Обрван очекува поволен резултат на дуелот со Швајцарија - Канал 5

Ракомет

Обрван очекува поволен резултат на дуелот со Швајцарија

Селекторот на македонската ракометна репрезентација Ивица Обрван и покрај проблемите со повредени играчи очекува позитивен резултат на гостувањето во Швајцарија.

Обрван очекува поволен резултат на дуелот со Швајцарија
- По исцрпувачката сезона овие подготовки беа добредојдени. Работевме на тактика и да ја освежиме екипата. Потребно е да направиме поволен резултат со Швајцарија, а Португалија сега за сега не не интересира, ја пренесе МИА изјавата на Обрван на денешната прес-конференција.

Според него состојбата со повредените играчи е подобра. Филип Миркуловски изминативе денови работел иако е присутна болката уште од дуелот со Шпанија. Наумче Мојсовски последните 3-4 дена максимално тренира, но се чуствува паузата од трите недели без тренинг и тој ќе биде искористен онолку колку што ќе може да помогне. Голманот Борко Ристовски од вчера е со репрезентацијата, но тој изминативе денови мина долг пат, откако мораше во саботата да настапи за својата екипа Гумерсбах во последното коло од Бундес лигата.

Комплименти за играта на швајцарскиот национален состав искажа и капитенот Кирил Лазаров.

- Швајцарија е поквалитетен состав од Португалија и не очекува тешка работа за да дојдеме до победа. Но, ние не заостануваме зад нив, туку сме подобри и тимски и поединечно. Мораме да влеземе максимално концентрирани за да стигнеме до победа. Според најаваите во Цирих ќе има и околу 700-800 наши навивачи, што треба да биде мотив повеќе за нас, а воедно очекувам и победа на Шпанија против Португалија, истакна капитенот Кирил Лазаров.

Македонија в среда во Цирих го игра еден од клучните дуели за пласман на Европското првенство во Данска. Нашите ракометари за да обезбедат учество на ЕП треба да ја победат Швајцарија и потоа во недела Португалија во Скопје, а во меѓувреме Португалија дома да изгуби од светскиот првак Шпанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Падна снег на Пелистер

Првиот ден од есента освен пониски темепратури донесе и вистинска зимска слика на Пелистер.

Падна снег на Пелистер

Денеска на повисоките делови од планината заврна снег и врвовите за кратко време биле покриени со тенка снежна покривка.

Фотогграфиите беа објавени на официјалната страница на Националниот парк „Пелистер“ на фејсбук со појаснување дека на првиот ден на есента паднал снег на повисоките планински врвови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Трамп го прекина говорот поради Меланија – погледнете ја нејзината реакција!

Претседателот на САД, Доналд Трамп го прекина говорот пред генералното собрание на ОН  поради сопругата Меланија – погледнете ја нејзината реакција!

Видео: Трамп го прекина говорот поради Меланија – погледнете ја нејзината реакција!

Ги изненади сите на Генералното собрание на ОН, по што следуваше аплауз.

За време на вчерашниот говор пред Генералното собрание на ОН, американскиот претседател Доналд Трамп направи кратка пауза и јавно ѝ се заблагодари на првата дама на САД, Меланија Трамп, за нејзината хуманитарна работа, а потоа низ шега праша каде таа седи.

Трамп погледна низ салата и праша: „Каде е нашата прва дама? Таа е некаде овде.“ Откако накратко ја побара со поглед, американскиот претседател ѝ се заблагодари на првата дама и рече дека таа „напорно работела“, што беше проследено со аплауз и насмевки од присутните.

На видео објавено на социјалните мрежи, може да се види како Меланија се смешка и мавта. Американскиот претседател ја пофали првата дама на САД за нејзината улога во глобалната дипломатија, истакнувајќи го нејзиниот настап претходно оваа година пред Советот за безбедност на ОН.

Трамп изјави дека таа станала првата прва дама на САД што претседавала со седница на Советот за безбедност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Поранешниот припадник на ОВК Фадиљ Пушкољи приведен во Македонија

Поранешниот припадник на ОВК Фадиљ Пушкољи, синоќа бил приведен на Граничниот премин Блаце при влез од Косово во Македонија, а по разговор и испрашување од полицијата бил пуштен на слобода.

Поранешниот припадник на ОВК Фадиљ Пушкољи приведен во Македонија

Пушкољи бил приведен врз основа на потерница издадена од Србија, а за приведувањето информираше и самиот Пушкољи преку својот профил на фејсбук. Тој тврдеше дека постапката против него била поврзана со неговото поранешно членство во ОВК и побара реакција и помош од институциите во Косово.

Неколку часа подоцна Пушкољи повторно се огласи на социјалните мрежи и соопшти дека е пуштен на слобода по извршениот разговор и испрашувањето од македонската полиција.засега нема јавно објавено официјално соопштение од македонските надлежни институции со повеќе детали за правната основа за неговото приведување и причините поради кои потоа бил пуштен на слобода.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер