учествуваа на популарното „Ретро кар шоу“, што го организираше делчевското здужение „Кингс оф д роудс“ (King's of the road's). Изложбата ја красеа стари возила увезени од Англија, Италија и од други западно-европски земји, како и автомобили што најмногу се возеле на просторите на бивша Југославија, а беа меѓу највпечатливите.

- Имаме гости од Србија, Бугарија и од десетина градови од Македонија, кои што дојдоа со навистина прекрасни коли. Гледаме прекрасна глетка, а настанот претставува еден вид празник на градот. Имаме неофицијален и официјален дел, во официјалниот дел ќе доделиме награди на најдобро средени олдтајмери, ќе имаме и дефиле. Очекуваме уште неколку гости, сите кои се најавени и очекуваме потоа заедничка дружба, истакна претседателот на делчевското здружение на олдтајмери, Лоренцо Трајановски.

Настанот е поддржан од Федерацијата на историски возила на Македонија. Нејзиниот претставник, Јана Спиридоновска Саздовска истакна дека со самото растење на олдтајмерството во Македонија, федерацијата сѐ повеќе работи на обезбедување посебни сертификати за користењето на старите возила и обезбедување поволности при нивно регистрирање.

- Олдтајмерството во Македонија сѐ повеќе расте, федерацијата се збогатува со луѓе и со клубови. Во Македонија мислам дека има помеѓу 50 и 80 илјади олдтајмери, кои се обидуваме да ги собереме. Се формираат нови клубови, што е добар знак дека љубителите на стари коли или олдтајмерите сѐ повеќе излегуваат, ни се приближуваат, се пријавуваат. Работиме многу на таа регулатива да се олесни регистрацијата и да се издаваат посебни сертификати, мислиме дека со тек на време ќе успееме во тоа, но и при увоз на олдтајмери, тоа е еден светски проблем кој го решаваме и мислам дека неговото решавање ќе биде успешно, нагласи таа.

Околу регистрацијата на самите олдтајмери, како што додаде учесник на настанот, слична е состојбата и во соседна Србија. Тој додаде и дека многу малку се цени оваа историска оставштина од стари возила во земјите на Балканот.

- За жал, за поволна регистрација на овие возила, сѐ уште го немаме тој закон, моментално мислам дека е во процедура нешто во Парламентот, мислам дека до крајот на годината или почетокот на наредната, ќе се реши и тој проблем, затоа што сѐ потешко ги регистрираме, ги немаме тие АБС системи, издувни гасови и друго што се бара на технички преглед. Во главно, во некои земји мислам дека е подобро, бидејќи некој вози за викенд, некој 180 дена во годината, таму имаат некоја погодност при регистрацијата и поевтини се. Исто така, за жал, не се води сметка за оваа историска оставштина и културно богатство. Сите држави кои доцнат во тој поглед, го губат тоа богатство бидејќи се продаваат возилата, изјави учесникот од Србија.

Тој по четврти пат учествуваше на изложбата во Делчево со култната шведска марка на возила „СААБ“.

- Четири години по ред сум во Делчево, инаку имам учествувано и во Скопје, исто така имаме одлична соработка со љубители на „Класик мини“ и други клубови од Македонија. „СААБ“ е култен модел, шведски, со кој Ерик Карлсон трипати по ред го освојуваше релито во Монте Карло во 70-те години од минатиот век. Има мотор четири кој без гасење има пројдено 360 илјади километри, редок мотор. Околу наградите, вчера бев на парадата во Бобошево, Бугарија каде имаше околу 80 возила, освоив прва награда таму, рече учесникот од Србија.

Цветан Најденов од Бугарија е љубител на „трабант“, има колекција од 50 возила, а во Делчево присуствуваше со нов модел кој има поминато само 150 километри.

- Ме викаат доктор Зизи, а со „трабант“ се занимавам 50 години, имам околу 50 стари возила, не ме интересираат парите колку чини, тоа си е од внатре. За првпат сум тука, но, има добри возила. Оваа кола со која денес сум тука, беше подложена на комплетна реставрација, доведена до оригиналниот вид, со надворешна естетика оспособена за да биде нешто оригинално, во моментот нема поминато 150 километри. Ме поканија колегите од вашиот град да се видиме, дружиме, не само тука, туку и на маса, појасни Најденов.

Меѓу наградените на денешниот собир на олдтајмери, беше англискиот „морган“ на учесник од Скопје, „пеперугината феја“ на Ина Николова, „волга гас 22'“ на Сергej Сурков и „опел аскона“, сите од Софија, Република Бугарија, како и „форд конзул“, произведен 1960 година, кој за изложбата дојде од Србија. За останатите учесници, организаторите обезбедија медали и благодарници. По завршувањето на изложбата се одржа дефиле низ улиците на градот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма на небото: Прозорец на авион се скрши, патниците спасувале Србин (ВИДЕО)

Вистинска драма се одвивала во петок наутро на летот на „Рајанер“ од аеродромот „Македонија“ во Солун до Минхен. Инцидентот, кој ги шокираше патниците, се случил кратко по полетувањето.

За време на летот, се слушна силен тресок, по што еден од прозорците на авионот целосно се скрши, изјави еден од патниците за порталот „rthess.gr“.

Кабината веднаш изгубила притисок и маските за кислород биле активирани. Според очевидци, најкритичниот момент се случил кога воздухот почнал да извлекува 61-годишен српски државјанин, кој седел веднаш до скршениот прозорец, пренесува „Proto thema“.

Телото на мажот било речиси до рамената надвор од авионот, а го спасил безбедносниот појас, како и патниците кои седеле до него и го влечеле назад, велат очевидци за Радио Солун.

Пилотот веднаш го сменил курсот и побарал итно слетување, а успеал безбедно да го врати авионот на аеродромот „Македонија“ во Солун.

Според последните информации, повредениот Србин бил однесен во болница со возило на брза помош поради повреда на вратот. Лекарска помош му е укажана и на бремена жена која е префрлена во болницата „Ипократио“, каде по детален ултразвучен преглед е утврдено дека сè е во ред со неа и бебето и таа е пуштена дома, пренесува „Euronews“.

Тагови: авион драма

Македонија

МФ: Нови правила во финансискиот лизинг – поголема заштита на граѓаните

Зголемена транспарентност и подобар надзор согласно европските стандарди.

Поголема транспарентност, посилна заштита на корисниците, поефикасен надзор и модернизирана регулаторна рамка усогласена со европските стандарди се клучните новини што ги носат измените на Законот за финансиски лизинг. Измените усвоени од Собранието, претставуваат еден од осумте чекори што Министерството за финансии ги реализира во рамки на Реформската агенда.

Новите законски решенија се однесуваат на условите за основање и работење на давателите на финансиски лизинг, корпоративното управување, механизмите за надзор, транспарентноста во работењето и заштитата на корисниците на финансиски лизинг. Новите правила носат појасни договори, можност за предвремена отплата без дополнителни трошоци, поголема контрола врз работењето на лизинг-компаниите и повисоки стандарди за заштита на корисниците.“

Со цел зголемување на транспарентноста и заштитата на корисниците, со измените се прецизираат задолжителните елементи што треба да ги содржи секој договор за финансиски лизинг, вклучително и сите надоместоци поврзани со лизингот. Дополнително, се овозможува договорите за финансиски лизинг да се склучуваат и во електронска форма, доколку се исполнети условите согласно прописите за електронски документи, електронска идентификација и доверливи услуги, како и прописите за спречување перење пари, заштита на лични податоци и други релевантни прописи.

Со измените се воведува можност корисникот на финансиски лизинг во секое време целосно или делумно да ги отплати преостанатите обврски согласно амортизацискиот план, без дополнителни трошоци. Со тоа се обезбедува и право на намалување на вкупните трошоци за преостанатиот период од договорот.

Дополнително, се зајакнува заштитата на корисниците преку прецизирање дека давателот на финансиски лизинг не може да го користи предметот на финансискиот лизинг како залог без претходна писмена согласност од корисникот. Согласноста треба да биде дадена пред нотар, во посебен документ – изјава, одвоена од договорот за финансиски лизинг и општите услови, со јасно наведување на правните последици од таквата согласност.

Давателите на финансиски лизинг ќе имаат обврска да ги објавуваат годишните финансиски извештаи, заедно со извештајот и мислењето на овластениот ревизор, на своите интернет-страници. На овој начин, физичките и правните лица како корисници на лизинг ќе имаат можност за подобар увид во работењето на друштвата за лизинг пред воспоставување деловен однос.

Со измените се зајакнува и надзорот преку унапредување на прекршочните одредби, како и финансиската стабилност на давателите на финансиски лизинг преку зголемување на минималниот износ на основната главнина од 6.000.000 на 30.000.000 денари.

Во насока на зајакнување на интегритетот на субјектите што вршат финансиски лизинг, со измените се имплементираат и препораките на MONEYVAL Комитетот при Советот на Европа во областа на спречувањето на перење пари и финансирањето на тероризам. Се воведуваат критериуми за соодветност и репутација што треба да ги исполнуваат основачите и членовите на органите на управување на давателите на финансиски лизинг.

Тагови: МФ

Македонија

СДСМ: Трета економија на празни фрижидери

Христијан Мицкоски се фали дека Македонија имала најниска инфлација во регионот.

Но граѓаните не живеат од статистички извештаи, туку од платите и од тоа што можат да си го купат во маркетите со тие плати.

Инфлацијата можеби е намалена, но потрошувачката кошница и понатаму тешко се стига. И во овој момент инфлацијата е далеку повисока од тоа што Мицкоски го ветуваше во владината програма и во буџетот за 2026 година.

Цените на основните производи останаа високи, а платите се меѓу најниските во Европа.

Минималната плата во Македонија е далеку под нивото на соседните земји, а просечната плата не е доволна за нормален живот.

Уште поалармантно е тоа што странските инвестиции се намалени за над 60% во однос на периодот пред доаѓањето на оваа Влада.

Наместо развој и нови работни места, имаме економска стагнација и бегство на капитал.

Мицкоски сака да зборува за „економски успеси“, но реалноста е сосема поинаква.

Македонија под негово раководство стана трета економија на празни фрижидери – земја во која се фалат со бројки, а граѓаните се борат да преживеат.

Додека криминална група ВМРО се занимава со пропаганда и селективни статистички податоци, луѓето се соочуваат со се поскап животи, ниски плати и несигурна иднина.

Ова не е успех. Ова е систематско влошување на економската и социјалната состојба кое се обидуваат да го прикријат со празни фрази.

Граѓаните не јадат инфлација. Тие го јадат од она што можат да си го дозволат. А во моментов, тоа е се помалку.

СДСМ

Тагови: СДСМ