Балкан

Оценувањето на наставниците во Хрватска нема да почне на 1 јануари

Министерот за наука, образование и млади на Хрватска Радован Фукс изјави дека оценувањето на вработените во образовниот систем, против кое протестираа синдикатите, нема да почне на 1 јануари.

Министерот за наука, образование и млади на Хрватска Радован Фукс изјави дека оценувањето на вработените во образовниот систем, против кое протестираа синдикатите, нема да почне на 1 јануари, бидејќи се уште не се донесени потребните прописи.

„Адвентниот протест“ што во саботата во центарот на Загреб го организираа три од четирите синдикати вработени во науката и образованието, се одржа две недели пред стапувањето во сила на Правилникот за оценување на вработените во јавните служби.

Фукс за ХРТ изјави дека се погрешни информациите дека оценувањето почнува на 1 јануари. Имено, како што рече, за да може да се примени регулативата, надлежните министерства треба да донесат прописи врз основа на кои ќе се врши евалуација во одделни сегменти.

- Сè додека не се донесат овие прописи, оценувањето во училиштата не може ни да почне, рече Фукс и додаде дека „се работи на тие прописи“.

Фукс рече дека ќе продолжат да разговараат на темата и дека има уште доста време да се изјаснат што ќе прават со оценувањето.

Во организација на Синдикатот на науки, Училишниот синдикат „Препород“ и Независниот синдикат на вратените во средните училишта во саботата во Загреб се одржа протест поради незадоволството од новиот Закон за плати и системот за оценување што треба да стапи во сила во јавните служби од 1 јануари.

Собирот на демонстрантите на „Адвентскиот протест против оценувањето и неправедните коефициенти“ почна на плоштадот Република Хрватска, од каде што поворката се упати кон плоштадот Бан Јелачиќ.

Многумина демонстранти го изразија своето незадоволство со свирежи, синдикални знамиња и транспаренти како: „Коефициентите се неправедни, бараме промени“, „АП драго мое, наставниците би сакале малку од твојата плата“, „Без акција нема реакција“, „Оценување: Одмазда на лошите ученици со нивните професори“, „Коруптивната власт ја краде иднината“ и „Сè уништивте, но образованието не го даваме“.

Организаторите во пресрет на протестот рекоа дека е клучно да се укаже на нивното незадоволство за воопшто да има измени во Уредбата за коефициенти за пресметка на платите, а имаат три синдикални барања.

Првото е изземање од системот за евалуација или промена на целиот концепт, второто е елиминирање на отпуштањето како последица на оценување во јавните служби и третото е бришење на границата од 20 проценти за договарање додатоци преку колективни договори.

Покрај оценувањето, големо незадоволство кај членовите на синдикатот има и поради неправедно поставените коефициенти кои повторно ги позиционираат вработените во образованието и науката во втор план во однос на другите делови од јавниот сектор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

МЗ: Комисијата за имунизација донесе заклучок за времено одложување на имунизацијата со вакцина БСЖ

Во однос на информациите од хрватските медиуми за несакани реакции од вакцина БСЖ, веднаш заседаваше Комисијата за имунизација во рамки на Министерството за здравство.

Имајќи предвид дека станува збор за ист производител, веднаш е контактирана Агенцијата за лекови и медицински средства (МАЛМЕД) и се побарани информации за сериите на вакцини што се користат во нашата држава.

Потенцираме дека имунизацијата со оваа вакцина во нашата држава е задолжителна имајќи предвид дека земјата е со висок ризик од туберкулоза.

Во моментот, на Институтот за ТБЦ има 95 пациенти со туберкулоза од кои 83 се од годинава, а во Детската болница Козле во 2025 се евидентирани 15 случаи, а во 2026 се евидентирани 12 нови случаи.

Врз основа на наведеното, Комисијата за имунизација донесе заклучок за времено одложување на имунизацијата со оваа вакцина до добивање комплетни информации во однос на сериите, нивниот квалитет и асоцираноста со појавата на несакани реакции.

Воедно, потенцираме дека во изминатите десет години до МАЛМЕД е пристигната само една пријава за сомнеж на несакана реакција од БСЖ вакцина (во август 2022 година), која се однесувала на појава на апцес на местото на апликација на вакцината, што како реакција е опишано во упатството за употреба на вакцината,стои во соопштението од Министерсвото за здравство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече „српската Шакира“

„Српската Шакира“ се соблече во супер минијатурни бикини.

Раперката Диа Костиќ важи за една од дамите со најатрактивна фигура насрпската јавна сцена, а сега се појавија и жешки фотографии од нејзиниот одмор.

Атрактивната русокоса на фотките позира на тераса во минијатурно бикини со интересен дезен, истакнувајќи ја својата извајана фигура во прв план.

Посебно внимание кај фановите предизвикал нејзиниот раскошен задникот, како и тесниот струк и долгите нозе.

Диа позира пред луксузниот хотелски комплекс и базенот, а нејзиниот изглед дефинитивно не помина незабележано.

Во опуштено издание, со брановидна руса коса и минимален накит, Костиќ уште еднаш покажа зошто привлекува големо внимание каде и да се појави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Светска банка му ја избриша таблата на Мицкоски, не сме трета економија туку една третина од Европа

Арамијата денеска седнува на извештај што сам не би го нарачал. „Македонија: излез од стапицата на среден доход“.

Светска банка не му честита. Му вели дека земјата со години стои во истата категорија.

БДП по жител е околу една третина од просекот на Европската Унија. Не трета економија. Третина од стандардот.

Новите работни места се во ниска продуктивност и ниска плата. Дијаспората е над половина милион.

Што ќе црта сега? Бајката „трети во Европа“, пропадна. Најбрз раст, падна. Пензии 16 пати повеке, падна.

Фон дер Лајен му ја зеде лагата за идентитетот. Македонскиот јазик и културата се заштитени. Преспанскиот договор го нарече самиот ремек-дело. Сиљановска потврди дека идентитетот е заштитен. Тоа го зачува претходната влада.

Не тој.

Нема сега каде да бега. Веќе призна дека во буџетот фали милијарда евра. Потпиша нови 1,3 милијарди евра за нови долгови. За две години ги задолжи граѓаните за 4 милијарди евра. Повеќе од половина од долгот од независноста.

Сега му треба алиби за избори. Не реформи. Излез.

Затоа дефокус. Руска партија на далечински. Платформа за 1,6 милиони. Гета замина со 5,53 милиони народни. Нема друга бина. Мора да се обвини претходната влада.

Народот не вели за џабе: лагите имаат кратки нозе. И кој лаже, тој и краде.

Затоа бега од ЕУ. Затоа што бега од европско обвинителство и од Лаура Ковеши.

Затоа се кара со Бугарија пред да се седне на разговор.

Арамијата разговара. Не преговара. Изолацијата му одговара. Таа му носи слобода и луксуз.

А авионот? Останаа ли пари во буџетот, или и тој ќе се црта на табла, да ни објасни како го болат колената од клечење.

Нема бегање. Таблата е празна. Касата е празна.

Време е арамијата да им положи сметка на граѓаните - за нивните пари и нивните интереси.

Скопје, 06.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.