Од ноќеска почнува летното сметање на времето - Канал 5

Македонија

Од ноќеска почнува летното сметање на времето

Од три до седум дена е просечниот период кој му е потребен на секој човек за да се навикне на промената од зимско на летно сметање на времето и обратно. 

Од ноќеска почнува летното сметање на времето

Експертите од оваа област појаснуваат дека овој период за привикнување е вообичаен, но кај некои поединци може да трае и подолго.

-Иако часовникот покажува ново време, нашиот организам сеуште очекува да заспиеме и да се разбудиме според претходниот распоред, поради што оваа нагла промена, иако е само еден час, може да почувствуваме замор, потешкотии со концентрација, па дури и промени во расположението.Кај децата и кај оние поединци коишто имаат проблеми со спиењето, овој процес може да трае и подолго. Многу зависи од поединецот, но отприлика три до седум дена му се потребни на телото за да се навикне на новиот биоритам.--Сања Ѓорѓева.

Експертите при секоја промена на стрелките на часовникот постојано укажуваат дека промената на времено има не само здравствени ризици, туку и последици врз економијата. Во однос на временските зони, во која Македонија е во иста група со поголем дел од западноевропските земји како што се Италија, Шпанија и Германија, но не е во иста временска зона со соседните Грција, Бугарија и со Турција, Ѓоргева вели дека на луѓето тоа не им променува многу во однос на временските разлики, бидејќи последиците се најзастапени во бизнисот.

-Најмногу трпат овде, да кажам, работата и бизнисот, бидејќи кога работиме со земји со коишто имаме ние многу голема соработка со останатите земји, кога работиме со нив, кога времето не е прилагодено, најмногу тука може да се осети таа промена,--Сања Ѓорѓева.

Граѓаните имаат поделени мислења. Дел од нив се да остане зимското сметање на времето, дел дека треба постојано да сме со летното сметање на времето. Добар дел од анкетираните се пожалија дека промената им влијае лошо на здравјето, други дека не чувствуваат големи разлики.

– Летното е подобро. Не се одразува на ништо, освен на раното легнување и станување;

– Да биде само едно, ни летно, ни зимно.

Инаку, вечерва во 2 часот по полноќ потребно е да ги поместиме стрелките на часовникот за еден час нанапред, односно да ги наместиме часовниците на 3 часот, што во пракса значи дека граѓаните ќе имаат еден час помалку за спиење.

YouTube video

Тагови: поместувањето на часовникот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„И Здравје и Работа“- Доста е од дезинформации – време е одлуките да се носат врз основа на науката и законите

„И Здравје и Работа“ е локална иницијатива од југоисточниот регион која се залага за економски развој на регионот преку почитување на највисоките еколошки стандарди и заштита на животната средина и здравјето на луѓето. 

„И Здравје и Работа“- Доста е од дезинформации – време е одлуките да се носат врз основа на науката и законите

Локалната иницијатива „И Здравје и Работа“ смета дека јавната дебата за проектот за рудникот за бакар „Иловица–Штука“ предолго е заложник на стравови, шпекулации и дезинформации, наместо на научни факти, современи технологии и институционални процедури.

Денес, современото рударство нема ништо заедничко со практиките од минатото. Технологиите што се применуваат во најразвиените земји овозможуваат високо ниво на заштита на животната средина и значително ги намалуваат потенцијалните ризици.

Проектот „Иловица–Штука“ предвидува примена на технологијата Dry Stack Tailings – суво одлагање на јаловината, која е препознаена како едно од најсовремените решенија во рударската индустрија. Тоа значи дека не е предвидено класично хидројаловиште со брана, туку филтрирана јаловина со минимална содржина на вода, со што се намалуваат ризиците поврзани со складирањето на рударскиот отпад.

Покрај тоа, проектот предвидува системи за управување, контрола и мониторинг на површинските и подземните води, како и мерки за нивна заштита во согласност со законските барања и еколошките стандарди. Токму затоа, доколку проектот ги исполни сите пропишани услови и ги добие потребните одобренија од надлежните институции, нема основ однапред да се отфрла неговата реализација.

Сметаме дека никој нема право да ја игнорира науката, мислењето на стручната јавност и законските процедури само затоа што тоа одговара на однапред создадени ставови. Одлуките за инвестиции од вакво значење мора да се носат врз основа на докази, стручни анализи и институционални проценки, а не под притисок на дезинформации или политички калкулации.

Во време кога Европа обезбедува сопствени извори на критични минерали, а соседните држави отвораат нови можности за инвестиции и развој, Македонија не смее да си дозволи да остане настрана поради неосновани стравови. Нашата држава има потреба од нови инвестиции, добро платени работни места и развојни проекти кои ќе создадат перспектива за младите луѓе.

Секоја одлука што би значела отфрлање на ваков проект без да се темели на законските процедури, стручните анализи и научните докази, би била спротивна на долгорочниот интерес на државата и на граѓаните кои очекуваат економски развој, повисок животен стандард, нови можности за вработување и услови својата иднина да ја градат дома, а не надвор од Македонија.

Затоа ја повикуваме Владата да не ја пропушти можноста Македонија да стане дел од европскиот синџир за снабдување со критични минерали, кои денес се од стратешко значење за економијата, енергетската транзиција и индустрискиот развој на Европа. Веруваме дека институциите имаат обврска да донесуваат одлуки врз основа на законите, научните докази и стручните проценки, а не под влијание на дезинформации или неосновани стравови. Доколку проектот ги исполни сите законски, технички и еколошки услови, неговата реализација треба да биде поддржана како инвестиција од национален интерес. Тоа би значело нови работни места, поголеми приходи за локалната економија, подобар животен стандард и реална можност повеќе млади луѓе да ја гледаат својата иднина во Македонија, наместо надвор од неа. Во спротивно, ризикуваме повторно да ја пропуштиме шансата за значајна инвестиција и економски развој, додека другите земји во регионот ги користат своите природни ресурси за да создадат нови можности за своите граѓани.

Соопштение на „И Здравје и Работа“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Евакуирани се 400 туристи поради пожар во Италија, акцијата е во тек (ВИДЕО)

Италијанската крајбрежна стража денеска објави дека евакуирале повеќе од 400 луѓе по море поради пожар во општината Пешичи во регионот Апулија во јужна Италија.

Евакуирани се 400 туристи поради пожар во Италија, акцијата е во тек (ВИДЕО)

„Досега, повеќе од 400 туристи и капачи се евакуирани по море, што е единствениот можен начин за евакуација“, објави крајбрежната стража на каналот WhatsApp во недела попладне. Портпарол на крајбрежната стража изјави за АФП дека се очекува евакуација на уште приближно 300 луѓе.

„Ситуацијата моментално е под контрола“

„Операциите сè уште се во тек и вклучуваат шест брода на крајбрежната стража, три брода на царинската стража, како и десетина приватни бродови кои се користат за превоз на патници и обезбедување поддршка на спасувачките операции“, се додава во соопштението.

На фотографиите се прикажани противпожарни возила и противпожарна гарда како се борат со овој пожар, кој моментално не ги загрозува домовите, но облакот од чад може да се види од растојание од неколку десетици километри. „Чекаме пристигнување на Канаѓани од Рим. Ситуацијата моментално е под контрола“, изјави градоначалникот на Пешичи, Луиџи д'Аренцо, за локалниот весник „Ла Газета дел Мецоџорно“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Убиен е терористот од Берлин- го издале неговите најблиски

Абдул Балут (27), осомничен за извршување на терористички напад на Парадата на гордоста во Берлин синоќа, беше убиен денес во полициска операција во тој град.

Убиен е терористот од Берлин- го издале неговите најблиски

Абдул Балут (27), осомничен за извршување на терористички напад на Парадата на гордоста во Берлин синоќа, беше убиен денес во полициска операција во тој град, откако луѓе од неговиот најблизок круг наводно ѝ кажале на полицијата каде се крие!

Балут е убиен во берлинскиот кварт Шпандау, во градинарска куќа која наводно му припаѓа на неговиот татко.

Според Билд, Балут наводно нападнал полицајци со нож за време на операцијата. Потоа полицијата отворила оган. 21-годишникот бил погоден и починал од повредите во 18:34 часот.

Сведоци изјавиле дека за време на рацијата во градинарската куќа, слушнале два рафали, секој со четири истрели, со разлика од неколку минути.

Според Билд, полицијата го пронашла Балут благодарение на информации од неговата лична околина.

За потсетување, Балут беше обвинет дека возел бел комби „Цитроен“ низ паркот Тиергартен синоќа на крајот од Берлинската парада на гордоста. Една жена беше убиена, а 29 лица беа повредени, некои сериозно.

Наводно, тој излегол од возилото по нападот и почнал да ги сече луѓето со мачета, пред да избега. Полицијата го бара од синоќа.

Како што претходно објавивме, Балут претходно ѝ бил познат на полицијата за бројни кривични дела, а неодамна бил под „надзор“ поради сомнение за поддршка на Исламска држава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер