КултураОд вечерва до 20 август светската музичка и сценска елита на 63. „Охридско лето“Охрид од вечерва се до 20 август ќе живее со уметноста, преку содржините на програмата на 63. издание на најголемата и најпознатата културно-сценска манифестација во земјата - Фестивалот „Охридско лето“. Од вечерва ќе блеснат сцените на Атичкиот театар, црквата „Св. Софија“, нејзиното предворје, сцената „Долни Сарај“, Центарот за култура „Григор Прличев“, но и други интересни локации низ градот. Тоа се местата каде ќе се случуваат извонредно атрактивни културни настани, во кои можност да уживаат ќе имаат сите вљубеници во уметноста, во она што претставува врв во уметноста во светски рамки. Програмата нуди неповторливи настапи на светски познати имиња и ансамбли од музичката, драмската уметност, програма за сите вкусови и генерации, сето вклопено во неповторлив природен и духовен амбиент каков што е Охрид. Вљубениците во уметноста ќе имаат прилика да уживаат во 34 концерти и седум театарски претстави, а програмата ќе биде збогатена и со балет, изложба на фотографии и промоција на книга. На фестивалот ќе настапат повеќе од илјада уметници од над дваесет земји од светот - Србија, Чешка, Италија, Словенија, Полска, Франција, Турција, Израел, САД, Украина, Шпанија, Црна Гора, Грција, Германија, Романија, Португалија, Египет, Русија и Македонија. Како и секоја година отварањето на Фестивалот носи посебна возбуда и избрана содржина...Првата фестивалска вечер годинава е резервирана за познатата сопранка, Ангела Георгиу, уметницата која ги полни најголемите сали низ светот, познатите Карнеги Хол, Метрополитен, Лондон, Дубаи...Таа на инспиративната сцена на Античкиот театар ќе настапи со симфонискиот оркестар на Националната опера и балет под диригентска управа на Чипријан Теодорашку, со кого најчесто настапува. Нејзичниот ангелски глас, како што е најавено од организаторот, ќе ја одведе публиката на патување низ светот на класичната музика, преку ариите од најпознатите опери... Концептот и на годинешното фестивалско издание ги следи заложбите во текот на сите 40 фестивалски денови „Охридско лето“ да понуди квалитетна и атрактивна програма со врвни светски уметници. Оваа година музичката програма носи околу 70 проценти од фестивалските збиднувања, претостанатото е во делот на сценската уметност – драмската програма со татарските престави. Тука се и настапите на виолинистот Немања Радуловиќ и оркестарот „Double Sense“, „Френк Дупре“ џез триото, како и пијано рецитал на Френк Дупре, виолинистката Ирина Муресану со оркестарот „Фејмс“, камерниот оркестар „Кончертанте“ од Ниш, кларинетистот Пабло Бараган заедно со пијанистот Елоис Бела Кон, камерниот ансамбл „La Spagna“, дувачкиот камерен ансамбл „Камерата академика“ од Словенија, виолинистот Роман Симович, светски познатиот пијанист Алексеј Ботвинов, концерт на Јозеф Тавардос на уд... Театарската програма ќе биде отворена со Стивен Фридмен и Офф Бродвеј претставата Бикот на Фаларис. На 26 јули „Охридско лето“ ќе го донесе едно од најголемите светски глумечки имиња на сите времиња, актерот Џон Малкович со претставата „Пеколна комедија - исповедта на еден сериски убиец“, во режија на Михаел Штурминген. Три дена подоцна, на 29 јули ќе биде одиграна „Ана Каренина“, во продукција нa Ујвудеки Зинхаж од Нови Сад, во режија на нашиот режисер Дејан Пројковски. На фестивалската прогама е и премиерата на претставата „Едвард Втори“, на театарот „Јордан Хаџи Константинов - Џинот“ од Велес, по текст на Кристофер Марлове, режирана од европскиот авторитет, украинскиот режисер Андриј Жолдак. Настап ќе има и Охридскиот народен театар со „Серјожа е туп“ од Димитри Данилов, а во режија на Дајана Николовска. Прилепскиот театар „Војдан Чернодрински“ ќе му даде сценски приказ на едно од најголемите книжевни дела „Декамерон“ од Џовани Бокачо, во драматизација на Лидија Митоска- Ѓорѓиевска, а во режија на Мартин Кочовски. МГЛ-ГРадфскиот театар од Љубљана гостува со претставата „Нора“ од Ибзен, во режија на Нела Витошевиќ...За затворање на фестивалот во Охрид доаѓа најголемата регионална ѕвезда, актерот Милош Биковиќ во претставата „Лагата од Флоријан Зелер“, во режија на Никола Љуца, а во продукција на Белградскиот драмски театар. Биковиќ ќе настапи саедно со извонредните Тамара Крцуновиќ, Миoдраг Радониќ и Јелисавета Теодосиќ... За роденденот на „Охридско лето“ секогаш се избирале посебно атрактивни уметнички содржини. Оваа година на 4 август за првпат на фестивалот фадо музика, со Јоана Амендоира, изведувачка која има снимено најмногу албуми со фадо музика од сите останати уметници од тој жанр. И ова фестивалско издание ќе биде издвоен простор за домашните уметници. Тука е музичко-сценскиот проект на МОБ со „Госпоѓиците од Авињон“, комбинирана балетска престава на музика напишана од Калопи. Тука е и вечерта разервирана за концертот што секоја година го организира Музичката младина на Македонија како веќе етаблирана фестивалска содржина. Тука се и пијано-рециталот на Кека Мимоза, Дино Имери, концертот на дуо-пијано Гелебешеви, настапот на трио „Аура“, празничен концерт со духовна музика на хорот „Про-Арс“...Една од музичките вечери ќе биде посветена на охридскиот флаутист кој прерано замина од овој свет – Илија Зимбо. Фестивалот „Охридско лето“ е дел од семејството на Европската асоцијација на фестивали уште од 1994 година, кога и официјално зачекори кон остварување на мисијата - културна Европа со заеднички врвни културни вредности. „Охридско лето“ денес претставува големо достоинство и исклучителна културна придобивка за Охрид и Република Македонија, манифестација што на најдостоинствен и најрепрезентативен начин не промовира ширум светот. Фестивалот „Охридско лето“ се одржува со под покровителство на Претседателот на Републиката, со финансиска поддршка на Министерството за култура на Република Македонија, а помогнат од Општина Охрид, како и од бројни спонзори. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМицкоски нуди бланко поддршка за СДСМ ако се договори гласањето на дијаспората15:00Пожар во близина на Пробиштип, густ чад на патот Штип- Пробиштип го отежнува сообраќајот12:34Презентација на воена опрема вредна над 40 милиони евра во касарната „Илинден“08:57Променливо облачно со сончеви периоди, попладне нестабилно08:30МВР најави кривични пријави за малолетничките и родителите за бруталното насилство во Аеродром15:00
ХороскопДневен хороскоп за 4. јули 2026 година Дневен хороскоп за сабота, 4. јули 2026 година. Рак 22.6-22.7. Љубов Може да очекувате уште еден ден со побогат друштвен живот , што ќе го помнинете со кого вие сакате. Кариера Лесно ќе излегувате на крај со луѓето . Многумина во вас ќе препознаваат пример , а вие ќе бидете поотворени од вообичаено. Здравје и совет Уривате рекорди. Лав 23.7-22.8. Љубов Денеска ќе се занимавате со мисла дали да се впуштите во нешто позначајно со личноста што ја среќавате низ работната средина. Кариера Работите за кои се бара емоционален ангажман добро се поставени. Некои ќе се преоптеретени со работи. Здравје и совет Не мора да се брзате. Девица 23.8.-23.9. Љубов Ќе играте на карта на заведување и на глумење еротика. Вистина е дека во тоа ќе имате стил , па и успехот е веројатен. Кариера Можните преговори околу едно спонзорство се приведуваат до крајот. Нема да го имате главниот збор , но ќе се договорите. Здравје и совет Ќе имате пријатни сништа. Вага 24.9.-23.10 Љубов Продолжувате со својата сензуална фаза на заведување , кога многу личности од спротивниот пол ви паѓаат под нозе. Кариера Ќе влијаете на настани , луѓе и работа повеќе отколку што мислите. Не сте свесни колку ве имитираат. Здравје и совет Немојте да си го расипете карактерот. Шкорпија 24.10-22.11. Љубов Веројатно ќе потрошите повеќе пари од планираното , а сето тоа со цел некого да импресионирате. Љубовта нема цена. Кариера Вашите сојузници се засилуваат , а и вие со нив. Денеска станувате се посвесни за тоа , а вашата самодоверба расте. Здравје и совет Не знаете до каде може да стигнете. Стрелец 23.11.-21.12. Љубов Ќе се согласите на сите барања од саканата личност , зашто и вие исто ќе мислите. Ќе бидат тоа мали , слатки грижи. Кариера Ќе покажете доза на попустливост во деловните договори. Би можеле да бидете малку построги за да постигнете поголема контрола. Здравје и совет Ќе бидете фокусирани на други. Јарец 22.12.-20.1. Љубов Освен опуштениот изглед со кој зрачите, денеска ќе покажете и малку поголема страст. Другата страна тоа добро ќе го прифати. Кариера Извесен е мал трошок поврзан со луксуз или подобрување на работните услови. Можете тоа да сиго дозволите. Здравје и совет Некои имаат духовни искуства. Водолија 21.1.-19.2. Љубов Ќе бегате во својот свет на сништата пред незадоволителната љубовна реалност. Тоа ќе биде вашиот вентил. Кариера Можеби некои ваши идеи нема веднаш да бидат прифатени , едноставно зашто се неспроведливи во реалните услови. Здравје и совет Помирете се со реалноста. Риби 20.2.- 20.3. Љубов Во комуникацијата со саканата личност , се поголема улога ќе игра фантазијата и интересните идеи кои како да не се од овој свет. Кариера Тешко дека некој ќе ве стави денеска во некаков калап. Ќе бидете навистина посебни во секој поглед. Здравје и совет Имате право кога ја негувате натуралноста. Овен 21.3-20.4. Љубов Љубовта од работното место ќе ве збунува. Нема лесно да се поставите во таквата ситуација. Не ви е лесно зашто немате јасно поставен став. Кариера Креативните работи ќе се одвиваат без проблем. Промените што се случуваат на работното место ќе ги прифатите без двоумење. Здравје и совет Издржете. Бик 21.4- 20.5. Љубов Пред вас е ден полн со емотивни фрустрации. Што и да правите, ќе излезе задоволително.Имајте трпение. Кариера Незадоволните од работата , ќе се засилат за да ги менуваат работите. Задоволните ќе мечтаат за да биде уште подобро. Здравје и совет Работете го она што го сакате. Близнаци 21.5.-21.6. Љубов Веројатно денеска ќе бидете малку почувствителни од вообичаено, а поради слабите љубовни шанси , ќе се појават и фрустрации. Кариера Ќе бидете сигурни во сопствените резултати и ќе настојувате планот да го изведете до крај. Сепак , тоа ќе биде доста напорно. Здравје и совет Ви треба кус одмор.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМицкоски нуди бланко поддршка за СДСМ ако се договори гласањето на дијаспората15:00Пожар во близина на Пробиштип, густ чад на патот Штип- Пробиштип го отежнува сообраќајот12:34Презентација на воена опрема вредна над 40 милиони евра во касарната „Илинден“08:57Променливо облачно со сончеви периоди, попладне нестабилно08:30МВР најави кривични пријави за малолетничките и родителите за бруталното насилство во Аеродром15:00
Шоу бизЏастин Бибер ќе настапи на финалето на Светското првенство?Се наведува дека Џастин Бибер е во преговори да настапи на полувремето од финалето на Светското првенство.Извори од ФИФА велат дека официјалните лица размислуваат да го вклучат во спектаклот што ќе се одржи на 19 јули на стадионот „МетЛајф“ во Њу Џерси, објавува „TMZ“. Веќе импресивен список на изведувачи Бибер на тој начин би се придружил на веќе импресивниот список на изведувачи, кој, според најавите, ги вклучува Мадона, Шакира и популарниот јужнокорејски бенд „BTS“. Ангажирањето на канадската ѕвезда за ФИФА би имало смисла и поради неговата неодамнешна поврзаност со турнирот. Забележан на церемонијата на отворањето Џастин и неговата сопруга Хејли Бибер беа во центарот на вниманието на церемонијата на отворањето на Светското првенство во Инглвуд пред неколку недели. Во таа прилика, Џастин ги изненади ВИП гостите со интимен настап зад сцената, каде што ја изведе својата песна „Yukon“. Единствен настап наместо турнеја Можниот настап на финалето носи интересен пресврт во летото на Бибер. Неодамна беше објавено дека, и покрај шпекулациите, пејачот во моментов не планира турнеја. Сепак, еднократен настап на најголемата фудбалска сцена во светот е сосема друга приказна. Во медиумите веќе се шпекулира дека би било интересно да се види Бибер како го завршува турнирот, особено ако репрезентацијата на САД продолжи со добрите резултати. Иако Бибер е Канаѓанец и покажа симпатии кон Мексико на церемонијата на отворањето, неговиот настап би бил во согласност со идејата за Светското првенство - собирање на целиот свет на едно место. Извор: Б92Тагови: Џастин Бибер Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
СветБајден го номинира Трамп за Нобелова награда?Синот на поранешниот американски претседател, Хантер Бајден, наводно објавил на социјалните мрежи дека го номинирал американскиот претседател Доналд Трамп за Нобелова награда за мир, што некои медиуми го опишаа како „обид за провокација“.Како што објави „Хафпост“, Бајден ја претставил својата објава како номинација со иронично објаснување кое се толкува како критика на претходните тврдења на Трамп дека тој ја заслужува Нобеловата награда. Белата куќа официјално не коментираше за наводното соопштение, а некои извори блиски до администрацијата наводно реагирале со саркастичен тон. Трамп јавно го изразува своето верување со години дека ја заслужува Нобеловата награда за мир, истакнувајќи ги неговите дипломатски иницијативи за време на неговиот мандат. I am officially nominating Donald J. Trump (@realDonaldTrump) for the Nobel Peace Prize. No President in History has ended the same war so many times. Our Dear Leader has ended the war with Iran at least 38 times by CNN’s count. No President has ever done this before. And he… — Hunter Biden (@HunterBiden) July 2, 2026 Тој, исто така, постојано ги критикуваше одлуките на Нобеловиот комитет, особено откако наградата им беше доделена на други политички лидери. Објавата на Бајден предизвика широки реакции на социјалните мрежи, при што корисниците ја толкуваа на различни начини, од политичка сатира до обид да се привлече вниманието кон претходните изјави на Трамп за Нобеловата награда. Нобеловиот комитет не коментираше за поединечните номинации, кои генерално се доверливи.Тагови: Доналд Трамп Нобелова награда Хантер Бајден Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter