Култура

Од утре до 18 јуни 9. Француски филмски фестивал во Скопје и Охрид

Со филмот „Патот за Истанбул“ на алжирскиот режисер Рашид Бушареб, утревечер во кино „Милениум“ ќе почне деветтиот Француски филмски фестивал кој ќе се одржува во Скопје и Охрид во организација на Амбасадата на Франција и Францускиот институт со поддршка на Министерството за култура.

На фестивалската програма се уште пет филма во Скопје („Страв“ и „Утре“ на 16 јуни, „Фатима“ и „Лето“ на 17 јуни и „Ни на небо ни на земја“ на 18 јуни) и три филма во Охрид кои ќе бидат прикажани во Центарот за култура „Григор Прличев“ („Каприс“ на 16 јуни, „Три срца“ на 17 јуни и филмот „Судија“ на 18 јуни).

Гости на фестивалот ќе бидат актерката Астрид Ветнал и режисерот Кристијан Венсан (од филмовите за отворање и за затворање на фестивалот), како и претставници на Националниот центар за филм на Франција (CNC) - Жилиен Езано, советник за билатерална соработка на CNC, и Одре Бијар, директорка на фестивалот за краткометражни филови „Off-Courts“. Тие во Агенцијата за филм на РМ во четврток ќе имаат средба со филмските професионалци од Македонија, а на Универзитетот ЕСРА попладнето ќе одржат работилници за студенти.

Амбасадорката на Франција во Македонија Лоранс Оер на прес-конференција рече дека мото на годинашниот фестивал е „Различна кинематографија“ затоа што има желба да покаже иновативност и ангажираност. Во таа насока е филмот „Патот за Истанбул“ кој раскажува актуелна тема - одлуката на млада девојка да замине во војна во Сирија, како и документарецот на еколошка тема „Утре“, кој има еден милион посетители.

- Во четирите фестивалски денови во Скопје и во Охрид ќе имаме можност да гледаме престижни француски филмови кои имаат бројни награди, меѓу другите и наградата „Цезар“, а филмот „Судијата“, на пример, е награден во Венеција. Програмата на фестивалот е комплетна зашто не се состои само од филмови, туку има и професионални средби, што ќе овозможи филмските работници од оваа земја да стапат во контакт, да разменат искуства и можеби да се впуштат во копродукции со Франција, рече Оер.

Министерката за култура Елизабета Канческа-Милевска искакна дека овој фестивал се очекува со нетрпение од македонската публика поради долгата традиција на француската кинематографија и естетиката на францускиот филм. Посочи на одличната сорабтка со Франција во реализацијата на две мултилатерални копродукции („Мајки“ на Манчевски и „Лазар“ на Ристовски).

Потсети дека познатата продукција „Шик филмс“ лани во Македонија снимаше дел од францускиот филм „А Фонд’ на режисерот Никола Бенаму и дека интерес за снимање на локации низ земјава покажале и други филмски компании од Франција, како и од Велика Британија.

- Уверена сум дека соработката помеѓу Франција и Македонија и во иднина ќе се продлабочува и интензивира, а токму Фестивалот на францускиот филм ќе биде одлична можност нашите продуценти, автори, режисери да разменат контакти и да реализираат заеднички иницијативи и проекти, рече Канческа-Милевска.

Ангажираноста на Македонија во областа на филмското продуцирање ја поздрави амбасадорката Оер која нагласи дека е тоа извонредна идеја која ќе овозможи да се привлечат младите генерации кон филмот.

За таа цел втора година се организира и натпревар за мини видео за млади. Наградените ќе бидат соопштени на 17 јуни во кино „Култура“. Првата награда е еднонеделен престој во Долна Нормандија на фестивалот „Off-Courts“.

Директорката на Агенцијата за филм на РМ Мими Ѓоргоска-Илиевска посочи на значењето на средбата на македонските филмски професионалци со претставниците од францускиот филмски центар CNC и доаѓањето на нејзиниот колега Жилиен Езано. Средбата е можност за размена на информации кои би резултирале со копродукциски проекти.

- Задоволство е што ќе ги имаме како гости во Агенцијата за филм. Се надевам дека оваа традиционална соработка во областа на филмот ќе можеме во блиска иднина да ја крунисаме и со еден билатерален договор помеѓу двете земји за соработка во филмската дејност, истакна Ѓоргоска-Илиевска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес ја погоди Турција, луѓето во паника,истрчаа на улиците

Земјотрес со јачина од 5,4 степени е регистриран во југоисточниот дел на Турција, во област што беше погодена од разорен земјотрес со јачина од 7,8 степени според Рихтеровата скала во 2023 година.

Турската Управа за управување со катастрофи и вонредни состојби (АФАД) соопшти дека земјотресот, со епицентар во областа Каракопру во регионот Шанлиурфа, имал магнитуда од 5,4 и бил регистриран во 10:40 часот по локално време.

Земјотресот бил почувствуван во Шанлиурфа, како и во Адијаман, Газиантеп, Дијарбакир, Елазиг и многу околни провинции, објави „Ен Сон Хабер“ (En Son Haber).

Земјотресот предизвика краткотрајна паника во Шанлиурфа, а како што пренесе gazeteipekyol.com, по потресот, некои граѓани ги напуштија своите домови и работни места и излегоа на улиците од претпазливост.

На 6 февруари 2023 година, разорен земјотрес со јачина од 7,8 степени според Рихтеровата скала ги погоди југоисточна Турција и северна Сирија, предизвикувајќи катастрофални штети и загуба на повеќе од 53.000 човечки животи.

Главниот земјотрес имаше магнитуда од 7,8, а беше проследен со серија разорни последователни потреси, вклучително и нов силен земјотрес со магнитуда од 7,5 истиот ден.

Милиони луѓе во Кахраманмараш, Шанлиурфа, Хатај и Газиантеп останаа без дом во една од најголемите природни катастрофи во модерната историја на овој регион.

Македонија

СДСМ: Мега скандал: Приватна фирма плаќа лобисти во САД за Мицкоски!

Во Америка има закон. Ако некој однадвор плаќа лобист да работи кон американски функционери, тоа се пријавува. Се вика FARA.

Регистар бр. 6170.

Таму пишува: американската куќа Mercury Public Affairs ја плаќа фирма од Скопје - АТС Груп ДООЕЛ.

Приватна фирма.

Значи не ја плаќа Министерството за надворешни, владата.... Ја плаќа приватна компанија за муниција, шлемови, балистичка опрема.

Сопственик: е Шефшет Демировски.

Цена: 130.000 долари месечно. Квартално однапред 390.000. Годишно околу 1,56 милиони долари.

Договорот трае, низ 2026 и 2027 година.

На 2 април 2026 истата куќа, платена од АТС, предава материјал со наслов „Стратешко партнерство САД–Северна Македонија“.

Во текстот не стои „продајте ни куршуми“. Стои пакет влада со влада.

Име: Трамп и Мицкоски. Нула царини. Американски гас. Стотици милиони за американски ИТ.

Повластен пристап за американска одбрана.

Енергетски столб од ред 1,5 милијарди долари.

Превод за секој што не чита регистри: приватна фирма за оружје плаќа американски лоби да ги турка темите на Мицкоски како да се државни.

Ова е мега скандал.

Што бара таа фирма? Пазар за наоружување и опрема.

Што е антимон? Метал што влегува во воена индустрија - тврди легури, муниција, заштита.

Пет милиони долари грант за развој на антимон кај Крстов Дол, Луке, Крива Паланка, Мицкоски го продаде како успех од Америка.

За Гета фрлија 5,53 милиони евра народни. Земјата евтина. Концертот скап. Јаловината останува во почва и вода.

Затоа ова е многу едноставно. Кога немаш официјален термин, одиш каде што лобистот отвора врата: хотелски фоаје, ходник, 42 секунди, слика од страна.

Потоа дома тоа го викаш средба на ултра високо ниво.

Заштита на идентитетот. Стратешко партнерство.

Проверивме што може да се провери. На сајтовите на Белата куќа, Стејт департментот, агендите на секретарот Марко Рубио и на заменикот Кристофер Ландау, Пентагон, ДФЦ, Конгрес, FARA - за посетата од 15 до 22 септември 2026 нема официјална објава дека Мицкоски имал состанок со Рубио, со Ландау или со друг висок функционер на администрацијата.

Нема агенда. Нема заедничко соопштение. Нема потпис. Има Фејсбук.

Ако Вашингтон не го запишал, тоа не е државна средба туку неформален контакт.

Ако истиот човек дома го продава како самит, тоа е лага.

Ако истиот месец приватна каса, приватна фирма плаќа лоби за неговата агенда, тоа не е

случајност. Тоа е метод.

Педесет души на народен грб. Приватна фирма плаќа врата.

Премиерот се слика на ходник. Антимонот влегува како „почеток“. Народот не се прашува.

Провизијата се знае кај него. Ризикот останува кај нас: вода, почва, сметка.

СДСМ е за сојуз со Америка ама вистински сојуз. Како што ние успеавме. И со САД да ги издигнеме односите на највисоко ниво и НАТО да го затворивме токму ние.

Но ние сме против тоа државата да се води од фоаје и од каса на производител на муниција.

Ова мириса на корупција и мора да се истражи!

Бараме јавно да биде објавена целата документација.

Цел извод FARA 6170, материјалот од 2 април, список кого Mercury го барал во име на АТС, кој ја платил делегацијата, и писмен одговор зошто антимон се води како државен интерес додека го лобира приватна воена фирма.

Ходникот не е кабинет. Лобито не е дипломатија.

Антимонот не е леб. Тоа е руда за оружје.

Кој го плаќа лобито, тој ја пишува агендата. Во овој случај не ја пишува народот.

Прес конференција на СДСМ, Богданка Кузеска, портпаролка и членка на Извршниот одбор

Скопје, 24.09.2026

СДСМ

Култура

МНТ: Премиера на претставата „Три сестри“

Претпремиерата на претставата „Три сестри“, по мотиви на А.П. Чехов, во режија на Нела Витошевиќ, ќе се одржи вечерва на 24 септември, а премиерата е закажана за 25 септември.

Билетите за претпремиерната и премиерната изведба како и за првата изведба која е закажана за 5 октомври се достапни во продажба, а публиката може навреме да ги обезбеди своите места.

Новата сценска адаптација, по текст на Васил Христов и Нела Витошевиќ, а во драматургија на Викторија Рангелова-Петровска, е современо читање на еден од најзначајните драмски класици.

Претставата „Три сестри“ во режија на Нела Витошевиќ е работена врз новиот драмски текст под кој како автори се потпишуваат Васил Христов и Нела Витошевиќ. Во драмскиот текст се користат мотиви од истоименото дело на Чехов, поставени во постмодерна драмска структура - со динамичен и скоро документарно природен дијалог, суптилен хумор, разорна карактерна психологизација и поетичен драмски јазик.

Во претставата „Три сестри“ се преиспитува денешната стварност преку галерија ликови заробени помеѓу спомените, изгубените идеали и копнежот по поинаков живот. Драмското дејство е поместено на овие наши простори, во современи општествени околности. Карактерите се лица кои постепено се оддалечуваат од сопствените желби, од самите себе и од оние кои вистински ги сакаат. Семејството станува мала слика за едно општество во распаѓање, во кое старите вредности исчезнуваат, а новите сè уште не се родени.

„Три сестри“ не ја гледам само како приказна за едно семејство кое не успева да се придвижи. Ја гледам како приказна за луѓе и за едно општество заглавени во мртва точка. Сите знаат дека треба да се помрднат, сите зборуваат за промена, сите сонуваат за некаде и некогаш, но никој не успева навистина да тргне, вели режисерката на претставата Нела Витошевиќ.

Во претставата настапуваат: Дарја Ризова – Ирина, Наталија Теодосиева – Маша, Верица Недеска – Олга, Дамјан Цветановски – Андреј, Благој Веселинов – Александар, Емил Рубен – Иван, Ивица Димитријевиќ – Игор, Нина Деан – Наташа и Антонио Ташковски – Никола.

Креативниот тим го сочинуваат сценографот Игор Васиљев, костимографката Роза Трајческа, композиторот Огнен Анастасовски, а извршни продуценти се Симона Угриновска и Виктор Рубен.

Портретната фотографија од режисерката е од фотографот: Кристијан Теодоров

Фотограф на претставата е Кире Галевски

Тагови: МНТ