Со вкупно 120.140 смртни случаи (од 1.344.117 потврдени заразени лица), Европа е континентот најтешко погоден од пандемијата „Ковид-19“, во која што загинаа 197.871 луѓе ширум светот, според Универзитетската болница „Џон Хопкинс“.
Италија е прва според несреќниот биланс во Европа со 25.969 смртни случаи.
Шпанија е втора во Европа со 22.902 смртни случаи. Следува Франција со 22.245 мртви, додека Велика Британија има 19.506 жртви.
Со 51.949 смртни случаи, Соединетите држави се земјата со најголем број жртви на Ковид-19 во светот , според податоците на Џон Хопкинс до 15 часот попладнево.
Според истиот извор имало 905.333 заразени во САД.
Во целиот свет, 2.826.904 се заразени со Ковид-19 до денес во 15 часот, според истиот извор.