Одбележани 100 години од раѓањето на Кирил Македонски, автор на првата македонска опера „Гоце“ - Канал 5

Култура

Одбележани 100 години од раѓањето на Кирил Македонски, автор на првата македонска опера „Гоце“

НУ Завод и Музеј-Битола свечено ја одбележа 100 годишнината од раѓањето на Кирил Македонски, автор на првата македонска опера „Гоце“ и промовира Спомен соба со оставината на композиторот.

Одбележани 100 години од раѓањето на Кирил Македонски, автор на првата македонска опера „Гоце“

Пред аудиториумот во Битола, вечерва беше прочитана телеграма од претседателката Гордана Силјановска Давкова, во која беше нагласено дека денешниот настан е особено значаен за македонската музичка уметност и за македонската култура.

-Отворањето на Спомен собата на Кирил Македонски не е само оддолжување кон делото на композиторот, туку доказ за колективната меморија и почит кон неговото музичко творештво. Се додека ја слушаме неговата музика ќе биде жив и духот на Кирил Македонски. Се додека е живо делото на нашите музички великани, ќе биде жива и македонската култура, беше посочено во телеграмата на претседателката Силјановска Давкова.

Според Марија Станчевска Ѓоргова, државен секретар во Министерството за култура и туризам, Кирил Македонски е човекот кој го постави темелот на нашата национална музичка традиција.

-Првата македонска национална опера „Гоце“, е дело кое не е само музички подвиг, туку симбол на нашето културно будење создадено во тешки услови, но со непоколеблива љубов кон македонскиот дух. Денес во годината на неговиот јубилеј и со отворањето на Спомен собата, ние не само што се сеќаваме, туку го оживуваме неговото наследство. Неговата музика, продолжува да не инспирира, да не обединува и да не потсетува на силата на македонскиот творечки дух, истакна Станчевска Ѓоргова, на вечерашната свеченост во Битола.

Кирил Македонски, роден 1925 година во Битола, автор на првата македонска национална опера „Гоце“ е автор на уште две други опери, а тоа се „Цар Самуил“ и „Илинден“, како и музика за филмот „Македонска крвава свадба“.

-Овој ден е посебен за нашето семејство, но и за целата македонска јавност затоа што оставнината на мојот татко Кирил и неговата желба искажана во неговиот тестамент се исполнети. Собата со неговите лични предмети е одраз на неговата волја да се добие работен кабинет во кој вечно ќе бидат презентирани неговите дела, истакна Пламенка Македонска, ќерка на Кирил Македонски.

Во Спомен собата на Кирил Македонски во НУ Завод и Музеј-Битола изложен е и клавирот долги години чуван во некогашното Радио Битола, а на кој авторот ја компонирал првата македонска национална опера „Гоце“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC.

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC, институција која располага со инвестициски капацитет од 205 милијарди долари и претставува значаен инструмент на САД за мобилизирање приватен капитал и инвестиции во стратешки сектори.

Разговаравме за можностите за продлабочување на соработката и отворање нови перспективи за инвестиции во Македонија, особено во стратешки области како енергетиката, високите технологии и современата инфраструктура.

Нашата цел е преку силното стратешко партнерство со Соединетите Американски Држави да создадеме нови можности за економски развој, привлекување инвестиции и подобар стандард за граѓаните, напиша на својот профил на Фејсбук, премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Се огласија сирени во два полски града, затворени и аеродромите

Полска привремено затвори два аеродрома поради воени дејствија на руските воздухопловни сили во соседна Украина. 

Видео: Се огласија сирени во два полски града, затворени и аеродромите

Пријавени се експлозии во близина на полско-украинската граница.

Оперативната команда на полските вооружени сили соопшти дека активностите во воздушниот простор се поврзани со руските напади со беспилотни летала во Украина, пренесува LBC.

Украински претставник потврди дека за време на денешниот руски напад со беспилотни летала, се слушнале експлозии на неколку километри од границата со Полска, која е членка на НАТО. Во Жешов и Лублин, во источниот дел на земјата, се огласија сирените за воздушна опасност, а граѓаните беа предупредени да побараат засолниште.

„Копнените системи за противвоздушна одбрана и системите за радарски надзор се во состојба на целосна готовност“, соопштија Полските вооружени сили.

Од командата додадоа дека станува збор за превентивни мерки насочени кон обезбедување и заштита на воздушниот простор, особено во областите што граничат со загрозените региони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Инспекциските служби на Општина Центар за една недела изрекоа глоби, во износ од 1.300 до 1.800 евра, за четири градилишта на територијата на локалната самоуправа.

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Казните се изречени поради оставање градежен материјал и градежен шут на јавни површини, со што биле нарушени комуналниот ред и јавната чистота, а биле отежнати движењето на пешаците и одвивањето на сообраќајот.

„Нашите инспектори се на терен и будно ја следат состојбата на активните градилишта. Контролите продолжуваат, а особено внимание посветуваме одржувањето на чистотата и непреченото користење на јавниот простор. Секој што нема да ги почитува прописите ќе биде соодветно санкциониран“, порача градоначалникот на Општина Центар Горан Герасимовски.

Од Општина Центар апелираат до инвеститорите и градежните компании да не оги узупираат а јавните површини, да ги почитуваат законските обврски и да се грижат за безбедното движење на граѓаните.

Инспекциските контроли продолжуваат со засилен интензитет.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер