Култура

Одбележан летниот празник на Свети Наум Охридски Чудотворец на Попова Шапка

Летниот празник на Свети Наум Охридски Чудотворец што е истовремено и патронен празник на истоимената манастирска црква на Попова Шапка денеска беше одбележан со света арихерејска и божествена литургија со која чининачалствуваше епископот охридски и македонски г.г.Стефан заедно со тетовско гостиварскиот митрополит Господин Јосиф и митрополитот на кумановско осоговската епархија господин Јосиф во сослужение на повеќе свештеници на МПЦ- Охридска Архиепископија.

- На овогодишното чествување на споменот на Свети Наум во ова поново светилиште на Попова Шапка имаме можност да размислуваме за вистинските вредности, за она што трае со векови и веруваме дека ќе продолжи вечно да трае. И токму тие вредности што го красат богоугодното дело на Свети Наум придонело и придонесува неговиот култ да биде присутен не само меѓу нашиот народ, туку и подалеку на целиот Балкан, во Мишколц во Унгарија, во Влашко во Романија, па и на југ до Атина. Во Мишколц што се наоѓа во североисточна Унгарија е подигнат најголемиот храм посветен на Свети Наум, а го изградиле православни семејства на почетокот на 19 век кои под притисок на Османлиите ја напуштиле Македонија и се удомиле таму и подигнале светилиште што опстојува повеќе од два века, а сега е под јурисдикција на Руската православна црква во оваа земја. И во Атина има култ што го почитуваат нашиот светител и тоа сум го забележал во една продавница за црковни предмети каде стоеше запалено кандило пред неговата икона во природна големина со неговиот манастир и дел од Охридското езеро во позадина. А дека и во поново време се чествува и се зголемува почитувањето нашиот светец покажува овој храм на Попова Шапка, како и оној во скопско Радишани, новиот параклис во Лесновскиот манастир, новиот храм посветен на Свети Наум во Делчево, како и новите храмови во Хамилтон во Канада, Аделаида во Австралија,Малме во Шведска, Виена, Австрија и други места по Европа и светот каде што живеат иселени Македонци, рече меѓу другото во својата беседа епископот охридски и македонски г.г. Стефан.

На летното чествување на Свети Наум на Попова Шапка присуствуваа повеќе жители на Тетово и Тетовско, како и од други градови во Македонија./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Актери во Белград ја прекинаа претставата по победата на студентите: „Луѓе, готово е!“

Синоќа, изведбата на претставата „Ода на радоста“ во белградскиот театар „Ателје 212“ беше прекината откако актерите дознаа за победата на студентската листа на парламентарните избори во Србија.

Од сцената одекна извикот: „Луѓе, готово е!“, по што и актерите и публиката започнаа со славење.

Актерка сподели снимка од прославата

Актерката Тамара Драгичевиќ на Инстаграм сподели снимка од тој момент.

View this post on Instagram

A post shared by Tamara Dragičević (@tamaradragicevic)

„А ова е моментот за време на претставата кога дознавме дека победивме – едвај стоевме на нозе“, напиша таа покрај видеото.

Таа додаде дека актерите требало да ја одиграат претставата таа вечер, но настанот се претворил во голема прослава. Драгичевиќ исто така укажа на симболиката на насловот на претставата, „Ода на радоста“, кој таа вечер доби посебно значење.

Вучиќ го призна поразот

За потсетување, студентската листа „Студентите победуваат“ извојува победа на вонредните парламентарни избори во Србија, освојувајќи 52,54 отсто од гласовите, додека листата „Обединета Србија“ на Александар Вучиќ доби 39,29 отсто.

Во своето обраќање до јавноста, Вучиќ го призна поразот. За загубата ги обвини медиумите и „американската длабока држава“. По признавањето на поразот, граѓани ширум Србија излегоа на улиците за да слават до доцна во ноќта.

Тагови: актерите Белград

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лула Да Силва со пресврт до победа на претседателските избори во Бразил, противкандидатот Болсонаро најави оспорување на резултатите

Заостануваше со над 2 милиони гласови во првиот, победи со предност од 4,5 милиони во вториот круг, Луис Инасио Лула да Силва со историски пресрврт на претседателските избори во Бразил дојде до вториот последователен мандат.

Кандидатот на левичарската работничка партија, победата, во која освои 51,79% од гласовите ја оцени како пораз на лагите и одбрана на демократијата. Противкандидатот од десничарската конзервативна партија Флавио Болсонаро, кој освои 48% од гласовите, одби да признае пораз и најави дека ќе бара поништување на резултатите, повикувајќи се на одлуката од Врховниот суд со која времето на за гласање беше продолжено за два часа. Лула Да Силва по резултатот на овие избори освои, четврти, историски мандат, односно втор последователен.

Тагови: Бразил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Министерството за здравство обезбедува континуитет во снабдувањето со сензори за гликемија

МЗ ја проширува достапноста на современата терапија за лицата со дијабетес.

Министерството за здравство континуирано работи на унапредување на грижата за лицата со дијабетес, преку обезбедување современа терапија, медицински помагала и подобри услови за следење и контролирање на болеста.

Со последната јавна набавка, сензори за следење гликемија се обезбедени за 800 лица со дијабетес тип 1, согласно Програмата за дијабетес и заклучоците на националната комисија за дијабетес. Јавната набавка, склучена во април, годинава, важи до април 2028 година. Со последната јавна набавка е обезбедена современа инсулинска и антидијабетична терапија со зголемени количини.

Во тек на мај и јуни, годинава, е извршена и замена на сите трансмитери согласно протоколот, а на пациентите вклучени во Програмата им се распределени количини на сензори за шестмесечен период, односно до декември 2026 година. Пациентите ги подигнуваат сензорите во инсулинските аптеки, согласно утврдениот режим.

Со сензори се опфатени лицата со дијабетес тип 1 до 25-годишна возраст, бремени жени со дијабетес тип 1, слепи лица со дијабетес тип 1, како и лица со дијабетес тип 1 кои имаат најтешки компликации и коморбидитети.

На овој начин, согласно расположливите буџетски средства, приоритетно се опфатени најранливите категории пациенти за да се обезбеди континуирано следење на нивото на гликемија и подобро управување со болеста.

Потсетуваме дека сензорите за континуирано следење на гликемијата првпат беа обезбедени во 2023 година за 650 пациенти, додека со јавната набавка во 2026 година бројот на опфатени лица е зголемен на 800.

Министерството за здравство останува отворено за комуникација со пациентските организации и ќе продолжи со напорите за подобрување на грижата за лицата со дијабетес.

Тагови: министерство за здравство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.