Одбележување на Светскиот ден на волонтерството - Канал 5

Македонија

Одбележување на Светскиот ден на волонтерството

„Волонтеризмот е вредност и капитал на секое општество“ – порача генералниот секретар на македонскиот Црвен Крст, Саит Саити. 

Одбележување на Светскиот ден на волонтерството

На светскиот ден на волонтеризмот, Црвен Крст организираше низа настани на неколку локации низ Скопје на кои се приклучија и дел од пратениците во собранието.

-Денеска сме тука заедно со пратениците за да упатиме една порака дека волонтеризмот е вредност и капитал на секое општество, па и на нашето општество и дека денеска, благодарение на нив придонесовме на неколку луѓе во еден момент да им го подобриме тековното, дневното живеење. Беа присутни и вклучени околу 20-ина пратеници,- - Саит Саити – Генерален Секретар на Црвен Крст.

-Идната година ќе биде цела година „година на волонтеризмот“ и ги повикувам сите пратеници цела година да најдеме повремено, еднаш во неделата, во месецот да ги посетиме овие луѓе и ние да станеме дел од армијата на волонтери во државата,- - Африм Гаши – Претседател на собрание.

Претседателот на собранието, Африм Гаши додели и благодарница на Црвен Крст на Македонија за поддршката во надминување на последиците во страотниот пожар во Кочани, а честа да ја прими истата и припадна на Александра Соколова, мајка на загинатата Стефанија во пожарот во дискотеката Пулс. Таа вели дека утрото по страотниот пожар волонтери од цела Македонија биле на терен низ цел град.

-Иако јас бев дел од тие личности кои беа погодени од несреќата во Кочани, со многу брза реакција сите волонтери, од цела Македонија учествуваа и беа на терен во првиот момент во Кочани. Секаде каде се појавував низ градот секаде беа, само ги гледав. И во најтешките моменти кога ми беше, беа присутни волонтерите,- - Александра Соколова – Црвен Крст Кочани.

Од Црвен Крст велат дека овој ден е значаен за волонтерите и волонтерството, бидејќи токму тие се најзначајната алка и движечка сила која го движи црвениот крст, но и општеството..

YouTube video

Тагови: Црвен крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Битола денес беше град на трчањето

Над 1.500 тркачи од 18 земји денес беа дел од 8-мото издание на ТРЧАЈ БЕ 2026, спортска манифестација која од година во година расте и ја зацврстува позицијата на Битола како значајна дестинација за спортски туризам во регионот.

Битола денес беше град на трчањето

Свежото утро создаде одлични услови за трчање, а годинешното издание донесе и исклучителни спортски резултати. На битолската патека беа постигнати најбрзите времиња досега и соборени рекордите на ТРЧАЈ БЕ. Низ улиците на Битола денес трчаа натпреварувачи од различни земји, бодрени од бројна публика, волонтери и сите оние кои беа дел од организацијата и реализацијата на трката.

ТРЧАЈ БЕ е спортски настан, но и приказна за Битола како отворен и активен град кој преку спортот привлекува гости, создава дополнителна вредност за локалната економија и се промовира надвор од границите на државата.

Општина Битола упатува честитки до организаторите на ТРЧАЈ БЕ, до сите институции, партнери, волонтери и служби вклучени во реализацијата, како и до граѓаните кои со својата поддршка придонесоа за атмосферата долж патеката.

Посебни честитки до победниците и до сите над 1.500 учесници кои денес ја истрчаа Битола.

Уште едно успешно издание на ТРЧАЈ БЕ, уште еден голем спортски ден за Битола.

Општина Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Утре сончево со мала до умерена облачност

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер