Од утре почнува лекување на заболените од Ковид-19 со крвна плазма и со примена на озонотерапија - Канал 5

Здравје

Од утре почнува лекување на заболените од Ковид-19 со крвна плазма и со примена на озонотерапија

Лекувањето со крвна плазма на заболени со Ковид-19 кај нас ќе започне од утре. Во болницата „8 Септември" ќе започне лекување на овие болни со озонотерапија, изјави денеска министерот за здравство Венко филипче.

Од утре почнува лекување на заболените од Ковид-19 со крвна плазма и со примена на озонотерапија

-Дури и со овие два начини на лекување и со крвната плазма која што почнува практично од утре, за првпат ќе се земе таа плазма од еден пациент којшто е утврдено дека е во фаза во која што има антитела што можат да се дадат на пациент и озонотерапијата со оној апарат којшто го има кај нас ќе почне во болницата „8 Септември". Има соодветни индикации, не може кај било кого да се аплицира, рече Филипче.

Министерот рече дека сепак, точната терапија за лекување на болните од овој вирус во светски рамки допрва ќе се утврдува и дека ние како земја сме дел од студијата со повеќе земји во светот во која ќе се утврдуваат еден од четирите начини со коишто оваа болест ќе се лекува со соодветна терапија и со соодветен пристап.

Филипче повтори дека се уште нема одлука за тоа колква ќе биде полицискиот час за првомајскиот викенд потенцирајќи дека тоа ќе зависи од однесувањето на граѓаните, кои мора да ги почитуваат мерките за носење на заштитна опрема односно маски бројот на новозаболни во следните денови.

– Рано е да кажеме колку часови ќе биде полицискиот час за време на продолжениот првомајски празник, ќе ја почекаме анализата на бројот на случаи од следните неколку денови па до четврток ќе се донесе одлука. Сакам да кажам дека сите опции се отворени затоа што не знаеме каква недела ќе имаме пред нас во однос на новодијагностицирани случаи, рече Филипче.

Каква и да биде мерката, не само за овој викенд туку и за деновите пред нас во однос на полицискиот час, потенцира тој, ова е време во кое мора сите да се стрпиме да издржиме затоашто само така придонесуваме и за нашето здравје и за здравјето на сите околу нас.

Повтори, како што кажа, дека „некои работи во однос на санкциите треба да започнат и порано, бидејќи дел од граѓаните не ги почитуваа мерките".

-Повеќе од 60 земји од светот имаат воведено вакви рестриктивни мерки и само тие даваат резултати. Има економски и социјален притисок, не само кај нас, но не може туку така да ги олабавиме мерките и да ги пуштиме луѓето слободно да се движат затоа што може да се соочиме со ризик од пик на заразени, нешто што успешно го избегнавме со ова сценарио. И во таа смисла затоа ова зголемување на времето на движење на граѓаните се комбинира со задолжително носење на заштитна опрема, вели министерот.

Според него, ова не е олабавување на мерките туку воведувањето на маските, е дополнителна рестриктивна мерка.

-Зголемување на бројот на часови за движење заедно со носење на заштитна маска би рекол дека е порестриктивна мерка, рече Филипче, посочувајќи дека ризичните групи се раздвоени, а маската е задолжителна што е дополнителна рестрикција во однос на претходно.

Работна група од експерти од Комисијата за заразни болести и стопанските комори работат на тоа како ќе бидат организирани производствените капацитети и одредени мали бизнисни, иако некои од малите претпријатија кај нас функционираа. Но, многу е рано, вели тој, да се зборува за отворање на училиштата и на градинките.

– Тоа ќе биде еден систем што ќе бара реорганизација во однос на бројот на учениците во училиштата, соодветно дистрибуирани по училниците и занимални на децата во градинките. Сега сме се уште фокусирани на очекување на максималниот број на пациенти. Тогаш кога оној фактор ќе падне под единица, бројот на пациенти ќе почне да се намалува ќе почнат и другите мерки, рече Филипче.

Филипче, како што кажа уште два дена е во домашна самоизолација, а потоа треба да направи задолжително тестирање. Времето го користи, како што рече, меѓудругото да направи ретроспектива на тоа што е направено во изминатиот период во борбата со ширење на коронавирусот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски од Подгорица: Модернизација на транспортната инфраструктура како услов за економски развој и посилна регионална соработка

Заменик претседателот на Владата и министер за транспорт Александар Николоски денеска во Подгорица, оствари средба и со министерот за транспорт на Црна Гора, Радош Зечевиќ.

Николоски од Подгорица: Модернизација на транспортната инфраструктура како услов за економски развој и посилна регионална соработка

На средбата се разговараше за можноста за унапредување на транспортното поврзување меѓу Македонија и Црна Гора, подобар пристап на пристаништата и нови развојни политики за меѓусебна соработка.

Николоски и Зечевиќ разговараа и за зголемување на економската и трговската соработка меѓу двете земји, а беше потенцирана и потребата од подобро регионално поврзување и модернизацијата на транспортната инфраструктура.

Вицепремиерот истакна дека Македонија работи на доизградба и модернизација на европските транспортни коридори, со цел подобро поврзување на регионот, олеснување на транспортот и обезбедување подобар пристап до регионалните пристаништа.

На средбата беа разменети и искуства и практики во областа на поморскиот сообраќај.

Соговорниците се согласија за потребата од унапредување на соработката во областите од заемен интерес, со цел создавање подобри услови за транспорт, трговија, инвестиции и економски развој во регионот.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Герасим Лазов е човек кој добил функција поради тоа што е нечие внуче и затоа не може да коментира паушално

Внукот на контроверзната Вилма Русковска, поранешна јавна обвинителка, која определен период беше и шеф на обвинителството за гонење на организиран криминал, се јави да зборува за состојби во Фудбалскиот сојуз на Македонија.

ВМРО-ДПМНЕ: Герасим Лазов е човек кој добил функција поради тоа што е нечие внуче и затоа не може да коментира паушално

Станува збор за претседавачот со Централниот одбор на СДС, Герасим Лазов, до сега познат како личност која само знае да седи и да праќа пораки колку се не чини во државава.

Лазов е човек кој добил функција поради тоа што е нечие внуче затоа не може да коментира паушално.

Сега му текна на Лазов да се јави и да критикува за ФФМ, а не гледа кога станува збор за СДС кој со кого е поврзан, како стигнува до функција, како делат функции и пари.

На внукот на Русковска, позната како обвинител која гонеше неистомисленици, му порачуваме пред да се појави во јавност, прво да погледне околу себе и каде е тој и што е СДС предводена од Венко Филипче и неговиот учител Зоран Заев.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Одложени се концертите на „Парни ваљак“ во Словенија и Швајцарија- пејачот мора на операција

Парни ваљак објави дека ги одложува сите концерти планирани за октомври и ноември. 

Одложени се концертите на „Парни ваљак“ во Словенија и Швајцарија- пејачот мора на операција

Причина е операцијата на гласните жици на која треба да се подложи пејачот Игор Дрвенкар, по што му треба време да се опорави.

Пораката на бендот до публиката

Бендот се обрати до публиката преку социјалните мрежи. „Поради оперативната интервенција на гласните жици на која мора да се подложи нашиот Игор и потребното време за закрепнување, принудени сме да влеземе во состојба на мирување во текот на 10-тиот и 11-тиот месец од оваа година и да ги одложиме сите концерти во тој период“, се вели во соопштението.

„Здравјето на Игор е наш прв приоритет, а сега најважно е што има доволно време за целосно закрепнување. Ви благодариме за разбирањето, поддршката и трпението. Се надеваме дека наскоро сите ќе се вратиме на сцената заедно, веќе во 12-тиот месец, каде што сите сме најсреќни - заедно со вас!“

Дрвенкар: Се надевам дека ќе се вратам во декември

Самиот пејач Игор Дрвенкар се обрати до јавноста со својата порака. „Драги мои, за жал, дојде време да престанам засега и да се посветам на моето здравје и целосно закрепнување. Знам колку сите се радувавме на концертите што нè очекуваат и верувајте ми, не ми е лесно што ќе мора да ги одложиме“, напиша тој.

„Да бидам на сцената, да пеам и да ги споделувам сите тие моменти со вас е нешто што навистина ме исполнува, и затоа оваа пауза ми е уште потешка. Но, здравјето сепак е на прво место и верувам дека ова е само кратка пауза по која ќе се вратиме уште посилни. Се надевам дека во декември повторно ќе бидеме заедно, ќе пееме со сета сила и ќе надоместиме за сè што пропуштивме. Ви благодарам од дното на срцето за вашето разбирање, поддршката и сите убави зборови. Се гледаме наскоро!“

YouTube video

Информации за билетите

Одложените концерти се настапот на 17 октомври во Домжале во Словенија (Спортска сала) и 7 ноември во Цирих (Stadthalle Dietikon). Бендот вели дека за сите информации за претходно купени билети и нови датуми, треба да ги контактирате организаторите.

Тагови: Парни ваљак

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер