Од Нова година Македонија ќе биде дел од единствената област за плаќање во евра, СЕПА - Канал 5

Македонија

Од Нова година Македонија ќе биде дел од единствената област за плаќање во евра, СЕПА

Од Нова година Македонија ќе биде дел од единствената област за плаќање во евра, позната како СЕПА, најавуваат од Народната банка... 

Од Нова година Македонија ќе биде дел од единствената област за плаќање во евра, СЕПА

Македонија очекува заедно со Албанија и Црна Гора, да биде меѓу првите земји од регионот кои од Нова Година ќе приклучат на СЕПА – единствената област за плаќање во евра, која ќе озвоможи побрзи и поевтини трансакции во евра кон европските земји и за граѓаните и за фирмите. Од Народната банка велат викендов на состанкот на вицегуврненри од Западен Балкан кој се одржа во Будимпешта, три централни банки од регионот вклучително и нашата доставиле официјално барање за чланество во СЕПА до Европскиот совет за плаќања, додека останатите земји се во процес на подговотка на барањата.

Вицегувернерката Емилија Нацевска, која беше дел од состанокот, пред околу еден месец во интервју посочи дека бенефит од приклучувањето во СЕПА ќе имаат сите, а на ниво на регионот од Западен Балкан од страна на Светска банка е проценето дека годишно ќе се заштеди околу половина милијарда евра.

„Со пристапувањето во СЕПА и елиминирањето на скапите коресподентски банкарски релации за извршување на дознаките се очекува, според студијата на Светска банка, се очекува дека трошоците за дознаките кои тековно изнесуваат околу 6-7% од износот на дознаката да се преполоват и да се сведат на околу 3% од износот на самата дознака, што значи и голема заштеда за домаќинствата...“

СЕПА трансакциите имаат пониски надоместоци од традиционалните меѓународни трансакции. А нивната обработка е побрза и трае околу два дена. При исплаќање на пари преку СЕПА се користат едноставни банкарски процедури тоа значи дека наместо секоја земја различно да ги обработува трансакциите, иницијативата дозволува парите да се испраќаат и примаат како да се работи за домашна исплата, односно во иднина нема да има банки посрденици.

Дополнително, со членството во СЕПА, како што посочуваат од Народната банка, според анализите за 2 процентни поена би се намалила и сивата економија во регионот на Западен Балкан. А членството е значаен чекор на земјите и кон финансиска интеграција во Европската унија. Дел од СЕПА се 36 земји со над 7 илјади банки и преку 500 милиони сметки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Педерсен ја освои четвртата етапа на Тур де Франс

Данскиот велосипедист Мадс Педерсен ја освои четвртата етапа на Тур де Франс, по спектакуларно возење од повеќе од 150 километри во исклучително тешки услови.

Педерсен ја освои четвртата етапа на Тур де Франс

Возачот на Лидл-Трек триумфираше во спринтерската завршница на етапата од 182 километри помеѓу Каркасон и Фоа, на ден кога температурите надминаа 40 степени Целзиусови.

Педерсен, светскиот шампион од 2019 година, беше најбрз во финалето и го остави зад себе својот клупски колега Квин Симонс, додека Шпанецот Раул Гарсија го освои третото место.

Ова беше трета етапна победа на данскиот велосипедист на Тур де Франс - претходно славеше во 2022 и 2023 година. Триумфот му ја донесе и зелената маичка наменета за најдобриот спринтер на трката.

Сепак, најголемата промена во генералниот пласман дојде од Норвежанецот Торстеин Траен, кој ја презеде престижната жолта маичка на лидерот.

Траен беше дел од голема група од 34 возачи кои се одвоија по 25 километри, и иако остана без борба за победата на етапата во финалето, осмото место му беше доволно за да направи голем скок во генералниот пласман.

На крајот од етапата, Норвежанецот има 28 секунди предност пред Американецот Шон Квин, додека Матијас Вацек е трет, со три минути и 50 секунди заостанување.

Претходниот лидер и актуелен шампион на Тур де Франс, Тадеј Погачар, падна на четвртото место, со 7 минути и 53 секунди заостанување, додека неговиот најголем ривал Јонас Вингегор е петти, со исто време.

Извор: Б92

Тагови: Тур де Франс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ќе го лансира преклопливиот „iPhone Ultra“: Откриени цената и спецификациите, но има проблем

Според аналитичарите, „iPhone Ultra“ првично ќе биде достапен во ограничени количини.

„Apple“ ќе го лансира преклопливиот „iPhone Ultra“: Откриени цената и спецификациите, но има проблем

Се шпекулира дека „iPhone Ultra“,преклопливиот телефон на „Apple“, официјално ќе биде претставен во септември заедно со линијата „iPhone 18 Pro“. Сепак, нов извештај сугерира дека преклопливиот „iPhone“ нема да биде достапен за претходни нарачки веднаш по неговото претставување, а испораките веројатно ќе започнат малку подоцна.

Според аналитичарот Минг-Чи Куо, „iPhone Ultra“ првично ќе биде достапен во ограничени количини поради предизвици во производството. Како резултат на тоа, се очекува претходните нарачки да започнат подоцна од „iPhone 18 Pro“ и „iPhone 18 Pro Max“.

Куо вели дека „Apple“ би можел да започне со испорака на преклопливиот „iPhone“ во четвртиот квартал од 2026 година. И покрај очекуваната цена од 2.300 до 2.500 долари, аналитичарот верува дека „iPhone Ultra“ ќе се распродаде во моментот кога ќе се појави во продажба.

Вреди да се напомене дека неодамнешниот извештај тврди дека „Apple“ ја зголемил својата производствена цел за „iPhone Ultra“ за 2026 година на околу 10 милиони единици. Се шпекулира дека „iPhone Ultra“ ќе има главен екран од 7,76 инчи и надворешен екран од 5,49 инчи. Се вели дека ќе биде напојуван од претстојниот чипсет „Apple A20 Pro“ со 12GB RAM меморија. Се очекува преклопливиот телефон да има и батерија од 5.500mAh.

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Милиони луѓе присуствуваа на погребната поворка на Али Хамнеи

Според извештајот на иранската официјална новинска агенција ИРНА, милиони Иранци учествуваа во погребната поворка за врховниот лидер Али Хамнеи во светиот град Ком на 7 јули, како дел од седумдневниот период на жалост.

Милиони луѓе присуствуваа на погребната поворка на Али Хамнеи

Погребната поворка започна од џамијата Џамкаран и продолжи по авенијата на Пророкот Мухамед, на растојание од околу седум километри, до светилиштето на Хазрат Фатима Масуме.

Од раните утрински часови, областа околу светилиштето и патиштата што водат до центарот на Ком беа исполнети со луѓе од целиот Иран, кои дојдоа да се збогуваат со Хамнеи и неговото семејство.

ИРНА објави дека, во атмосфера на жалост, собраните по патеката постојано скандираа религиозни и револуционерни слогани, додека свештениците држеа погребни говори.

Што се однесува до церемонијата во Ирак, премиерот Али ал-Заиди ќе присуствува на официјалното пречекување на останките на врховниот лидер Хамнеи на меѓународниот аеродром Наџаф.

Се очекува голем број високи ирачки и ирански функционери да присуствуваат на церемонијата на пречек, со што ќе се означи почетокот на комеморативните и погребните церемонии во Ирак на 8 јули.

Управата за светилиштето Имам Али во Наџаф објави дека сите подготовки за погребните церемонии во Ирак се завршени, со координација на надлежните органи, вклучувајќи ги безбедноста, логистиката, јавните услуги и услугите за управување со толпи.

Според планот, погребната поворка ќе тргне од Куфа за Наџаф наутро на 8 јули, а потоа ќе продолжи кон Кербала истиот ден.

Се очекува милиони луѓе да учествуваат на церемониите во двата свети града.

Во меѓувреме, Црвената полумесечина од иранската покраина Хузестан испрати 15 тимови со вкупно 55 членови во Наџаф и Кербала, Ирак, за да обезбедат медицинска помош, спасувачки операции и да одговорат на итни случаи за време на погребните церемонии.

Седумдневниот период на жалост за врховниот лидер Али Хамнеи започна на 3 јули во Техеран, со присуство на високи функционери од десетици земји.

По комеморациите и збогумските церемонии во Техеран, погребната поворка продолжува низ светите места во Иран и Ирак, пред да заврши во Машхад на 9 јули.

Извор: Б92

Тагови: Али Хамнеи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер