Одбележани 200 години од отпечатувањето на „Огледало“ од Пејчиновиќ - Канал 5

Култура

Одбележани 200 години од отпечатувањето на „Огледало“ од Пејчиновиќ

Со повеќе активности денеска во манастирскиот комплекс „Свети Атанасиј“ во Лешок беа одбележани 200 години од печатењето на делото „Огледало“ од Кирил Пејчиновиќ.

Одбележани 200 години од отпечатувањето на „Огледало“ од Пејчиновиќ
Меѓу другото, се одржа промоција на книга посветена на неговото дело „Огледало на Огледало од Кирил Пејчиновиќ“ од авторот Борис Момироски Лешанин. Промотори на книгата беа архиепископот охридски и македонски г.г. Стефан и професор д-р Марко Китески.

- Делото „Огледало“ на отецот Кирил Пејчиновиќ е повеќе од актуелно и денес, бидејќи на еден или друг начин и денес се соочуваме со сличните појави. Дури и како да го видел и нашево време, па поучува на едно место: Не карајте се, туку да живуемо како браќа, еден за другого да се молимо, еден другого да жалимо, еден другому да помажемо, еден другому тежината да носимо, рече г.г. Стефан.

Ова е фототипно издание на книгата „Огледало“ која за печат ја подготви професорот Момироски, а придонес во доближувањето на содржините до современиот македонски јазик имаат и Драган Михајловиќ и отец Игор Калпаквоски.

Оваа книга, како и другите текстови на Пејчиновиќ се пишувани на неговиот роден тетовски говор со елементи од централните македонски говори, но во тој јазик се чувствува присуството и на многу елементи од старословенскиот јазик. Во книгата на Момироски има толкувања за животот и делото на Пејчиновиќ како и размислувања за епитафот и за другите дела на Пејчиновиќ.
Авторот Борис Момироски долг период го истражувал животот и творештвото на Кирил Пејчиновиќ.

- Именката „Огледало“ е идеално одбрана за наслов на книга со соодветна содржина и живот на емпирија што ја преточил во дела со императив да ја наслика вистината за општествено-политичкото и културното живеење во Македонија во 19 век. Мотовот е показ и доказ за просветлување на македонскиот народ што е во духовно и културно просветен мрак и во социјална беда во времето на турското ропство, посочи Момироски.
Денешниот настан, кој почна со парастос на гробот на Кирил Пејчиновиќ, беше организиран од Македонската православна црква- Охридска архиепископија, манастирот „Св. Атанасиј Велики“ во селото Лешок и издавачката куќа „Матица македонска“.

Претходно архиепископот Стефан заедно со митрополитите на МПЦ ОА , г. Петар од Пелагониско-преспанската епархија, г. Јосиф од Кумановско-осоговската и г. Јосиф од Тетовско-гостиварската епархија заедно со повеќе свештенослужители отслужија помен парастос на гробот на Кирил Пејчиновиќ, кој се наоѓа во овој манастирски комплекс. Присутните ја посетија и спомен-собата поветена на овој голем македонски духовен и национален просветител.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Нвидија“ истражува наводи за врски на извршниот директор со осомничена кинеска шпионка

Американскиот технолошки гигант „Нвидиа“ отвори независна истрага по медиумските извештаи дека нејзиниот извршен директор Џенсен Хуанг имал блиски односи со жена осомничена дека е  кинески шпион.

„Нвидија“ истражува наводи за врски на извршниот директор со осомничена кинеска шпионка

Според „Њујорк Тајмс“, американските разузнавачки претставници веруваат дека кинеската бизнисменка Алис Хуанг работела за Пекинг.

Од компанијата соопштуваат дека одборот на директори засега нема причина да верува дека биле компромитирани деловните тајни или националната безбедност на „Нвидиа“.

Хуанг, пак, признал дека бил неверен на сопругата и јавно ѝ се извинил за болката што ѝ ја нанел нејзе и на нивните деца.

Од „Нвидиа“, која е меѓу највредните компании во светот и е клучен производител на хардвер за вештачка интелигенција, порачуваат дека Хуанг и натаму е посветен на водењето на компанијата. Независната истрага треба да ги разјасни наводите и евентуалните последици од неговите контакти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во болница почина убиецот од Полска

 Напаѓач кој во саботата уби шест лица во Краков, Полска, при смртоносен напад на главниот градски плоштад, почина во болница, објави новинската агенција Ројтерс, повикувајќи се на полициски извори.

Во болница почина убиецот од Полска

24- годишниот убиец бил прогласен за мртов во 4:30 часот наутро.

„Уште од самиот почеток, неговата состојба беше многу сериозна, критична. Се водеше постојана борба за спасување на животот на овој човек, и покрај злото што го стори. Тој имаше најмалку три операции“, стои во соопштението.

Нападот на Главниот плоштад во Краков се случи во саботата, околу 15 часот. Дваесет и четиригодишен маж со автомобил влета на плоштадот и почна да пука кон луѓето што се наоѓале таму. Шест лица загинаа, а 16 беа повредени, меѓу кои и полицајците што интервенираа, како и самиот сторител.

Напаѓачот беше застрелан за време на размена на оган со полициски службеници и е приведен. Околностите на нападот и мотивот на сторителот се предмет на тековна истрага во која се вклучени обвинителството и специјалните служби.

Истиот ден, во семејната куќа на Михал О. на улицата Тилна во Островјец Свјентокшиски, полициските службеници пронашле тела на три лица, членови на семејството на напаѓачот. Станува збор за 53-годишен татко, 52-годишна мајка и 21-годишна сестра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АЛТА банка ги зголемува лимитите на платежните картички и отвора два нови шалтера во Тетово и Струмица

Од денеска, клиентите на АЛТА банка ќе можат да располагаат со поголем износ од своите средства.

АЛТА банка ги зголемува лимитите на платежните картички и отвора два нови шалтера во Тетово и Струмица

Неделниот лимит за подигање готовина од банкомат и плаќање со платежни картички се зголемува од 10 на 15 илјади денари. Истовремено, се проширува и мрежата за шалтерска исплата. Од денеска ќе бидат отворени и шалтери и во тетово и во струмица, каде што клиентите кои немаат платежни картички ќе можат да подигнат до 20 илјади денари во период од две недели, исто како и во експозитурата во Битола.

Олеснување, како што најави гувернерот Трајко Славески, ќе има и за идните приливи. Платите, пензиите и социјалните трансфери кои допрва ќе легнуваат на сметките на клиентите, доколку доаѓаат од институции или компании кои имаат сметки во други банки, ќе можат да се повлекуваат во целост..

Тагови: Алта банка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер