Обраќање на Христо Петрески до членовите на ДПМ и до јавноста - Канал 5

Култура

Обраќање на Христо Петрески до членовите на ДПМ и до јавноста

Новиот Деловник за работа на Изборното собрание на ДПМ беше донесен во мај 2022 година и првпат беше воведена жрепката и јавното броење на гласовите. 

Обраќање на Христо Петрески до членовите на ДПМ и до јавноста

Тоа беше моја идеја како тогашен претседател на Собранието на ДПМ, а за што се залагаше и тогашната претседателка на ДПМ Соња Стојменска – Елзесер, но тоа го прифатија и одобрија и сите други членови на Претседателството на ДПМ. Значи, ниту јас сакав да бидам избран на недемократски начин, ниту Стојменска-Елзесер и сите други членови на Претседателството сакаа да има било каква дамка при изборниот процес. Така треба да биде и годинава, бидејќи минатата година Изборното собрание траеше малку подолго, но се одвиваше на најдемократски и најтранспарентен начин.

Исто така, минатата година јас како претседател на Собранието благовремено го доставив и беше објавен Дневниот ред за Изборното собрание и од неговото објавување поминаа предвидените 45 дена според Статутот. Така треба да биде и годинава за да бидат информирани сите членови на ДПМ и да има време да се поднесат и разгледаат сите кандидатури и добро да се подготви вонредното Изборно собрание.

Средства за патни трошоци на сметката на ДПМ има. Сите членови од внатрешноста на Републиката кои ќе присуствуваат на вонредното Изборно собрание ќе ги добијат тие средства на своите сметки веднаш по завршувањето на Собранието.

Лично и јас и техничките секретари во изминатиот период се трудевме да имаме точни мејлови, телефонски броеви и адреси од членовите на ДПМ, но за жал до денес тој список не е конечен и дефинитивен, исто како и списокот на членови на ДПМ, каде имаше голем број починати членови, па дури и еден непримен а запишан член. Затоа, ги молам сите членови на ДПМ внимателно да го разгледаат списокот на членовите на ДПМ (објавен е на страницата њњњ.дпм-писатели.мк) и да укажат на сите пропусти во него. Списокот на членовите е најбитниот и за самиот изборен процес, зашто мора да гласаат најмалку третина членови според тој Список за Изборното собрание да биде легитимно.

Исто така, бидејќи не сум правник, а меѓу членовите на ДПМ има и правници, Ве молам да се изјасните кога точно треба да се одржи вонредното Изборно собрание, поради 45-те дена предвидени во Статутот од денот на закажувањето на Собранието и повикот за доставување кандидатури и нивно разгледување, за да биде изборниот процес законски валиден, легален, демократски и транспарентен.

Благодарам за сите добронамерни укажувања и залагања и јавно изјавувам дека во иднина треба да се донесе и нов Статут, каде јасно ќе се прецизира прашањето како да се постапува при евентуален случај на оставки во Претседателството, како што беше случај неодамна, мандатот на раководствата (кој порано беше две со можност за уште две години), а сега е четири години со можност за уште четири години, што е според мене предолг период.

Има и други нерешени дилеми и прашања, но сега е најбитно да се избере ново Раководство, кое тековно ќе ги разрешува тие и евентуално другите нови прашања.

Иако поднесов оставка, како се уште актуелен претседател на Друштвото на писателите на Македонија, сакам да Ве замолам за повеќе трпение, почит и достоинство кон Друштвото и кон сите негови членови. Се согласувам со барањата и укажувањата на Ивица Челиковиќ, Венко Андоновски, Зоран Пејковски, Мишел Павловски и другите.

Вчера техничката секретарка Лидија Размоска Тримовска се откажа од своето работно место во ДПМ поради притисоци. Јас сум во секојдневен контакт со претседателката на Собранието Кристина Николовска и помагам колку што знам и можам и се надевам дека барем таа ќе издржи до вонредното Изборно собрание.

А, Живко Гроздановски очигледно ја отвори Пандорината кутија, па излегоа на видело и на површината бројни аномалии од минатото, кога се примале некои членови усмено, без запазување на процедурата и знаење на Претседателството, па во списокот на членовите имаше и такви кои воопшто не биле примени. Но, тоа е минато и не може и не треба да се прави ревизија на членството. До мене како прв човек на ДПМ стигнуваа повеќе барања и тоа од највидни членови на Друштвото да се направи ревизија на членството, но јас тоа категорички го одбивав, зашто сите членови се рамноправни и не прифаќам никакви поделби на писатели и неписатели, млади и стари, писатели со титули и без титули, од Скопје и внатрешноста и слично.

Во ДПМ има бројни проблеми, а најголемиот е што Друштвото се уште, по 76 години постоење, нема имотен лист за просториите кои ги користи. Јас лично ја започнав таа процедура и речиси стигнав до самиот крај, но поради оставките на членовите на Претседателството и самиот дадов оставка.

Апелирам да престанат јавните и заткулисни притисоци, закани и уцени, поради кои и самиот поднесов оставка, зашто не се работи под притисоци, закани и уцени.

Секојдневно ми се јавуваат бројни членови кои изјавуваат дека во вакви тензични услови немаат намера ни да присуствуваат ни да гласаат на претстојното вонредно Изборно собрание. Не смее да се дозволи понатамошен антагонизам, цепење и делење на членството, поради што некои членови и не се кандидираат за раководните функции. Ако вака се продолжи - не сакам да верувам во најлошото сценарио, а тоа е распаѓање на постоечкото Друштво и негово повторно конституирање. Во Статутот има предвидено и таква клаузула - поранешните претседатели да реагираат во таков случај и да не дозволат тоа да се случи.

А, сега апелирам за толеранција, разумност и смиреност за да се запазат сите законски рокови и процедури.

Со поздрав, почит и благодарност,

Христо Петрески, актуелен претседател на ДПМ во оставка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ формираше „Task Force“ за поинтензивна и координирана борба против недозволената трговија со дрога

Недозволената трговија со дрога претставува една од најсериозните закани за општеството, која не ги загрозува само поединците, туку и семејствата, заедниците и иднината на младите генерации.

Директорот на БЈБ формираше „Task Force“ за поинтензивна и координирана борба против недозволената трговија со дрога

Денеска (30.06.2026) директорот на Бирото за јавна безбедност, Александар Јанев согласно своите законски надлежности, формираше Работен тим – Task Force, со цел уште поинтензивно, покоординирано и попрецизно детектирање, идентификување, документирање и разбивање на криминалните групи и поединци кои организирано или самостојно се занимаваат со недозволена трговија со дрога, без разлика дали дејствуваат на локално, регионално, национално или меѓународно ниво.

Со формирањето на овој специјализиран тим, борбата против недозволената трговија со дрога влегува во нова, поенергична и поодлучна фаза. Преку системски, координиран и професионален пристап, во функција се ставаат сите расположливи човечки, оперативни и технички капацитети на полицијата, со единствена цел – бескомпромисна пресметка со оваа форма на криминал.

Недозволената трговија со дрога претставува една од најсериозните закани за општеството, која не ги загрозува само поединците, туку и семејствата, заедниците и иднината на младите генерации.

Со овој модел на работа, надлежните служби ќе дејствуваат обединето, координирано и одлучно против секој поединец и секоја криминална група што го загрозува здравјето, безбедноста и иднината на граѓаните.

Воедно, Бирото за јавна безбедност ги повикува сите граѓани да бидат партнери во оваа борба, нагласувајќи дека секоја информација, сознание или пријава може да придонесе во спречувањето на ширењето на овој вид криминал и во создавањето побезбедна иднина.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седум лица се лишени од слобода од вкупно 11 пријави за семејно насилство во последното деноноќие

Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.

Седум лица се лишени од слобода од вкупно 11 пријави за семејно насилство во последното деноноќие

На 29.06.2026 во 19:30 часот во СВР Скопје, од Градската општа болница „8 Септември“ е пријавено дека 69-годишна жена кај нив пријавила дека била физички и психички малтретирана од нејзината ќерка.

На 29.06.2026 во 18:00 часот во СВР Скопје, 51-годишна жена пријави дека во домот во скопско била физички нападнат од нејзиниот вонбрачен сопруг А.Н..

На 29.06.2026 во 05:50 часот во Охрид, полициски службеници од СВР Охрид го лишија од слобода Н.Д.(34) од Охрид, постапувајќи по претходна пријава дека во семејниот дом во Охрид физички ја нападнал неговата партнерка.

На 30.06.2026 во 01:00 часот во Кичево, полициски службеници го лишија од слобода Т.С.(31) од Кичево, постапувајќи по претходна пријава дека агресивно се однесувал кон членови на неговото семејство и оштетил дел од покуќнината.

На 29.06.2026 во 15:00 часот во СВР Тетово, 51-годишна жена од Тетово пријавила дека околу 12:00 часот во семејната куќа, нејзиниот сопруг упатил закани на неа и нејзината ќерка, по што се обидел да ја запали куќата.

На 29.06.2026 во 19:30 часот, полициски службеници од ОВР Гостивар го лишија од слобода И.М.(51) од Гостивар, постапувајќи по претходна пријава од неговата 46-годишна сопруга дека околу 19:00 часот физички ја нападнал во семејниот дом. И.М. е задржан во Полициска станица Гостивар.

На 30.06.2026 во 05:30 часот во Гостивар, полициски службеници од ОВР Гостивар го лишија од слобода Х.Ќ., постапувајќи по претходна пријава од неговата 42 - годишна сопруга дека околу 04:00 часот со патничко возило ја скршил влезната врата од домот на нејзините родители, со тврд предмет скршил прозорец од куќата и физички ја нападнал. При извршени проверки, било констатирано дека е под дејство на алкохол, односно му биле измерени 1,70 промили алкохол во крвта.

На 29.06.2026 во 21:40 часот во СВР Куманово, 44- годишна жена од Куманово пријавила дека нејзиниот поранешен партнер Н.М. ѝ се заканувал.

На 30.06.2026 во 00:45 часот, полициски службеници од СВР Битола го лишија од слобода Е.А.(48) од Битола затоа што во семејниот дом во Битола физички ја нападнал неговата 26-годишна сопруга.

На 30.06.2026 во 01:10 часот на ул.„Беровска“ во Прилеп, полициски службеници од ОВР Прилеп го лишија од слобода А.А.(43) од Прилеп затоа што упатувал закани на неговиот татко.

На 29.06.2026 во 14:50 часот на Градскиот пазар во Битола, полициски службеници од СВР Битола го лишија од слобода О.В.(47) од с.Баница, струмичко, затоа што со дрвен предмет ја нападнал неговата сопруга.

Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.

Тагови: семејно насилство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Студиска посета на делегација на Собранието на Црна Гора во Собранието на Македонија

Во состав на црногорската делегација беа пратениците Јасмин Ќоровиќ и Јевросима Пејовиќ, како и претставници од Службата на Собранието на Црна Гора.

Студиска посета на делегација на Собранието на Црна Гора во Собранието на Македонија

Во Собранието на Република Македонија денеска се одржаа повеќе работни средби меѓу членовите на Меѓупартиската парламентарна група против корупција, Комисијата за деловнички и мандатно-имунитетни прашања и Комисијата за финансирање и буџет со делегација на Собранието на Црна Гора, која престојува во студиска посета на земјата.

Во состав на црногорската делегација беа пратениците Јасмин Ќоровиќ и Јевросима Пејовиќ, како и претставници од Службата на Собранието на Црна Гора, кои со своите домаќини разменија искуства и мислења за парламентарните практики, со акцент на механизмите за спречување на корупцијата и унапредувањето на парламентарниот надзор.

На средбата со претставниците на Меѓупартиската парламентарна група против корупција, копретседавачката Соња Мираковска, заедно со членовите Антонијо Милошоски, Славјанка Петровска и Фатмир Битиќи, ги претстави активностите и улогата на ова неформално парламентарно тело во Собранието. Мираковска истакна дека групата брои 51 член и функционира со двајца копретседавачи, со цел да се обезбеди широка меѓупартиска поддршка во борбата против корупцијата.

Претставниците на Собранието на Црна Гора информираа дека нивното соодветно парламентарно тело има формален статус, при што беше отворена дискусија за предностите и предизвиците на двата модели на функционирање, како и за можностите за понатамошно унапредување на меѓупарламентарната соработка.

Во рамките на студиската посета се одржа и средба со членовите на Комисијата за деловнички и мандатно-имунитетни прашања, на која присуствуваа претседателот на Комисијата, Миле Лефков, членката Калтрина Беќири и пратеникот Драган Недељковиќ. Средбата беше посветена на размена на искуства во областа на парламентарните процедури, примената на Деловникот и јакнењето на институционалниот интегритет.

Претседателот на Комисијата, Миле Лефков, ги запозна членовите на делегацијата со неодамна усвоениот Етички кодекс за пратениците во Собранието, при што ги образложи неговите основни принципи, целите и начинот на примена. Тој информираше дека во рок од 45 дена Собранието ќе формира работно тело задолжено за следење на неговата примена и почитување.

Претставниците на Собранието на Црна Гора го поздравија усвојувањето на Етичкиот кодекс, оценувајќи го како значаен чекор во насока на унапредување на парламентарните стандарди, транспарентноста и интегритетот на пратениците.

На средбата со членовите на Комисијата за финансирање и буџет, претседателката Сања Лукаревска, заедно со заменик-членовите Фериде Хаџиу и Мартин Стојановски, разменија мислења и искуства за улогата на парламентите во буџетскиот процес и во спречувањето на корупцијата.

Во фокусот на разговорите беа улогата на пратениците при донесувањето на Буџетот, препознавањето на ризиците од корупција во буџетскиот процес, постапката за донесување на Буџетот, како и соработката со Државниот завод за ревизија. Соговорниците разговараа и за разгледувањето на ревизорските извештаи, постапувањето по нивните наоди, како и за значењето на надзорните расправи и анкетните комисии во остварувањето на парламентарната контролна функција.

Претставниците на делегацијата на Собранието на Црна Гора ја истакнаа важната улога на парламентарните комисии во спроведувањето на антикорупциските политики, нагласувајќи дека успешната борба против корупцијата бара континуирана соработка меѓу сите релевантни институции и засегнати страни. Тие посочија дека усогласувањето на националното законодавство со законодавството на Европската Унија претставува еден од клучните приоритети во процесот на европската интеграција.

Пратениците од двете земји ја нагласија важноста од натамошно продлабочување на меѓупарламентарната соработка, оценувајќи дека ваквите средби придонесуваат за развојот на парламентаризмот, размена на искуства и добри практики, како и за зајакнување на пријателските односи меѓу двете земји.

Во текот на разговорите беше истакнато дека двете држави ги поврзуваат традиционално добрите билатерални односи и успешната соработка во повеќе области, особено во процесот на европските интеграции. Соговорниците оценија дека напредокот кон полноправно членство во Европската Унија претставува заеднички стратешки приоритет и предизвик.

На крајот од средбите беше заклучено дека ваквите форми на соработка треба да продолжат и во иднина со засилена динамика, со цел натамошно унапредување на парламентарната соработка, размена на добри практики и придонес кон демократскиот развој и просперитетот на двете пријателски земји.

Тагови: Македонија Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер