Сточарите во земјава велат изминативе години има заинтересираност, но јагнето не се купува како порано. Резултат за тоа се и повисоките цени. Годинава јагнето се продава по цена од околу 230 денари за килограм жива мера, додека пред некоја година, цената се движеше од 150 до 170 денари.
„80 до 100 евра цело јагне да е над 25 кила, жива мера.... Јас како производител на сирење ја подобро имам рачун да одам на сирење него на јагне. И јас ги продавам мали, некој што не прозиведува сирење, ги чува и поголеми, ама тие поголемите не ги сакаат и не може на пример, 30 кила јагне еден македонец не може со оваа плата да го земе за 100 евра. “--изјави Скендер Аме – Здружение на сточари Даши – Дебар.
Од дебарското здружение на сточари Даши велат околу 70 % од македонските јагниња веќе завршиле на странскиот пазар.
Извозот, во пресрет на католичкиот велигден, и оваа како и претходните години, е главно на италијанскиот пазар. Сточарите, велат ќе остане и по некое јагне за православниот Велигден, но цената сега и тогаш нема да биде иста.
„До сега, за овој католичкиот празник, се продаваше по 230 денари за живо јагне. Цената за велгиденскиот празник секогаш е поголема од католичкиот, затоа што, во велигеднскиот има и луѓе што земаат директно од фарма.“ --изјави Скендер Аме – Здружение на сточари Даши – Дебар.
Јагнешко месо има и по месарите. Цената во моментов се движи од 600 до 650 денари за килограм, но месарите велат секоја година пред велигденските празници традиционално цената на јагнешкото месо расте, па така и годинава очекуваат килограм да достигне и 700 до 800 денари.
Граѓаните кои ги анкетиравме велат не само јагнешкото туку секое месо е скапо, но еднаш во годината можеби и ќе може да си дозволат по некое кило јагнешко.