Одговорно родителство за детето да не израсне во нарцис - Канал 5

Живот

Одговорно родителство за детето да не израсне во нарцис

Родителството, во смисла на воспитувањето емоционално стабилни деца, може да биде напорно, се согласуваат стручњаците.

Одговорно родителство за детето да не израсне во нарцис

Родителите честопати се под стрес поради своите грешки, но тоа е нормално, доколку возрасниот е свесен за нив, и тоа може значително да влијае на развојот на децата.

Веројатно ниеден родител не сака неговото дете да израсне во нарцис. Во интернет-емисијата „Отворени односи“, психологот д-р Стен Таткин од САД открива два главни начини на коишто родителите ненамерно ги претвораат своите деца во нарциси.

Непокажување последици

Можеби една од најважните лекции што родителите треба да ги научат е како да им се спротивстават на своите деца и да научат кога да се каже - не. Уште повеќе, кога родителот нема да им ги покаже на децата последиците од лошите постапки, тоа може да има уште понегативно влијание во развојот на личноста и односите натаму.

- Што се случува кога сте неконзистентни и не знаете како да возвратите? Што се однесува до мене, јас ја губам почитта кон тебе. Слично на тоа, Вашите деца почнуваат да Ве гледаат како слаби и неспособни. Така ќе почнат помалку да Ве почитуваат бидејќи знаат дека можат да ги контролираат и манипулираат Вашите постапки. Затоа, последиците се многу важни, а родителите кои не се доследни во поставувањето граници и посочувањето на последиците може и веројатно е „да одгледаат“ нарцис, вели психологот.

Значи, родителот мора да му ги покаже последиците од лошите постапки на своето дете.

- Мора на децата да им ги покажете последиците на начин соодветен на возраста. Покажете им ги природните последици од нивните постапки и побарајте да бидат одговорни за кршењето правила или непридржувањето кон нив. Покрај тоа, тие треба да си создадат емпатија, но со ограничувања, појаснува Таткин.

Премногу строго родителство

И тоа - да се ​​биде премногу строг, ладен и авторитарен родител придонесува за развој на дете - нарцис. Психологот објаснува дека ако родителот не обрнува внимание на чувствата на детето, веројатно и тоа ќе го покаже истото однесување кон другите луѓе во својот живот. Затоа, советот тука гласи: Родителство со рамнотежа меѓу љубовта и строгоста.

Според Американската психолошка асоцијација: „Во авторитативното родителство, возрасните негуваат, реагираат и даваат поддршка, но поставуваат цврсти граници за своите деца. Тие се обидуваат да го контролираат однесувањето на детето со објаснување на правилата и расправија. Обрнете внимание на гледиштето на детето, но не го прифаќајте секогаш.“

Така, како и со сè друго во животот, и во односот родител - дете мора да постои рамнотежа, сметаат стручњаците./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

НАТО и Германија демонстрираат сила на истокот на Европа- големата воена вежба ќе трае до декември (ВИДЕО)

Во Литванија започнаа воените вежби на Бундесверот, во кои учествуваат повеќе од шест илјади војници, а ќе траат до 3 декември.

НАТО и Германија демонстрираат сила на истокот на Европа- големата воена вежба ќе трае до декември (ВИДЕО)

„Во вежбите „Штит на слободата 26-II“ и „Голем орел 26“ учествуваат единици на литванската 45-та оклопна бригада Литванија и 37-ма моторизирана пешадиска бригада Саксонија на германската 10-та оклопна дивизија“, се вели во соопштението, јавува LRT.

Заедно со литванските и германските војници, борбена обука ќе поминат и војници од мултинационалната борбена бригада на НАТО од Германија, Холандија, Норвешка, Чешка, Хрватска, Белгија и Луксембург, како и литванска воена единица.

Главната цел на маневрите е да се зголеми борбената готовност на војниците, да се вежба команда и контрола и планирање на операции, како и да се зајакне соработката со сојузниците.

Литванската војска појасни дека вежбата „Штит на слободата 26-II“ ќе се одржи на воениот полигон Руднинкај, додека вежбата „Голем орел 26“ ќе се одржи на воениот полигон „Генерал Силвестрас Жукаускас“ во близина на градот Пабрада.

Воените возила ќе бидат во активна употреба во текот на целата воена вежба.

Најголем сообраќај на конвои се очекува од граничниот премин Калварија на 6 и 7 ноември, а од Клајпеда на 10 и 12 ноември.

Локалните жители се предупредени за можни прекини во сообраќајот и се замолени строго да ги следат упатствата на воената полиција.

Русија во последните години постојано изразува загриженост за активностите на НАТО долж нејзините западни граници.

Кремљ истакна дека Москва не претставува закана за никого, но дека нема да ги игнорира дејствијата што се потенцијално опасни за нејзините интереси.

Тагови: воена вежба НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џејми Оливер најави дека се повлекува од телевизиите

Познатиот британски готвач Џејми Оливер, кој со децении подготвуваше оброци пред милионска публика, го објави своето пензионирање од телевизијата. 

Џејми Оливер најави дека се повлекува од телевизиите

Оливер вели дека има различни планови за иднината и сака да се врати на своите корени, пишува heute.at.

На почетокот на својата кариера, Оливер сакал само да готви, но откако бил откриен од телевизијата, станал глобално познат. Сега, по речиси три децении, тој размислува за потивок живот. „Ме украдоа од кујната за да станам „Џејми Оливер““, рече 51-годишниот готвач во австриската радио емисија Ö3 „Појадок во мојата куќа“.

Тој се сети како работел во лондонскиот ресторан „Ривер Кафе“ кога бил забележан од екипа на Би-Би-Си. Набрзо следела емисијата „Голиот готвач“, која му го променила животот. „Чувствувам дека би сакал да се повлечам од јавноста“, отворено рече тој во разговор со водителката Клаудија Стокл.

Тој сака повторно да се врати на шпоретот

Оливер има јасен план за иднината. „Во следните неколку години, имам намера да се повлечам од некои од улогите што ги имав, како што е телевизиската работа“, објави тој. Неговата цел е помалку телевизија и одговорност, а повеќе време за готвење. „Кога ќе наполнам 60 години, сакам да се вратам во кујната на ресторанот и да готвам за 50 луѓе“, објасни тој.

Сепак, неговото заминување од јавноста нема да биде веднаш. Оваа година, тој го рестартираше својот синџир ресторани „Џејмис италијанец“, кој банкротираше во 2019 година, со нова локација во Лондон. Тој вели дека банкротот го научил на важни лекции за трошоците за кирија, управувањето со персоналот и важноста на одржливиот бизнис модел.

Тагови: Џејми Оливер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД воведуваат нови санкции за Куба- реагираше Марко Рубио

Соединетите Американски Држави воведоа нови санкции врз Куба, насочени кон десет субјекти.

САД воведуваат нови санкции за Куба- реагираше Марко Рубио

Соединетите Американски Држави воведоа нови санкции врз Куба, насочени кон десет субјекти, вклучувајќи членови на кубанската елита, мрежата за транспорт на сурова нафта, државни претпријатија одговорни за увоз и техничка поддршка и добавувачи на кубанската војска со седиште во Кина.

„Владејачката елита во Куба ги присвојува енергетските, транспортните и технолошките ресурси на островот за сопствено збогатување, оставајќи го кубанскиот народ да се соочи со прекини на електричната енергија, недостиг и економска стагнација. Марксистичкиот режим во Хавана се потпира на мрежа од државни претпријатија, заеднички вложувања и офшор посредници за да го одржи овој систем во функција“, изјави американскиот државен секретар Марко Рубио во соопштението, објави Ројтерс.

Како што оцени, Куба продолжува да служи како лансирна рампа за глобална коалиција од непријателски, антиамерикански актери кои се закануваат, шпионираат и заговараат против САД и нивните интереси.

Рубио додаде дека Министерството за финансии на САД донело одлука со која се овластува воведување економски санкции врз секој странски субјект кој работи или работел во електрониката, производството, поморството и технологијата на кубанската економија.

Тагови: куба Марко Рубио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер