Македонија

Обвинетиот Стојанче Јовановски сведочеше во судница, тврди дека бил наместен

Без да спомене физичко насилство и индиректно префрлајќи ја вината на Мартин Саздов дека и се заканувал и ја поттикнувал Ивана на самоубиство, Стојанче Јовановски го даде својот исказ пред судот.

Раскажа за дента кога таа и нивната шестгодишна ќерќа Катја починаа по пад од балкон од зградата каде живееле во Тафталиџе. Кога со Ивана и Мартин се упатиле кон судот додека биле во автомобилот, рече дека Мартин ја удрил и таа се онесвестила. Но за расправијата кај Кривичниот суд, за што во судница претходно беше презентирана снимка, кажа дека замавнал кон Ивана но не е сигурен дека ја удрил. Оттаму се упатиле кон училиштето од каде ја земале Катја.

-Мартин и кажа - види какво детенце имаш,нели ти е жал да го изгубиш. Јас да сум на твое место подобро би се убил отколку ова да го правам. Кога се качивме во станот ми се вратија мислите за тоа што ми ја подметнаа дрогата, Мартин негираше и ме влечеше со сила да излезам од станот. Се симнавме јас и Мартин а Ивана ми звонеше, не и се јавив па му звонеше на Мартин и му кажала да дигнам со камера. Се јавив беше со Катја во раце облечена во лилијаково џемперче. И викнав и тргнав кон влезот по што слушнав силен тресок, раскажа Стојанче и плачеше во судница секогаш кога го споменуваше детето.

Другарските односи со Мартин се нарушиле откако дознал дека имал врска со Ивана. Тврдеше пред судот и дека во една ситуација Мартин му вперил автоматска пушка и му се заканувал како и дека му подметнал дрога. Но раскажа поинаква верзија од онаа на обвинителството дека ја тепал и оставил Ивана на автопат при враќање од Штип.

-Ивана беше видно опијанета и забележав дека се допишува со Мартин. Ја запрев колата, таа негираше и излезе. Излегов и ѝ реков барем детето врати ми го. Таа рече нема да ти го вратам. Ја прескокна банкината и ми рече „не доаѓам со тебе, ќе си одам со друг“,--Стојанче Јовановски – Обвинет.

Обвинителката Адела Бојчевиќ вели дека во завршните зборови ќе го образложи психијатриското вештачење на Стојанче кое како што рече покажало дека тој има изразена манипулативност и тенденција на искривување на вистината во насока на себезаштита и префрлање на одговорност на други лица.

-Беше очекувано за мене како обвинител истиот да се стави во улога на жртва. Така да се прикаже на таков начин наместо во улога на сторител и е очигледен обид да се изгегне кривичната одговорност која му се става на товар наспроти сите материјални докази кои ги изведе Обвинителството,- изјави – Адела Бојчевиќ – Обвинител во ОЈО Скопје.

Вештак од Судска медицина кажа дека со обдукцијата на телото на Ивана се утврдени повреди на телото настанати десетина дена пред смрта. Анализите кај Стојанче покажале дека во телото имал кокаин и лекови за смирување.

За 28 април е закажано следното судско рочиште кога треба да се дадат завршните зборови за случајот.

Тагови: Тафталиџе

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Плутон го губи статусот на планета

Плутон беше една од деветте планети во Сончевиот систем во текот на 20-тиот век. Иако е откриен во 1930 година, за неговото постоење се претпоставувало и претходно.

На овој ден во 2006 година, Меѓународната астрономска унија го прекласификуваше Плутон само како џуџеста планета и го редефинираше бројот на планети во Сончевиот систем.

Плутон бил откриен во опсерваторија во Аризона. Клајд Томбо поминал една година во потрага по претпоставената деветта планета. Децении претходно, Персивал Ловел го предложил постоењето на деветта планета – која ја нарекол „Планета X“ – но не успеал да ја открие. По 14 месеци потрага, Томбо конечно го забележал големото небесно тело. Името му го дала Венеција Барни, млада девојка од Англија.

По откривањето на „Планета X“, таа предложила таа да го носи името на римскиот бог на подземниот свет. Нејзиниот дедо бил член на академската заедница, која го прифатила новото име, исто како и самиот Томбо. Дополнителна причина за изборот била тоа што првите две букви од името се совпаѓале со иницијалите на Персивал Ловел.

Планетата веднаш беше прифатена како деветта планета во Сончевиот систем, иако нејзиниот дијаметар изнесува само 2.377 километри – што ја прави помала од Земјината Месечина. Тоа беше значајно откритие, а Плутон стана симбол на мистериите во оддалечените предели на Сончевиот систем.

На почетокот на 21-от век, астрономите открија бројни објекти во Кајперовиот појас – регион од Сончевиот систем што се наоѓа зад орбитата на Нептун – од кои некои беа дури и поголеми од Плутон.

Ова откритие поттикна преиспитување на статусот на Плутон како планета. Ширум светот се водеа дебати за Плутон, кои кулминираа на 24 август 2006 година, за време на состанокот на Меѓународната астрономска унија во Прага. Таму беше утврдено дека планета е небесно тело што кружи околу Сонцето, поседува доволна маса за да добие сферичен облик и ја има „исчистено“ својата орбита од други објекти.

Плутон не го исполни овој последен критериум; следствено на тоа, тој беше прекласифициран во џуџеста планета, а од тој ден, Сончевиот систем официјално се состои од само осум планети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Младите до 16 години да не користат социјални мрежи- нов предлог закон во Нов Зеланд

Пратениците во парламентот во Нов Зеланд ќе го разгледува поднесениот предлог закон за забрана на користење социјални мрежи за помлади од 16 години.

Предлогот ќе ги обврзе платформите на социјалните мрежи да преземат разумни мерки за проверка на возраста на корисниците. Меѓу можните алатки се користење на веќе достапни податоци за корисничките сметки, технологија за препознавање лица и документи за дигитален идентитет.

За непочитување на обврските, платформите би можеле да бидат казнети со глоба до десет проценти од нивните глобални приходи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.