Одбележување 10 години од Форумот на словенски култури - Канал 5

Култура

Одбележување 10 години од Форумот на словенски култури

Република Македонија денеска ќе биде домаќин на одбележувањето 10 години од постоењето на меѓународната фондација „Форум на словенски култури“. Одбележувањето ќе опфати повеќе настани во Македонскиот народен театар.

Одбележување 10 години од Форумот на словенски култури
Ќе почне со трет музејски семинар насловен „Театарската музеологија во 21 век“, на кој присутните ќе ги поздрави министерката за култура Елизабета Канческа-Милевска, која е и претседател на Управниот одбор на Форумот на словенски култури.

Семинарот е посветен на музејската дејност и ќе бидат разменети мислења и ставови на театролозите, музеолозите и културолозите од земјите-членки на Форумот, претставниците на националните музеи во Република Македонија и членови на Македонскиот национален комитет на ИКОМ. Првпат ќе биде доделена и нововостановената награда на Форумот „ЖИВА“ - за најдобра музејска институција.

Во рамките на одбележувањето на јубилејот, вечер ќе биде отворена изложба „100 години театар во Скопје“ на Музејот на театарски уметности на Србија од Белград, по што ќе следува концерт на музички ансамбли од регионот кои ќе го презентираат нематеријалното културно наследство на земјите-членки на Форумот.

- Република Македонија како една од земјите-основачи на меѓународната фондација „Форум на словенските култури“ во овие десет години даде особен придонес во решавањето на заедничките предизвици со кои се соочуваше оваа еминентна организација, чија цел е зачувување на културните традиции на словенските народи и нивното промовирање како трајни и универзални вредности во глобални рамки, соопшти Министерството за култура.

Одбележувањето на еднодеценискиот јубилеј почна во април годинава кога Архивот на Република Македонија беше домаќин на заедничка патувачка изложба „Главните градови на словенските земји преку архивски материјал“, која минатата година беше претставена во седиштето на УНЕСКО. Јубилејното чествување продолжи со заедничка изложба на земјите-членки „Словенските карневали“, која беше претставена во седиштето на УНЕСКО во Париз на одбележувањето на Денот на словенската култура.

Во рамки на долгорочниот проект „100 словенски романи“, кој почна да се реализира со самото основање на Форумот, оваа година со поддршка од Министерството за култура издавачката куќа „Слово“ го преведе и го отпечати романот „Волчја ноќ“ од словенечкиот писател Владо Жабот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

СЗО: Топлотните бранови можат да го зголемат ризикот од предвремено породување за 26%

Ризикот од предвремено породување значително се зголемува кога бремените жени се изложени на топлотни бранови, предупреди Светската здравствена организација (СЗО) во извештајот објавен денес.

СЗО: Топлотните бранови можат да го зголемат ризикот од предвремено породување за 26%

СЗО се повикува на студија од 2024 година, објавена во научното списание „Nature“, која укажува дека изложеноста на топлотни бранови може да го зголеми ризикот од предвремено породување за дури 26 отсто.

Истата студија покажува дека изложеноста на екстремни горештини за време на бременоста, исто така, го зголемува ризикот од мртвороденост, вродени аномалии кај новороденчињата и гестациски дијабетес – форма на дијабетес што се јавува за време на бременоста.

Според податоците на СЗО, доенчињата во 2024 година биле изложени на топлотни бранови речиси пет пати почесто отколку децата родени помеѓу 1986 и 2005 година. „На глобално ниво, се проценува дека 1,5 милијарди деца се изложени на топлотни бранови кои стануваат сè почести, подолготрајни или поинтензивни“, се наведува во извештајот.

Што им советува СЗО на бремените жени?

Светската здравствена организација препорачува бремените жени да внесуваат доволно течности за време на периоди со екстремни горештини, по потреба да ги ладат вратот и стапалата со влажни крпи и – секогаш кога е можно – да ги планираат своите активности за постудените делови од денот. СЗО, исто така, ги повикува здравствените власти да воспостават системи за рано предупредување за екстремни горештини и да преземат дополнителни мерки за подобро информирање на семејствата за потенцијалните ризици. Во извештајот се предупредува дека здравствените системи мора да се подготват за обезбедување грижа за поголем број бремени жени и доенчиња, бидејќи бројот на денови со екстремно високи температури е во пораст. СЗО исто така ја нагласува потребата од собирање повеќе податоци на сите нивоа, што ќе им овозможи на властите попрецизно да проценат кои здравствени ризици се зголемуваат и во која мера.

Фото: ВИ

Извор: Индекс.хр

Тагови: СЗО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна авион „Су-30“ (ВИДЕО)

Воениот авион „Су-30“ се урна денес во Калининградската област за време на тренажен лет.

Се урна авион „Су-30“ (ВИДЕО)

Екипажот се катапултирал, а животите на пилотите не се во опасност, соопшти руското Министерство за одбрана.

„Денес, на 21 октомври, авион ’Су-30‘ се урна за време на планиран тренажен лет во Калининградската област“, ​​се наведува во соопштението на Министерството, пренесено од агенцијата „РИА Новости“.

Од агенцијата посочуваат дека екипажот се катапултирал и веќе е пронајден од копнен тим за потрага и спасување.

Наведено е дека животите на пилотите не се загрозени.

„Авионот се урна во ненаселена област. Летот се одвиваше без муниција“, се додава во соопштението.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Руски дизел утре тргнува за Америка- „Танкерот има капацитет од 40.000 тони“

Русија утре треба да ја испрати првата пратка дизел во Соединетите Држави, во рамките на спорниот договор меѓу американскиот претседател Доналд Трамп и рускиот претседател Владимир Путин. 

Руски дизел утре тргнува за Америка- „Танкерот има капацитет од 40.000 тони“

Рускиот вицепремиер Александар Новак изјави дека танкерот ќе има капацитет од 40.000 тони, пренесува Интерфакс. Се очекуваат и дополнителни пратки.

Новак не ја исклучи можноста за извоз на дизел и во други земји, но напомена дека тоа ќе зависи од капацитетите на руските рафинерии во текот на наредните месеци.

На почетокот на октомври, Трамп и Путин се договорија за продолжување на испораките на руски дизел за САД. Вашингтон привремено ги суспендираше постојните санкции против Русија за да овозможи реализација на овие пратки. Договорот наиде на остри критики од Украина, Европската Унија, па дури и од некои републикански членови на американскиот Конгрес, додека Москва го поздрави договорот.

Руските рафинерии за нафта често се цел на украински беспилотни летала со голем дострел, а оштетувањата и поправките го ограничуваат производниот капацитет на земјата.

Москва одговори со воведување забрана за извоз на бензин и дизел. Трамп ги критикуваше украинските напади, обвинувајќи го Киев за порастот на цените на горивата во пресрет на ноемвриските избори за Конгресот на САД, на кои се очекува републиканците да остварат слаб резултат.

Киев, пак, тврди дека нафтените постројки се легитимни воени цели, бидејќи обезбедуваат гориво и финансиски средства за војната на Путин. Од февруари 2022 година, Украина се брани од целосна руска инвазија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер