Обновен уште еден објект во Старата скопска чаршија - Канал 5

Култура

Обновен уште еден објект во Старата скопска чаршија

Во рамките на проектот на Министерството за култура за конзервација и реставрација на фасади во старите градски јадра, обновен е уште еден објект лоциран во Старата скопска чаршија.

Обновен уште еден објект во Старата скопска чаршија
Станува збор за објект на улица „Евлија Челебија“ бр. 3а, кој е еден од најстарите дуќани за боење текстил, што е евидентно од автентично зачуваниот и сè уште во функција технолошки процес.

Овој дуќан во Старата скопска чаршија датира од почетокот на 20 век и содржи автентично зачувани архитектонски карактеристики типични за дуќаните од тој период. Со проект за конзерваторско-реставраторски интервенции, кој го изведуваат стручни екипи на Конзерваторски центар Скопје, се зачуваа неговите архитектонско-стилски вредности и се овозможи враќање на автентичниот изглед на фасадата на овој објект.

Во изминатиот период, како што е наведено во соопштението од Министерството за култура, беа преземени повеќе активности за ревитализација на Старата скопска чаршија со цел враќање на сјајот на оваа најголема чаршија во Република Македонија од средновековен и ориентален тип. Со акцискиот план за реконструкција на повеќе фасади во градските јадра во повеќе градови низ земјава, во Старата скопска чаршија беа обновени фасадите на три објекти кои имаат впечатливи архитектонско-стилски карактеристики и препознатлив стилски израз особено во фасадниот дел. Следната година, освен обновата на фасадата на црквата „Свети Спас“, Конзерваторскиот центар Скопје треба да изработи уште пет проекти за обнова на нови фасади во Старата скопска чаршија.

Со Законот и Програмата за ревитализација кои беа донесени во 2009 година, на дело се спроведува еден интегриран пристап за трајно зачувување на сите вредности на Старата чаршија и се преземаат долгорочни мерки за обнова, одржлив развој, стопанско и културно реактивирање на оваа целина.

Во соработка со Градот Скопје и Општина Чаир, во изминатиот период беа реализирани голем број проекти, а на повеќе пунктови беа поставени и канделабри за осветлување на оваа значајна споменична целина.

Препознавајќи го потенцијалот на Старата скопска чаршија како место на кое може да се развиваат креативноста и иновативноста во уметноста, Министерството за култура во 2010 година додели простор во Безистенот во Старата скопска чаршија за ателјеа на Друштвото на ликовните уметници на Македонија, како и на здружението АРТ–визија.

Простории, како што е наведено во соопштението, беа доделени и за два субјекта кои ги развиваат занаетите во Старата скопска чаршија и кои беа предложени од страна на Сојузот на стопанските комори: Здружението на филигранисти на Македонија и Здружението на граѓани „Женски форум” – Тетово, како и на Детскиот театарски центар. Во Безистенот, Друштвото на ликовни уметници во изминатите години реализираше повеќе од 40 изложби на самостојни уметници и групни изложби.

Во Сули ан беше отворена нова постојана музејска поставка посветена на најавтентичното јадро на нашиот главен град, симболот на нашата метропола - Старата скопска чаршија. Беше промовирана и публикација насловена „Скопје и Старата скопска чаршија“ која ја истакнува важноста на оваа значајна споменична целина и уште еднаш ги потенцира значењето и безвременската убавина на Скопје и на Старата скопска чаршија. Во Старата скопска чаршија традиционално се одржуваат и голем број културни активности, како што се: многубројните настани кои се реализираат во рамките на Скопско лето, изложби, концерти на класична музика, проекција на филмски остварувања, манифестацијата Звуците на Чаршијата, поетски манифестации и многу други настани, а во Детскиот театарски центар континуирано има претстави. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ се обрати по пресудата на Тачи: Судскиот совет не утврди систематски напади над цивилното население (ВИДЕО)

Српскиот претседател Александар Вучиќ им се обраќа на граѓаните во врска со пресудите за лидерите на ОВК.

Вучиќ се обрати по пресудата на Тачи: Судскиот совет не утврди систематски напади над цивилното население (ВИДЕО)

Четири лидери на ОВК - Хашим Тачи, Јакуп Красниќи, Кадри Весељи и Реџеп Селји - денеска во Хаг беа прогласени за виновни за воени злосторства извршени во Косово и осудени на долги затворски казни со првостепена пресуда. Тачи и Красниќи добија по 25 години затвор, Весељи 18, а Селји 13, објави Курир.

„Ќе почнам како што ќе завршам - зачувувањето на мирот и стабилноста е од клучно значење за Србија“, рече Вучиќ во обраќањето.

„Во иднина, решението лежи во разговори, поголемо разбирање и дијалог“.

„Првостепената пресуда денес беше донесена пред судот на таканареченото Косово. Денес, четири лица беа осудени на 25, 25, 18 и 13 години. Како го гледаме тоа и што сметаме за важно, без оглед на тоа дали нешто ни се допаѓа. Важно е да истакнам следново - прво, Судскиот совет не утврди систематски напади врз цивилното население. Тие не сакаа да го поткопаат кредибилитетот на ОВК“.

YouTube video

Тагови: Александар Вучиќ Хашим Тачи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на средби со конгресмени на САД во Вашингтон

Премиерот Христијан Мицкоски во Вашингтон на одвоени средби, се сретна со конгресмените Кит Селф и со конгресменката Клаудија Тенеј.

Мицкоски на средби со конгресмени на САД во Вашингтон

„Денеска остварив средба со конгресменот Кит Селф, претседател на Поткомитетот за Европа во Комитетот за надворешни работи на Претставничкиот дом на САД.

На средбата разговаравме за значењето на стратешкото партнерство меѓу Македонија и Соединетите Американски Држави, за заедничките интереси и за можностите за понатамошно продлабочување на соработката во областите од значење за нашите две држави.“

„Остварена средба со конгресменката Клаудија Тенеј од републиканската партија, копретседавач на Македонската група за пријателство во Конгресот на САД.

На средбата разговаравме за традиционално силните и пријателски односи меѓу Македонија и Соединетите Американски Држави, како и за значењето на парламентарната соработка и размената на искуства меѓу двете земји.

Посветеноста кон унапредување на партнерството, почитувањето на заедничките вредности и градењето стабилни односи остануваат важен темел за идната соработка.“, објави на ФБ премиерот Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Неда Украден на 76 години, објави снимки од одморот: Не ѝ треба фотошоп (ФОТО)

Неда Украден привлече внимание со нови фотографии од одмор. 

Неда Украден на 76 години, објави снимки од одморот: Не ѝ треба фотошоп (ФОТО)

76-годишната пејачка позираше во виолетов костим за капење во џакузи на Ртањ, а објавата брзо предизвика бројни реакции од нејзините следбеници.

Комплиментите брзо почнаа да се редат во коментарите. Следбениците ѝ велеа дека изгледа одлично и го пофалија нејзиниот изглед и енергија, но не сите беа подеднакво воодушевени.

Некои коментатори се сомневаа дека фотографиите се дополнително обработени. „Не е потребен фотошоп“, ѝ рече еден следбеник, додека други коментираа и за можната употреба на филтри и уредување фотографии.

Неда Украден претходно објавуваше фотографии од одмори и во костими за капење на социјалните мрежи, а нејзиниот изглед често предизвикува голем број реакции од нејзините следбеници.

Неодамна го прослави својот 76-ти роденден

Пејачката го прослави својот 76-ти роденден на крајот на август. Родена е на 16 август 1950 година во Имотски, а во текот на својата децениска кариера сними бројни хитови и остана една од најпрепознатливите пејачки на регионалната музичка сцена. Повеќе од 400.000 луѓе ја следат на Инстаграм, со кои редовно споделува фотографии од настапи, патувања и приватен живот.

Тагови: неда украден

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер