Од 3 октомври во Драмски театар започнува регионалниот театарски фестивал „РУТА“ - Канал 5

Култура

Од 3 октомври во Драмски театар започнува регионалниот театарски фестивал „РУТА“

Унијата претставува, за секој од нас посебно, еден пресек на вкупните театарски состојби на просторите од поранешна Југославија.

Од 3 октомври во Драмски театар започнува регионалниот театарски фестивал „РУТА“

Во Драмски театар од 3 до 8 октомври ќе се одржи театарскиот фестивал „РУТА“, кој претставува Регионална унија на театри, составена од шесте театарски куќи од регионот, МГЛ Љубљана, Театарот Улисис, Загреб, Камерен театар 55 од Сараево, Градски театар од Подгорица, Драмски театар од Скопје и Белградско драмско позориште.

-Унијата претставува, за секој од нас посебно, еден пресек на вкупните театарски состојби на просторите од поранешна Југославија. Тоа нас како театарска куќа ни дава можност да ја спроведуваме нашата креативна енергија, да правиме споредби до каде се другите, а до каде сме ние во однос на нив, но она што е најважно е дека се отвораат вратите за нашите уметници, за нашите креативци, на простори кои што се повеќе од територијата на Република Македонија, рече на прес-конференцијата одржана во Драмскиот театар, актерката Софија Куновска.

Во текот на една календарска година ќе се одржат 6 фестивали во сите земји-членки на унијата. Секој театар може да настапи со претстава по сопствен избор. Фестивалот има ревијален карактер и една од целите е во текот на годината да се задржи континуираното присуство на овие театри пред домашната публика.

Фестивалот ќе биде отворен на 3 октомври со премиерна изведба на претставата „Фирма“, во продукција на НУ Драмски театар - Скопје, во режија на Нела Витошевиќ, потоа на 4 октомври ќе се одигра претставата „Декамерон“ - Градско позориште Подгорица, Црна Гора, во режија на Дејан Пројковски, ден потоа претставата „Нора“ - Местно гледалишче Љубљана, Словенија, во режија на Нела Витошевиќ, на 6 октомври „Син“ - Камерни театар 55, Босна и Херцеговина, па „Самрак на боговите“ - Београдско драмско позориште, Србија, во режија на Јагош Марковиќ и за крај на 8 октомври фестивалот ќе биде затворен со претставата „Отело“, во продукција на Театар Улисис, Хрватска, во режија на Оксана Дмитриева.

-Сите претстави имаат еден заеднички именител, а тоа е потребата да се потсетува одново и одново на состојби и случувања кои никогаш не треба да бидат заборавени. Одново и одново треба да се потсетуваме на ужасот на фашизмот и нацизмот, одново и одново треба да бидеме разумни за позицијата на жената во општеството, да се потрудиме да ги почитуваме нашите деца како да израснале во здрави личности, да ја победиме осаменоста која е производ на капитализмот. Тематики и наративи кои реферираат на состојби денес и сега и кои се провлекуваат како состојби од минатото. Овие состојби упорно се провлекуваат низ времето, а ние треба да бидеме уште поупорни посочувајќи со прст на нив, бидејќи театарот мора да биде место каде што треба да се проовори, да се дејствува, да се постави прашање, рече в.д. директорката на Драмскиот театар, Викторија Рангелова Петровска.

Билетите ќе се продаваат по цена од 1000 и 1200 денари, во зависност од местоположбата на седиштето. Според програмата на фестивалот, секоја од вечерите, претставите ќе започнуваат од 20:00 часот. После секоја претстава, вели Рангелова Петровска, ќе се организираат округли маси, кои ќе бидат отворени за јавноста, каде што публиката ќе има можност да се запознае со актерската екипа, да се поставуваат прашања и да се отвори дискусија за претставата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Запросување на врвот на Емпаер Стејт Билдинг (ВИДЕО)

Една смела двојка се искачи на врвот на зградата „Емпаер стејт билдинг“ и развиори транспарент на врвот од нејзината кула во среда попладне.

Запросување на врвот на Емпаер Стејт Билдинг (ВИДЕО)

Анџела Николау и Иван Беркус, кои стекнаа онлајн следбеници поради нивните искачувања на облакодери низ целиот свет што, останаа на врвот на облакодерот неколку минути додека камерите го снимаа настанот пред да се спуштат, изјавија полициски извори за „ABC News“.

Потоа, како што изгледа, Биркус ѝ предложил брак на својата долгогодишна девојка пред да бидат приведени.

Црниот транспарент се повикува на цитат од Џими Хендрикс и со бели букви пишувало: „Кога моќта на љубовта ја победува љубовта кон моќта, светот го познава мирот“.

Испратен е хеликоптер од њујоршката полиција, а платформата за набљудување на зградата била испразнета од посетители кога пристигнала полицијата.

Извор: ABCnews

Тагови: Емпаер Стејт Билдинг запросување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер