Одекна новиот „Благовесник“ во Рајчица - Канал 5

Македонија

Одекна новиот „Благовесник“ во Рајчица

Во прославениот и прекрасен духовен дом на Светиот Великомаченик Георгиј Победоносец во Рајчица одекна моќниот благоѕунлив звук на новата камбана–благовесник

Одекна новиот „Благовесник“ во Рајчица

Камбаната е поставена во манастирската камбанарија со благослов на нашиот возљубен Старец и Игумен, Неговото Преосвештенство Епископот Антаниски г. Партениј. Осветувањето на новото ѕвоно го изврши Владиката, придружен од браќата свештенослужители, од сестрите од Рајчица и Причеста и од многубројни верници, среде кои и дарителот г. Владимир Стајиќ.

Новата камбана, тешка 830 килограми, е излеана во леарницата на мајсторот Младен Кременовиќ во с. Белосавци, Р. Србија, и доаѓа како ктиторско дарение од благочестивиот г. Владимир Стајиќ, почесен конзул на Република Србија во Македонија, заедно со неговата ќерка Ангела. Со овој благословен прилог, г. Стајиќ го надополни стариот кралски сет камбани, некогашна гордост на Бигорски, а сега воскреснат и сјаен украс и глас на Манастирот на Св. Георгиј во Рајчица.

Најстарата камбана од овој комплет е од 1850 година и е дар од српските кнезови Петар и Андреј со сестрите. Во 1851 година, дебарските христијани подариле уште една камбана, заедно со две помали. Досега најголемата камбана е од 1925 година и е дар од кралот Александар I Караѓорѓевиќ и неговото семејство. По иницијатива и со благослов на владиката г. Партениј, кој полага голема грижа и посветеност за запазување и обнова на православното наследство и предание, тие камбани неодамна беа реставрирана во реномираната австриска фирма Grassmayr, и повторно вратена во функција.

Новата камбана-благовесник, како најголем член на овој величествен сет, сега го надополнува тој жив глас на духовното наследство, благотворно ѕвонејќи и повикувајќи на молитва, на покајание, на духовна радост. На неа е врежан ктиторскиот натпис:

„Во слава на Троичниот Бог и во чест на Св. Вмч. Георгиј Победоносец ова ѕвоно го приложи благочестивиот Владимир Стајиќ, почесен конзул на Р. Србија во Македонија, со својата ќерка Ангела, на манастирот Рајчица за благослов и вечен спомен, во времето на смирениот игумен и нов ктитор Епископ Антаниски Партениј.“

Во моментот на осветувањето, Старецот ги произнесе молитвите со кои се повикува Божјиот благослов врз новото ѕвоно, кој од тој миг веќе не е само метал, туку благословено орудие на благодатта Божја:

YouTube video

„Владико Пресвет, милостиво погледни на нашите смирени молитви, и оваа камбана, направена за служба на Твојата света Црква и во слава на велелепното и сесвето Твое име, благослови ја со Својот небесен благослов, освети ја и влеј ја во неа силата на Својата благодат, за верните слуги Твои кога ќе го слушнат нејзиниот звук, да се укрепат во благочестие и вера, мажествено да се спротивстават на секој демонски напад, та дење и ноќе да итаат на молитви и славословија во храмот. Од нејзиниот звук бурите да се стишат, градот, молњите и страшните громови да престанат, сите противнички небесни сили да отстапат, сите разгорени непријателски стрели вперени во нас да се изгаснат и сите штетни злорастворенија на воздухот да се успокојат, задржани од Твојата сесилна и крепка десница. Амин“.

Нека гласот на новиот „Благовесник“ во Рајчица, со својот благ и проникнувачки повик, ги пробудува душите на верните, ги утешува нажалените, ги вразумува заблудените и нека ја најавува вечната радост на невечерниот Осми ден на Царството Христово! Амин.

Извор: Бигорски

Тагови: Рајчица благовесник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер