Обвинителство бара укинување на куќниот и определување ефективен притвор за Васев - Канал 5

Обвинителство бара укинување на куќниот и определување ефективен притвор за Васев

Обвинителство бара укинување на куќниот и определување ефективен притвор, додека поранешниот директор на „Онкологија“ Васев бара да се брани од слобода 

Обвинителство бара укинување на куќниот и определување ефективен притвор за Васев

Во Апелациониот суд во Скопје денеска се одржа јавна седница по жалбите на мерката „куќен притвор“ за поранешниот директор на Клиниката за онкологија Нино Васев за случајот „Онкологија“. Обвинителството побара укинување на куќниот и определување ефективен притвор, додека Васев побара од судот да се брани од слобода.

Судијката Весна Димишкова, образложувајќи го предметот рече дека основниот суд одредил мерка куќен притвор во траење од 30 дена ценејќи дека присуството на обвинетиот може да се обезбеди со мерка куќен притвор со оглед дека е пензионер на 64 години, имотен, татко на две деца и досега неосудуван.

Јавната обвинителка Фатиме Фетаи, објаснувајќи го предлогот за ефективен притвор рече дека ставот на Вишото јавно обвинителство Скопје е дека во оваа фаза на постапката имајќи ги превдид сите околности поврзани со кривичните дела кои му се ставаат на товар на осомничениот мерката притвор единствено претставува доволна гаранција за обезбедување присуство на Нино Васев и успешно спроведување на кривичната постапка.

-Степенот на сомневање е на повисоко ниво, па и очекувањата на Обвинителството се осудителна пресуда за повеќе сериозни кривични дела кои му стојат како закана. Но, и интензитетот и времетраењето, како и сензитивитот на конкретните дејствија, рече Фетаи.

Од овие причини сметаме дека жалбата на Обвинителството треба да се уважи и жалбата на одбраната да се отфрли како неоснивана.

Нино Васев, пред судот рече дека бара чесно судење и да се брани од слобода.

-Бараме чесно судење и укинување на мерката за обезбедување достапност. Сакаме да се браниме од слобода, рече Васев.

Неговиот бранител, адвокат Никола Ставрев, рече дека барале јавна седнциа, со цел и судот непосредно да се запознае со предметот што се води против осомничениот.

- Уште од самиот момент кога излезе аферата, осомничениот се даде во целосна соработка и истрагата што се води. Со таа цел присуствуваше и на анкетната комисија во Собрание и даде исказ за неоснованите обвиненија за кои се става на тапет. Активно учествуваше и во истражната постапка и даде два искази и одбранатa самата обезбедуваше докази. Обвинетиот е запознаен со истрагата и истиот е цело време свесен за делата што му се ставаат на товар и да имал намера ќе се дадел во бегство, рече Ставрев.

Количината на доказен материјал што се става како отежнителната околност, според Ставрев, не може да биде основа за причина за определување мерка притвор, нагласувајќи дека нема доказна вредност и е собран од лица кои учествувале во изработката на економското вештачење од лицето Елизабета Дамевска, која во исто време со осомничениот била втор економски директор.

-Сметам дека е неоснован и незаконски предлогот на Обвинителството. Судот особено да го има вo предвид неговото досегашно однесување и статусот што го има, изјави Ставрев.

За предметот „Онкологија“, Основното јавно обвинителство поднесе две обвиненија со кои се опфатени двајцата поранешни директори на Клиниката и четворица доктори онколози. Поранешниот директор на Клиниката за онкологија Нино Васев е обвинет „за злоупотреба на службената положба“, „измама во службата“ и „проневера во службата“. Повеќето од дејствијата, како што информира тогаш на прес-конференција предметната обвинителка Ана Гоговска Јакимовска, првообвинетиот Васев во својство на службено лице директор и второобвинетиот организациски директор, ги извршиле во соизвршителство во временски период од 2018 до 2022 година.

-Кривичното дело „Злоупотреба на службената положба“ го извршиле со пречекорување на границите на своето службено областување и не ја извршиле својата службена должност во постапките за набавка на лекови, постапувајќи спротивно на Законот за здравствена заштита, Законот за здравствено осигурување, статутот на Клиниката, Законот за буџетите и Законот за јавни набавки, рече Гоговска Јакимовска.

Двајцата се обвинети за продолжено кривично дело „Измама во службата“, така што во вршење на својата службена должност со намера за друг да прибават противправна имотна корист, создале противправна обврска и го довеле во заблуда Фондот за здравствено осигурување (ФЗО) да изврши незаконита исплата. На тој начин, Гоговска Јакимовска рече задобувачите на лекови прибавиле значителна корист во износ од над 430 милиони денари.

Со ваквите дејствија, обвинителката посочи дека тие прибавиле значителна имотна корист за друг и нанеле штета на државниот Буџет во вкупен износ од над 2,2 милијарди денари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонските реформи препознаени на регионално ниво: Министерството за јавна администрација меѓу наградените на ОЕЦД-СИГМА и РеСПА за 2026 година

Министерството за јавна администрација доби специјално признание во рамки на Наградите за јавна администрација за 2026 година (Public Administration Awards 2026), доделени во Белград.

Македонските реформи препознаени на регионално ниво: Министерството за јавна администрација меѓу наградените на ОЕЦД-СИГМА и РеСПА за 2026 година

Министерството за јавна администрација доби специјално признание во рамки на Наградите за јавна администрација за 2026 година (Public Administration Awards 2026), доделени во Белград, во организација на Регионалното училиште за јавна администрација - ReSPA и ОЕЦД-СИГМА, за проектот „PAR Connect – Дигитална платформа за следење на реформата на јавната администрација“.

Ова признание претставува значајна регионална афирмација на реформските заложби на Министерството и потврда дека институционалните иновации, дигитализацијата и систематскиот пристап кон управувањето со реформските процеси се препознаваат како важни двигатели на модерната јавна администрација.

Наградената ИТ-алатка претставува дигитално решение за следење на спроведувањето на Стратегијата за реформа на јавната администрација, кое овозможува поврзување на институциите, централизирано следење на реформските активности и навремен увид во степенот на реализација на преземените обврски. Преку неа се опфатени околу 40 институции и речиси 200 реформски активности, со можност за следење во реално време, подобра координација и поефикасно известување за напредокот на реформите.

Посебната вредност на ова решение е во тоа што реформскиот процес го прави посистематичен, потранспарентен и поодговорен. Наместо реформите да останат само збир на стратешки определби и институционални обврски, алатката овозможува нивно континуирано следење, идентификување на предизвиците и создавање основа за навремено преземање соодветни мерки. На тој начин, дигиталната технологија се става во функција на подобро институционално управување и мерлив реформски напредок.

Дополнителна вредност на ИТ алатката е нејзиниот потенцијал за поширока институционална примена.

Конкретен пример за тоа се Министерството за дигитална трансформација и Управата за јавни приходи, кои врз основа на склучени меморандуми за соработка, ја презедоа ИТ алатката и се во фаза на нејзина адаптација за следење на сопствените стратешки документи и акциски планови.

Овогодинешните награди за јавна администрација бележат исклучително голем интерес, со повеќе од 100 пристигнати апликации од институции од Западен Балкан и Источното соседство. Во рамки на категоријата специјални признанија, проектот на Министерството за јавна администрација е издвоен меѓу практиките што демонстрираат иновативност, институционална применливост и потенцијал за унапредување на јавниот сектор.

Признанието добива дополнителна тежина имајќи предвид дека станува збор за регионална иницијатива која ги афирмира успешните реформски практики, поттикнува размена на знаења и искуства и создава простор за пренесување на иновативни решенија меѓу јавните администрации.

За Министерството за јавна администрација, ова признание е поттик и обврска реформските процеси да продолжат со уште посилна динамика, со јасна насоченост кон резултати, институционална одговорност и квалитетни јавни услуги.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мајка пријавила дека две малолетнички ја нападнале и ја гореле со цигара нејзината ќерка во Кавадарци

Мајка од Кавадарци пријавила во полиција дека две малолетнички ја нападнале нејзината малолетна ќерка на улицата „Сремски фронт“.

Мајка пријавила дека две малолетнички ја нападнале и ја гореле со цигара нејзината ќерка во Кавадарци

Според пријавата, едната ја држела, а другата ја горела со цигара, соопшти СВР Велес.

Според полицијата, нападот бил пријавен на 18 ноември во 22:30 часот во одделението за внатрешни работи во кавадарци, а се случил два дена претходно, на 16 ноември.

За случајот се известени јавен обвинител и центарот за социјални работи во Кавадарци. полицијата презема мерки за расчистување на случајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Путин пред медиумите за средбата со Трамп и Си

Претседателот на Русија, Владимир Путин им се обрати на медиумите по трилатералната средба со американскиот претседател Доналд Трамп и кинескиот претседател Си Џинпинг.

Путин пред медиумите за средбата со Трамп и Си

Рускиот лидер истакна дека би сакал трилатералните средби со лидерите на Кина и на Соединетите Држави да продолжат, оценувајќи ја денешната средба како нова страница во историјата. Тој исто така рече дека трилатералната средба, одржана во Шенжен на маргините на самитот на АПЕК, била многу корисна, а дискусијата – слободна и искрена.

По протоколарниот дел од трилатералната средба започна слободна размена на мислења, изјави Путин, додавајќи дека со лидерите на САД и на Кина, Трамп и Си, разговарал и за можната реформа на Обединетите нации.

Путин се осврна и на внатрешнополитичката ситуација во Соединетите Држави, наведувајќи дека таа е сложена, со многубројни противтежи и механизми за одржување на рамнотежата на политичката моќ. На средбата, исто така, се разговараше за прашања поврзани со обезбедувањето слободна пловидба, рече Путин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер