Одржан годишниот концерт на КУЗ "Карпош" на "Кривопаланечко културно лето" - Канал 5

Култура

Одржан годишниот концерт на КУЗ "Карпош" на "Кривопаланечко културно лето"

Гости на вечерта беа фолклорен ансамбл  “СД Младост”- Босилеград, Србија и танцова формација “Партњори” од Ќустендил, Бугарија.

Одржан годишниот концерт на КУЗ "Карпош" на "Кривопаланечко културно лето"

На плоштадот "Карпошово востание" во Крива Паланка синоќа се одржа годишен концерт на културно-уметничкото здружение "Карпош" на кој пред бројната публика се претставија сите ансамбли на друштвото кое 53 години е чувар на македонскиот фолклор, традиција и култура, а гости на концертот беа и фолклорни друштва од Србија и Бугарија.

- Традиционалниот годишен концерт секогаш носи лепеза од ора, игри и танци од кривопаланечко и сите македонски краеви со кои ги чуваме и негуваме битот, мелосот, богатата македонска фолклорна ризница. Подеднакво се застапени и возрасните групи и простор за претставување пред публиката имаа младите почитувачи и одржувачи на фолклорот и традицијата, рече Оливер Станоевски, претседател на КУЗ "Карпош".

Концертот е во организација на друштвото, а е дел од програмата на "Кривопаланечко културно лето" под покровителство на Општина Крива Паланка.

Гости на вечерта беа фолклорен ансамбл “СД Младост”- Босилеград, Србија и танцова формација “Партњори” од Ќустендил, Бугарија.

Играорците од "Карпош" пред публиката настапија со: "Мариовска тресеница", "Заврзлама", "Лисолај", "Радовишки собор" и "Мори Маро дилиндаро", гостите презентираа свои национални ора и игри, а настанот беше и со хуманитарен карактер, се собираа средства за помош на млада мајка од Крива Паланка која се бори со тешка болест.

КУЗ "Карпош" е формирано во 1972 година, денес брои над 300 членови кои ги негуваат традициите на фолклорните игри, фолклорните песни, старите обичаи и соодветните носии од кривопаланечкиот крај преку богатиот и атрактивен репертоар игри и песни, не само од кривопаланечкиот крај туку и од останатите региони на државата, што се одликуваат со карактеристичен мелоритам, посебен темперамент, убавина и раскош на изворниот и стилизирани фолклор, збогатен со живописен колорит на народни носии и виртуозна игра, создавајќи автентична атмосфера на фолклорен ритуал.

Во своето пет децениско постоење членовите на друштвото настапиле на многу домашни и меѓународни фолклорни фестивали ширум Европа и Азија, а културно - уметничкото друштво е носител на многубројни домашни и меѓународни признанија.

Тагови: Кривопаланечко културно лето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Топки мраз паѓаа од небото- невидено невреме ја погоди Франција (ВИДЕО)

Силна бура проследена со град го погоди регионот Ардеш во јужна Франција, предизвикувајќи огромна материјална штета на возилата, како и на зградите и вегетацијата.

Топки мраз паѓаа од небото- невидено невреме ја погоди Франција (ВИДЕО)

Бурата вчера ја погоди областа околу градовите Обена, Вал-ле-Бен и Лалевад д'Ардеш, а на социјалните мрежи беа објавени снимки од град со дијаметар од неколку сантиметри кој брзо ги покри улиците.

Снимките покажаа луѓе кои држат „ледени топки“ кои кршеа прозорци на нивните возила и куќи.

Според извештаите од теренот, дел од градот бил со големина на фудбалска топка, со дијаметар помеѓу пет и седум сантиметри.

Пожарникарите реагираа на неколку инциденти предизвикани од невремето, додека обилните дождови доведоа и до локални поплави.

Градоначалникот на Обена, Жан-Роман Рибеиро, ја опиша бурата како „екстремно насилна појава“ откако делови од регионот беа покриени со слој мраз и град.

Ардеш беше меѓу департманите кои претходно издадоа портокалово предупредување поради ризикот од силни бури.

Тагови: невреме Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Реакцијата на Мик Џегер по поразот на Англија на СП е хит (ВИДЕО)

Поразот на Англија на Светското првенство донесе и неочекувана последица, нов интернет мем.

