Караванот на Движење ЗНАМ - за Наша Македонија под мотото „Европска ЗНАМ, Европска иднина, Европска Македонија“ продолжи во Битола, градот на конзулите, културата и традицијата, град кој со своето историско наследство, образовен развој и современ потенцијал претставува еден од најзначајните центри на Пелагонискиот регион и важен двигател на развојот на државата.

Во рамки на панел-дискусијата, претседателот на Движењето ЗНАМ, Максим Димитриевски, истакна дека главната обврска на секоја одговорна политика е да создава држава во која граѓаните имаат сигурност, еднакви можности и доверба во институциите.

„Европска Македонија не е само политичка цел, туку начин на кој треба да ја организираме државата. Тоа значи институции што функционираат, правда што важи за сите и економија која создава можности за развој. Македонија треба да биде успешна и самоуверена држава која ги штити своите национални интереси и достоинствено чекори кон Европа“ порача Димитриевски.

Тој нагласи дека Движењето ЗНАМ е политички субјект кој произлезе од граѓаните и дека токму непосредната врска со луѓето е она што го прави различен на политичката сцена.

„ЗНАМ е создадено од граѓаните и е тука за граѓаните. Нашата сила не е само во политичките функции и институционалната одговорност, туку пред се во довербата што ја добиваме од луѓето. Токму затоа остануваме меѓу граѓаните, да ги слушаме нивните проблеми, да разговараме за нивните потреби и да работиме на решенија што ќе донесат подобар живот. Довербата не се добива со зборови, туку се заслужува со работа, одговорност и резултати што граѓаните можат да ги почувствуваат“ истакна претседателот на Движењето ЗНАМ.

На панел-дискусијата се обратија и претседавачот со Централниот одбор на Движењето ЗНАМ, Игор Филков, како и потпретседателот на Движењето ЗНАМ, државен секретар и кандидат за министер во Министерството за земјоделство, шумарство и водостопанство, Борче Серафимовски. Филков се осврна на реформските процеси во областа на правосудството, владеењето на правото и зајакнувањето на институционалната одговорност, посочувајќи дека силните институции и еднаквата примена на законите се основа за стабилна и европска држава.

Во контекст на политиките кои треба да создадат стабилна и развојна држава, Серафимовски говореше за состојбите и предизвиците во земјоделството, поддршката за земјоделските производители, подобрувањето на условите за работа и создавањето сигурност за луѓето кои се темел на домашното производство и развојот на руралните средини.

Движењето ЗНАМ се залага за остварување на своите цели и посветено работи на остварување на истите - Македонија како модерна европска држава со силни институции, стабилен правен поредок, развиена економија, конкурентно земјоделство и еднакви можности за секој граѓанин, држава која својата иднина ја гради со работа, знаење и одговорност.

Центар за комуникации и аналитика

ЗНАМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДС нема кредибилитет да зборува за Европа, по 7 години неисполнети ветувања, национални отстапки и понижувања. СДС зборува за Европа, а го кочи носењето на Изборниот законик.

СДС е партија која што бланко потпишуваше се што им беше побарано само за да се на власт, СДС ги излажа граѓаните и покрај сите понижувања не успеаја да го испорачаат тоа што ветиле и се договарале.

СДС е партијата која седум години ја убедуваше јавноста дека сите отстапки ќе донесат брз влез во Европската Унија.

Наместо тоа, државата не ги започна преговорите, а граѓаните добија разочарување, економска стагнација и масовно иселување.

СДС во недостаток на визија наместо да понуди идеи и решенија, продолжува со навреди, етикетирања и неосновани обвинувања.

Тврдењата на Богданка Кузеска дека ВМРО-ДПМНЕ е против европската иднина на Македонија се целосно неточни.

ВМРО-ДПМНЕ останува цврсто определена за членство во Европската Унија, но врз основа на достоинство, заемно почитување и заштита на националните интереси, а не преку прифаќање на нови понижувања и условувања.

Денес, кога Владата на ВМРО ДПМНЕ работи на реформи, економски развој и враќање на довербата во институциите, СДС повторно се обидува да ја злоупотреби европската агенда за теснопартиски цели.

Европската интеграција не смее да биде алиби за политички манипулации, туку процес заснован на реформи, владеење на правото и заштита на државните интереси.

ВМРО-ДПМНЕ ќе продолжи да работи за европска Македонија со силни институции, развиена економија и подобар животен стандард за сите граѓани.

ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Градоначалничката Бети Стаменкоска Трајкоска, заедно со претставници од МВР - Одделението за превенција, полициските станици Кисела Вода и Драчево, претседателот на Советот, советниците, директорите на основните училишта, претставниците на советите на родители и наставници, како и општинската администрација, викендов, во вечерните часови, реализираше заеднички превентивни активности преку проектот „Соседска патрола“. Во петокот и саботата, заеднички беа посетени локациите во непосредна близина на училиштата, парковите, спортските игралишта и местата за кои граѓаните имаат потенцирано дека навечер најчесто се собираат младите.

Целта на овие активности не беше санкционирање, туку пред сè разговор, советување и превенција. Преку директни и непосредни разговори со младите, им беше укажано на важноста од одговорно однесување во јавниот простор, меѓусебното почитување и зачувувањето на јавниот ред и мир. Посебен акцент беше ставен на ризиците од меѓуврсничкото насилство, злоупотребата на алкохол и другите штетни навики кои водат кон девијантни појави.

- Безбедна општина се гради со партнерство, доверба и постојана комуникација меѓу институциите, училиштата, родителите и граѓаните. Сите сме насочени кон унапредување на јавната безбедност, а нашата цел преку овие средби е превентивно да делуваме и да разговараме со младите. Ќе продолжиме и понатаму со вакви активности, затоа што наш апсолутен приоритет се безбедноста, сигурноста и здравото растење на нашите деца и млади. Заедно градиме побезбедна, похумана и поодговорна Кисела Вода- изјави градоначалничката Стаменкоска Трајкоска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.