Македонија

Обвинителен акт за 12 лица за злоупотреби со ваучер системот во спортот

По повеќе од 1 година Основното јавно обвинителство, постапувајќи по иницијативата од тогашниот состав на ДКСК поднесе обвинение против 12 лица околу распределабата на ваучери во Агенцијата за млади и спорт. 

Се товарат за злоупотреба на службената положба и несовесно работење. Обвинителството побара и мерки на претпазливост.

„Постапувајќи по поднесената иницјатива од ДКСК надлежниот јавен обвинител поднел обвинителен предлог против 12 лица за кривични дела – Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост. “-ЈОРМ

Засега од обивнителството не откриваат повеќе информации околу дејствијата што им се ставаат на товар на лицата, ниту пак нивниот идентитет. Со оглед дека се работи за обвинителен предлог, предметот ќе оди пред судот по скратена постапка.

Кога ја поведоа иницатива од антикорупциска лани во февруари, побараа кривично гонење на тогашниот директор на агенцијата Наумче Мојовски и членовите на Централната комисија поради сомнежи за злоупотреби на ваучер системот на финанасирање фондации и спортски клубови во периодот од 2020 – 2022 година..

„Според анализите некаде околу 1 милијарда денари годишно се трошат за спорот, по разни осонови дали преку даночно ослободување, или преку ваучери, или преку програмта 20 – 40, или преку игри на среќа итн итн... големи средства се трошат меѓутоа цениме дека агенцијата за млади и спорт нема никаква отчетност за тоа како ги доделува овие средства, како се трошат и на кој начин бидејќи сепак се работи за буџетски пари. “-Поранешен член на ДКСК Владимир Георгиев

Лани за онјалн платформата „Самопрашај“ сведоштво за тоа како фукнционирал ваучер системот имаше и претседателката на РК Металург, Зорица Блажевска, која тогаш посочи дека наместо добро, овој систем го покажал „грдото лица на спортот“. Раскажа како преку посреднии им биле барани и до 50% од парите што ги добивале од фирмите за да ги реализираат ваучерите..

„Процентот на оние „процент посредувачи“ достигна и до 50 %. Значи 50 посто за клубот, 50 % за фирмата. Грабеж односно мито, корупција, се она што е најлошо што може да му се случи на едно општество се содржеше во тие 50 %. “-Зорица Блажевска - Претседателка на РК „Металург“

Ваучер системот кој беше воведен во 2018 година за финансирање на спортот се најавуваше како систем токму за заштита од финансиски малверзации. Тој подразбира сумата која му е одредена на клубот или федерацијата да може да се реализира преку компнаија која остварила добивка, а за возврат фирмите кои го пмогале спортото да добијат даночно олеснување.

Живот

10- годишно дете од САД си пресудило по малтретирањето на училиште-родителите 20 пати се жалеле

Десетгодишно момче од Индијана извршило самоубиство откако наводно било ужасно малтретирано на училиште, додека неговите родители тврдат дека 20 пати се пожалиле во училиштето.

Семи Теус се самоубил на 5 мај, а според неговото семејство бил малтретиран до ноќта пред смртта.

Неговите родители Сем и Никол тврдат дека момчето било физички и психички малтретирано на училиште, а наводно неодамна го претепале во училишниот автобус.

Малтретирањето започнало минатата година кога тој се префрлил во училиштето, пишува Дејли Мејл.

Според семејството, Сем 20 пати им кажал на наставниците и на другите вработени во училиштето за злоупотребата.

„Најпрвин го исмејуваа поради очилата, потоа поради забите. Тоа траеше долго. “, рече таткото на Семи.

Злоставувањето потоа станало физичко.

„Го претепаа во автобус, децата му ги скршија очилата. Се јавив во училиштето, ги прашав што ќе прават во врска со тоа, стануваше сѐ полошо и полошо“, рекол таткото.

Според него, училиштето знаело што се случува, а злоупотребата низ училиштето и во автобусот се проширила на социјалните мрежи.

Училиштето соопштило дека неговите родители ја пријавиле смртта како самоубиство и ги истражуваат тврдењата за злоупотреба.

Истрагата продолжува.

Регион

Скандалозен исказ на таткото, кој ги држел своите деца како заложници и пукал со калашников

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција.

Алекс Марку (40), кој ноќта меѓу вторникот и средата во Драч со часови ги држеше како заложници во станот своите две мали деца, додека пукаше со калашников, дал изјава во полиција и тврди дека направил сѐ за „да ги заштити децата од љубовник на жената“, објави Политико.

Марку рекол дека имал проблеми со сопругата и дека, како што тврди, таа нашла друг маж.

Таткото, кој испукал најмалку 18 истрели во станот и од балконот во Драч, тврдел дека ги зел децата „за да ги држи подалеку од момчето на жената“. Потоа, како што тврди таткото, „новиот дечко на неговата сопруга дошол да го нападне“.

Потоа, како што рече, со калашников излегол на терасата.

„Четири дена бев во стан на плажа со моите деца и сѐ беше супер. Жена ми побегна во Италија и малку се каравме. Последен пат кога се скаравме, таа отпатува за Италија и јас ги зедов децата и дојдовме во Драч.“

Марку рекол дека сѐ ескалирало кога „љубовникот дошол кај него“.

„И тогаш нејзиниот љубовник доаѓа да ме нападне во куќата и затоа пукав. Не сакав да има врска со децата. Го однесов детето на тераса кога пукав, па можеше да види дека никогаш не сум бил насилен кон децата“, тврди таткото, кој беше уапсен вчераутро по неколкучасовни преговори.

Медиумите јавуваат дека децата, кои биле извлечени неповредени од станот, сега се со својата мајка и го напуштиле Драч.

Не се знае со каква казна се соочува таткото.

Живот

Аеродромски работник падна од авион- му се лизнаа скалилата кога сакал да излезе (ВИДЕО)

Еден од работниците на аеродромот во Џакарта паднал од паркиран авион.

Скалите со помош на кои требало да го напушти леталото се лизнале непосредно пред да излезе, а бидејќи не забележал – паднал на земја.

Инцидентот, наводно, се случил на аеродромот во главниот град на Индонезија, Џакарта (CGK), кога еден од аеродромските работници излегувал од Airbus A320 (PK-TLB) на TransNus (8B), објави Aviation24. Видео кое кружи на социјалните мрежи јасно покажува како работниците на аеродромот ги отстрануваат скалите за качување/симнување додека човекот го напушта авионот.

Без поддршка на левата нога, работникот испаднал од авионот и завршил на земја.

Иако не се знае многу за здравствената состојба на работникот, голем број на специјализирани воздухопловни портали и профили на социјалните мрежи пишуваат дека тој скршил неколку коски и дека неговиот живот не е во опасност.Aviation24 јавува дека индонезиските власти започнале истрага за инцидентот.

Прагот на вратата на Ербас А320 е повеќе од три метри над земјата.

притисни ентер