Реакцијата на Мик Џегер по поразот на Англија на СП е хит (ВИДЕО)

Во главната улога е Мик Џегер, чија разочарана реакција по елиминацијата на Англија од турнирот брзо стана вирална на социјалните мрежи.

Фронтменот на „Ролинг Стоунс“ беше меѓу познатите фанови кои го гледаа полуфиналниот натпревар против Аргентина од трибините на стадионот во Атланта, каде што дојдоа да ја бодрат англиската репрезентација. Пред почетокот, камерите го фатија како ја пее „Sweet Caroline“, песна која стана суштински дел од навивачката атмосфера на натпреварите на Англија во последните години.

Но, како што стана јасно дека Англија губи и нема да стигне до финалето, расположението на Џегер видливо се промени. Кон крајот на натпреварот, камерата го фати како разочарано ја тресе главата, а тој краток момент веднаш стана материјал за бројни шеги и објави на социјалните мрежи.

Разочараниот Џегер стана мем

„Тоа видео на кое Мик Џегер ја тресе главата треба да стане мем“, напиша некој.

„Сер Мик кажа сè што чувствуваат навивачите на Англија“, додаде друг.

„Од 1966 година чекаме финале на Светското првенство...“, „Благодарам Светско првенство за ова видео од разочараниот Мик Џегер“ и „Цела Англија сега се чувствува како Мик Џегер“, се некои од коментарите.

И Бекамови привлекоа внимание

Џегер не е единствената позната личност чии моменти од трибините станаа вирални за време на овогодинешното Светско првенство. Сер Дејвид Бекам ги следи натпреварите на Англија во друштво на неговата сопруга Викторија и нивните деца, а токму таа предизвика бројни реакции од гледачите минатата недела.

Нејзиното сериозно лице додека остатокот од семејството ја славеше победата на Англија брзо се прошири на интернет, па самиот Бекам мораше да ја погледне ситуацијата. „Таа славеше внатре, ветувам“, напиша тој на Инстаграм со објава за реакцијата на Викторија и додаде: „Нејзините реакции беа само малку побавни од моите“.

Сепак, многумина забележаа дека поранешната членка на Спајс Грлс покажа многу повеќе емоции за време на натпреварот во среда кога Ентони Гордон постигна гол за Англија.

Иако Англија нема да игра во финалето на Светското првенство во недела, турнирот не е завршен за нив. Националната репрезентација ја чека натпревар против Франција за третото место.

Тагови: Мик Џегер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Со лопата си ја убил мајка си и братот- трагедија во Сараево: Ги испратив меѓу мачениците

Полицијата во Сараево денеска уапси 43-годишен маж под сомнение за убиство на две лица, а локалните медиуми објавија дека неговите жртви се мајка и брат, кои ги убил на исклучително брутален начин.

Со лопата си ја убил мајка си и братот- трагедија во Сараево: Ги испратив меѓу мачениците

Уапсениот во медиумите е идентификуван како Аднан Локванчиќ, објави Кликс. Тој е уапсен во семејниот стан во сараевската населба Храсница, каде што полицијата го пронашла по дојава.

Полицијата накратко објави дека е приведен под сомнение за убиство на едно машко и едно женско лице и дека е во тек истрага за да се утврди што точно се случило.

Лопата и отсечена глава

Според порталот „Дневни аваз“, Локванчиќ наводно ги убил својот брат и мајка со удари со лопата. Потоа ја обезглавил мајката.

Неговиот официјален адвокат, Омар Мехмедбашиќ, потврди за медиумите дека жртвите се мајката и братот на уапсениот маж, кој веднаш најави дека ќе побара психијатриско испитување.

„Очигледно постои причина за стручно мислење на невропсихијатар, бидејќи кога го дал своето сведоштво, рекол дека ги испратил мајката и братот што ги убил меѓу мачениците на подобро место“, изјавил Мехмедбашиќ за порталот Кликс.

Семејство обележано со трагедии

Медиумите известуваат дека целото семејство во кое се случила оваа трагедија имало тежок живот, а особено било трауматизирано од фактот дека таткото извршил самоубиство со рачна граната по војната.

Тагови: лопата сараево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер