Од НП „Галичица“ уверувања дека пожарот на планината е под контрола - Канал 5

Од НП „Галичица“ уверувања дека пожарот на планината е под контрола

 Надлежните од Националниот парк „Галичица“ денеска излегоа пред јавноста со уверување дека пожарот што е се уште активен на планината е под контрола, притоа упатувајќи да не се шири паника кај населението.

Од НП „Галичица“ уверувања дека пожарот на планината е под контрола

Ѓуро Јовчески, одговореното лице за противпожарна заштита во Националниот парк „Галичица“ посочи дека пожарот што веќе единаесетти ден е активен е започнат на Кота 11 што се наоѓа на територија на соседна Република Албанија.

-Контролиран е 11 дена. Северен ветер во два крака према југ и према североисток, го однесе длабоко во територија на Албанија од можеби три километри, и после четвртиот ден со нагла промена на ветерот од источна страна, од сите страни не заобиколи, од исток кон северниот дел према Охрид према западниот долж Охридското Езеро и ни ја заобиколи цела територија на стара Галичица. На најнепристапен терен се гаснеше на 2100 метра, каде што е многу отежнато самото движење, камоли дистрибуција на опрема или на било што, појасни тој.

Јовчески уште нагласи дека во текот на сите изминати денови постојано на терен имало триесеттина луѓе, додека денеска за справување со пламенот се ангажирани 120 лица.

-Конкретно во текот на денешниов ден е осигурана источната страница долж Преспанското Езеро каде што пламенот беше влезен во чамова и букова шума, се прават појаси интензивно со машини. Четириесетлуѓе се на позиција од раните утрински часови...Источниот појас е добро осигуран, рече тој.

Истовремено истакна дека интервенирано е и во западниот крак на пламенот така што безбедно е движењето на моторните возила преку Галичица.

Според Јовчески, најкритична точка на позицијата е северозападно од локалитетите Зли дол, Пропаст, Страчка до према Војтино, што поради непристапен терен што поради ветарот од источен правец.

Инаку, тој очекува полека пожарот да биде ликвидиран на позициите север и на исток, додека за западниот дел денеска се интервенира од воздух со три авиони и хеликоптер.

Тој изрази благодарност до сите ангажирани во гаснењето, од НП „Галичица“, доброволци од НП „Пелистер“, паркот „Езерани“, противпожарната единица од Ресен, волонтери од Преспа, од охридските села, од Охрид, од Противпожарното друштво од Свети Николе, Спасителната служба „Патагонија“, како и до ДСЗ и ЦУК од каде се ставени на располагање воздухопловите.

- Значи работиме уште западнот дел да го осигураме и сметам дека пожарот овие денови полека ќе го намалува својата интензитетот, луѓето да бидат спокојни и да не се шири паника, изјави Јовчески.

Уверувања дека пожарот е под контрола даде и градоначалникот на Охрид, Кирил Пецаков, преку својот профил на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Министерот Ристовски ги поздрави финалистите на 55.Меѓународен боксерски турнир „Златен гонг“

Министерот за спорт Борко Ристовски заедно со градоначалничката на Општина Кисела Вода, Бети Стаменкоска Трајкоска, присуствуваше на финалните борби на јубилејното 55.издание на Меѓународниот боксерски турнир „Златен гонг“.

Министерот Ристовски ги поздрави финалистите на 55.Меѓународен боксерски турнир „Златен гонг“

Министерот за спорт Борко Ристовски заедно со градоначалничката на Општина Кисела Вода, Бети Стаменкоска Трајкоска, присуствуваше на финалните борби на јубилејното 55.издание на Меѓународниот боксерски турнир „Златен гонг“ што се одржа од 13 до 15 ноември во спортската сала „Расадник“ во Скопје во организација на Македонската боксерска федерација со поддршка од Министерството за спорт.

Ристовски упати честитки за финалистите и за сите учесници на традиционалниот турнир и ја истакна важноста што има оваа спортска манифестација за македонското борење и за македонскиот спорт во изминатите пет и пол децении.

На годинешното јубилејно издание на „Златен гонг“ настапија 89 боксери од 20 земји.

Победничкиот пехар на јубилејното 55.издание на „Златен гонг“ му припадна на украинскиот боксер Јуриј Захариев. Во женска конкуренција најуспешна беше Шпанката Лаура Галино Лопез, додека признанието за најдобар македонски боксер го доби Алин Нусуфи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Савески, до каде е кривичната пријава против Славески за Алта банка?

Времето поминува а обвинителството молчи за Кривичната пријава поднесена од СДСМ за Алта банка.

СДСМ: Савески, до каде е кривичната пријава против Славески за Алта банка?

Обвинителот Ненад Савески има обврска пред граѓаните да одговори: до каде е постапувањето по кривичната пријава против Трајко Славески и другите одговорни лица во Народната банка за Алта банка?

Дали е оформен предмет? Дали е определен обвинител што постапува?

Кои дејствија се преземени?

Кривичната пријава е темелна, опширна и со конкретни правни аспекти и основани сомневања за несовесно работење во службата и злоупотреба на службената положба и овластување.

Трајко Славески е директно одговорен, тој ја даде дозволата и како што самиот призна во координација со Мицкоски ја донесоа пералницата на Вучиќ, криминалната Алта банка во Македонија.

Луѓето сега не можат да дојдат до своите пари, пензионерите до своите пензии, загрозен е и банкарскиот систем.

Обвинителството мора бргу да реагира за да спречи уништување на докази, заташкување, криење на сметки и трансакции.

СДСМ веќе побара да се преземат законски мерки за заштита на доказите и спречување евентуално влијание врз сведоците, вклучително и да се побара привремена забрана за вршење на должноста на Славески.

Што е преземено од страна на Обвинителството?

Ниту една функција не смее да биде штит од одговорност.

Обвинителството не смее да биде последната линија на одбрана на власта.

Савески, јавноста очекува одговор: до каде е кривичната пријава за Алта банка?

Скопје, 16.13.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски: Денеска во Брисел остварив средба со Герт Јан Копман

Денеска во Брисел остварив средба со Герт Јан Копман, генерален директор на Генералниот директорат за проширување и источно соседство при Европската комисија, објави на совјот профил на Фејсбук, премиерот Христијан Мицкоски. 

Мицкоски: Денеска во Брисел остварив средба со Герт Јан Копман

Во фокусот на разговорите беа европската перспектива на Македонија, напредокот во реформските процеси и следните чекори во пристапувањето кон Европската Унија.

Нашата определба за членство во Европската Унија е јасна и недвосмислена. Македонија заслужува европска иднина, заснована на принципиелни односи, почитување и заштита на националните интереси, како и доследно спроведување на реформите во интерес на граѓаните.

Продолжуваме со посветена работа, исполнување на реформската агенда, одговорна политика и јасна визија за европска, стабилна и просперитетна Македонија, стои во објавата на Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер