Одмазда за Харков: Гори Москва, Украинците ја гаѓаат со дронови, затворени аеродромите (ВИДЕО) - Канал 5

Свет

Одмазда за Харков: Гори Москва, Украинците ја гаѓаат со дронови, затворени аеродромите (ВИДЕО)

Украинскиот напад со беспилотни летала насочени кон Москва предизвика затворање на двата клучни аеродроми што го опслужуваат главниот град, соопштија руските власти рано утрово.

Одмазда за Харков: Гори Москва, Украинците ја гаѓаат со дронови, затворени аеродромите (ВИДЕО)

Руските единици за воздушна одбрана уништија девет украински беспилотни летала што се движеа кон Москва до 4 часот наутро, изјави градоначалникот Сергеј Собјанин на апликацијата за пораки Телеграм.

Службите за итни случаи беа испратени на местата каде што беспилотните летала се урнаа во ноќниот напад, додаде тој. Не е пријавена никаква штета, објави „Слободна Далмација“.

Украинскиот напад со беспилотни летала, исто така, предизвика краток пожар во хемиската фабрика „Азот“ во Тулската област, при што беа повредени две лица, и беа уништени седум беспилотни летала над Калушката област, соопштија регионалните гувернери. И двата региони се граничат со Московската област, јужно од главниот град.

Руската служба за цивилно воздухопловство, Росавијација, изјави на Телеграм дека ги суспендира летовите на аеродромите Внуково и Домодедово заради безбедноста на воздушниот сообраќај.

Помина една недела откако Русија и Украина разменуваат големи бранови напади со беспилотни летала и ракети, почнувајќи со масовен руски напад минатата сабота, по што Украинците го шокираа Кремљ во недела, 1 јуни, со операцијата „Пајажина“, во која уништија најмалку 13, а веројатно и двојно повеќе, од тешко заменливите стратешки бомбардери на Русија.

Вчера руските сили го нападнаа Харков, каде што досега има четири цивилни жртви меѓу кои и дете.

Тагови: москва Харков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер