Од три години почнала да кажува на родителите дека е родена во Египет, работи за Клеопатра - Канал 5

Забава

Од три години почнала да кажува на родителите дека е родена во Египет, работи за Клеопатра

После приказната на Емили која е родена во американската држава Охајо во 1963 година, многумина почнаа да ги преиспитуваат своите ставови за реинкарнацијата.

Од три години почнала да кажува на родителите дека е родена во Египет, работи за Клеопатра

Приказната на девојчето Емили од Охајо, Америка, наведе многумина да ги преиспитаат своите ставови за реинкарнацијата. Емили е родена во 1963 година во просечно семејство, а на три години почнала да кажува необични работи.

- Зборуваше дека е родена во Египет, дека била главна слугинка на познатата Клеопатра... Сите тогаш се смеевме, прашувајќи се од каде слушнала приказни за Египет и Клеопатра. Меѓутоа, работите почнаа да стануваат побизарни. На шестгодишна возраст научи совршено да чита и пишува арапски. „Ни беше чудно, бидејќи ја видовме како запишува арапски симболи без претходно да учи за нив“ – изјавила мајката на Емили.

Сепак, кога Емили продолжила да зборува за животот во египетската палата, нејзините родители тоа го припишувале на бујната детска имагинација.

- Таа детално ги опишуваше мирисите на парфемите и начините на шминкање. Исто така, многу зборуваше за архитектурата на палатата. Зборуваше за столбовите и мермерниот под. Конечно, кога наполни 18 години, решивме да ѝ ја исполниме желбата и да ја однесеме во посета нa Египет и пирамидите. Бидејќи тоа беше туристичка тура, ги следевме водичите, но Емили рече дека сето тоа е „веќе видено за туристите“, па нè однесе по други, тајни премини. Беше забележливо дека таму одамна не стапнала човечка нога. Мислевме дека сигурно ќе се изгубиме, но секогаш бевме чекор понапред од туристите. Тоа беа тајни премини и кратки патчиња за кои Емили некако знаеше“ - истакнала нејзината мајка.

Врвот на патувањето и истражувањето на пирамидите се случи кога Емили одеднаш застана натажена на едно место.

- Рече „Тука спијам“, иако таму воопшто немаше соба, ниту простории. Мислевме дека халуцинира. Бидејќи Емили инсистираше дека има соба таму, уследи едно истражување. Следниот ден бевме поканети да се вратиме на местото каде што Емили инсистираше дека таа се наоѓа таму. Во скриениот ѕид беше пронајдена потполно тајна просторија. Таму имаше мумија. Беше утврдено дека се работи за една од слугинките на Клеопатра која била положена во „вечното почивалиште“. Кога ни дозволија да се доближиме поради Емили, за малку ќе вриснев. Нејзиното лице неодоливо наликуваше на Емили, дури и во таа состојба - заклучила нејзината мајка, која најпосле помислила дека нејзината ќерка е всушност реинкарнација на таа жена, десната рака на Клеопатра.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русите го погодија клучниот мост во Киев преполн со автомобили

Руските сили го погодија Северниот мост во Киев со дрон, оштетувајќи го патот, изјави градоначалникот на Киев, Виталиј Кличко.

Русите го погодија клучниот мост во Киев преполн со автомобили

„Коловозот на Северниот мост е погоден. Службите за итни случаи се упатуваат кон местото на настанот“, рече Кличко.

Снимки од нападот на мостот, кој е преполн со автомобили, се појавија на социјалните мрежи. Постојат стравувања дека може да има жртви.

Русија отвори сосема нова фаза од својата воздушна војна против Киев оваа недела. Таа започна систематски да ги таргетира стратешките мостови преку реката Днепар што ги поврзуваат источните и западните делови на украинскиот главен град.

Тагови: Киев мост

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

OJO: Оружје, експлозив и муниција пронајдени во домот на скопјанец, поведена истрага

При претрес во домот на осомничениот, полицијата открила и запленила поголемо количество оружје, муниција и експлозивна материја која на граѓаните им е забранета.

OJO: Оружје, експлозив и муниција пронајдени во домот на скопјанец, поведена истрага

Основното јавно обвинителство Скопје донесе Наредба за спроведување истражна постапка против 33-годишен скопјанец за кривични дела – Неовластено изработување, држење, посредување и тргување со оружје или распрскувачки материи од член 396 став 5 во врска со став 3 и став 1 и Неовластено производство и пуштање во промет на наркотични дроги, психотропни супстанции и прекурсори од члњн 215 став 1 од Кривичниот законик.

При претрес во домот на осомничениот, полицијата открила и запленила поголемо количество оружје, муниција и експлозивна материја која на граѓаните им е забранета – една рачна бомба „М75“ со имплементирани метални кугли со дијаметар од околу 2мм со шрапнелско дејство, вкупно 240 куршуми со различен калибар, пиштол марка Црвена Застава со калибар 7.65 mm, со една рамка со седум куршуми, пиштол марка Берета, со рамка во која имало шест куршуми, како и околу 7 грама марихуана.

Во станот бил пронајден и клуч од мотор за кој постојат оперативни сознанија дека бил искористен при извршување на кривично дело убиство.

Бидејќи постојат околности што укажуваат дека мерката притвор е неопходна за непречено водење на кривичната постапка, јавниот обвинител до судот поднесе и предлог за определување на најстрогата мерка.

Притоа, јавниот обвинител ја истакна опасноста за бегство и можноста осомничениот да продолжи да врши кривични дела, како основ за определување на притворската мерка.

Тагови: OJO

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп ја менува „играта“: „Одлично се сложувам со Ким Џонг Ун“

Претседателот на САД, Доналд Трамп, изјави дека се сложува „многу добро“ со севернокорејскиот лидер Ким Џонг Ун.

Трамп ја менува „играта“: „Одлично се сложувам со Ким Џонг Ун“

Трамп ја нагласи важноста на одржувањето добри односи со лидерите на земјите што поседуваат нуклеарно оружје.

Трамп ги даде овие забелешки на предизборен митинг во Охајо пред изборите за Конгресот, зборувајќи за својот однос со кинескиот претседател Си Џинпинг и бранејќи ги своите врски со лидерите на големите сили.

„Не е ли одлично да се сложувам со лидерите на големите земји, големите нуклеарни сили? Одлично се сложувам со Ким Џонг Ун од Северна Кореја“, рече Трамп. Тој додаде дека е добро да се има договор со некој што има „112 нуклеарни ракети“.

Тој се сретнал со севернокорејскиот лидер три пати

Трамп потврди во август дека се надева дека ќе се сретне со Ким подоцна оваа година, што дополнително ги разгоре шпекулациите дека можеби ќе се обиде да ја обнови нивната лична дипломатија, што досега резултираше со три билатерални средби: првата во Сингапур во јуни 2018 година, втората во Ханој во февруари 2019 година и најновата во селото Панмунџом на меѓукорејската граница во јуни 2019 година.

Портпаролот на Стејт департментот, Томи Пигот, во петокот изјави дека Трамп не ги смета разговорите со Северна Кореја за „отстапка“ и е подготвен да разговара со Пјонгјанг ако тоа е во интерес на САД.

Најновите изјави на Трамп доаѓаат во време кога Северна Кореја продолжува да ги отфрла повиците за денуклеаризација и инсистира дека нејзиниот статус како нуклеарна држава е „неповратен“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер