Објавени уште два тома од оставината на Драган Богдановски - Канал 5

Култура

Објавени уште два тома од оставината на Драган Богдановски

Уште два тома од оставината на најпознатиот македонски дисидент Драган Богдановски, се објавени деновиве во издание на „Македоника литера“ од Скопје и на Државниот архив на Република Македонија.

Објавени уште два тома од оставината на Драган Богдановски
Станува збор за том 4, кој го содржи вториот од двата дела на историско-документарниот роман на Драган Богдановски „Македонска трагедија“ и том 5, со наслов „Македонска судбина“, кој исто така содржи еден обемен историски роман.

Кон крајот на минатата година беа објавени три тома: „Погледи кон историјата на Македонија“ (т. 1), „Осврти за македонската историја и политичката емиграција“ (т. 2) и „Македонска трагедија – прв дел“ (т. 3).

Наскоро ќе биде објавен шестиот том, кој содржи избор на документи од неговото обемно политичко и полициско досие. Сите шест тома се објавуваат под заеднички наслов „Мојата борба за Македонија“, а редактори на едицијата се д-р Марјан Иваноски и д-р Зоран Тодоровски.

Едицијата со оставината на Драган Богдановски се објавува со финансиска поддршка на Министерството за култура на Република Македонија.

Како што наведува издавачот, во обемниот историски роман на Драган Богдановски, во два дела, со наслов „Македонска трагедија“, низ една историографско-драматуршка нарација, е прикажана судбината на едно македонско семејство од едно кумановско село од 80-тите години на 19 век до забраната на ВМРО (Обединета) во 1936 година, растргнато меѓу бугарската и српската пропаганда и нивните завојувачки политики и присутните дејства на спротивставените струи и крила на ВМРО и на нејзините дејци, револуционери и месни војводи и комити.

Петтиот том „Македонска судбина“, пак, се посочува, се однесува на судбината на едно семејство во текот на Втората светска војна, од 1941 до 1945 година, а дејството се случува во истото село во Кумановско, како и во претходниот роман.

Драган Богдановски (1929-1998) еден од најистакнатите личности и најмаркантна фигура на македон­ската политичка емиграција. Беше публи­цист, новинар, политички емигрант, дисидент, политички затвореник, еден од основачите на ВМРО-ДПМНЕ, кој 30 години беше во челните редови на македонската патриотски настроената емиграција, посветувајќи го целиот свој живот на идејата за независна, обединета и демократска Македонија. Со таквата своја дејност, Богдановски од своите младешки години, па речиси до својата смрт, беше изложен на невидени притисоци и репресија од страна на југословенските и македонските служби за државна безбедност, како и од европските разузнавачки служби.

Национално-патриотски и македонски определен и со изразита антикомунистичка идеолошка ориентација, Бог­дановски беше постојан предмет на напади од страна на македонската комунистичката пропаганда, прогласен за непријател на југословенското братство и единство, рушител на социјалистичката федерација и директен непријател на југословенскиот „автентичен“ комунизам.

Роден е во селото Клечовце, Кумановско. Во 1949 година се запишал на Земјоделскиот факултет во Земун, но во 1951 година бил исклучен од факултетот без право на упис на кој било уни­верзитет во Југославија. Веднаш потоа емигрирал и во текот на својот живот престојувал во Грција, Италија, Аргентина, Бразил, Франција, Норвешка, Шведска, Белгија..., организирајќи ја македонската емиграција и издавајќи весници и списанија посветени на македонското прашање. Македонската Управа за државна безбедност, уште во 1952 година оформила полициско досие за Драган Богдановски, категоризирајќи го како „екстремен емигрант и непријателски дел на македонската емиграција на Запад“.

Во јуни 1977 година Драган Богдановски бил уапсен во Париз од југословенската тајна полиција. Со дипломатско возило бил пренесен во Љубљана, а оттаму со воен авион во Скопје. Околу две години тајно бил чуван во резерватот „Јасен“. Во декември 1978 година бил префрлен во истражен затвор. Македонската јавност првпат ќе слушне за случајот Драган Бог­дановски со објавената вест за судскиот процес против него во весникот „Нова Македонија“, на 17 февруари 1979 година, дека за непријателска дејност е осуден на 13 години затвор. Од затворската казна, што ја издржувал во затворот Идризово, бил ослободен во 1987 година. Поголемиот дел од своите обемни ракописи ги пишувал во затворот Идризово, каде што му било дозволено да ја користи затворската библиотека.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Бекам започна со бизнис што носи милиони- дневно заработува огромни суми

Сер Дејвид Бекам докажа дека може да го пренесе својот успех надвор од фудбалскиот терен во светот на бизнисот. 

Бекам започна со бизнис што носи милиони- дневно заработува огромни суми

Поранешниот ас на Манчестер Јунајтед заработува околу 17.250 фунти дневно од своите парфеми, производи за после бричење и други луксузни брендови.

Според финансиските извештаи, неговиот бизнис минатата година остварил приход од 6,3 милиони фунти, од кои 5,4 милиони фунти биле профит. Компанијата има 7,9 милиони фунти во готово, додека нејзината актива се проценува на 10,4 милиони фунти.

Еден од најпознатите производи од неговата колекција е парфемот „Instinct“, а во понудата се вклучени и „Classic Blue“, „True Instinct“, „Bold Instinct“ и „Classic Homme“. Цените на производите за после бричење се движат од 12 до 50 фунти.

- Секој што го запознал Дејвид знае колку добро мириса, па затоа не е изненадувачки што неговите парфеми се толку популарни. Тој почнал да ги произведува во 2000-тите и е многу горд на нив. „Се чини дека неговите обожаватели сакаат да мирисаат како него“, рече еден од неговите пријатели.

Парфемите и другите луксузни производи на Бекам се управувани од Seven Global LLP, а неговиот бизнис ја вклучува колекцијата Eyewear by David Beckham. Тој соработувал и со познати брендови како што се Breitling, Armani, Gillette и Biotherm Homme.

Во финансискиот извештај се наведува дека неговиот глобален комерцијален и лиценцирачки бизнис генерира значајни резултати и обезбедува долгорочен приход.

За разлика од бизнис империјата на Дејвид, модниот бренд на неговата сопруга Викторија Бекам неодамна оствари профит за прв пат по 18 години.

Тагови: Дејвид Бекам

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Меланија разговарала и со Путин и со Зеленски, Трамп ја испофали: Подобра е од професионалец (ВИДЕО)

Меланија Трамп навести дека може лично да отпатува во Украина, а воедно му се заблагодари и на папата Лав XIV за неговата поддршка.

Меланија разговарала и со Путин и со Зеленски, Трамп ја испофали: Подобра е од професионалец (ВИДЕО)

Меланија Трамп навести дека може лично да отпатува во Украина, а воедно му се заблагодари и на папата Лав XIV за неговата поддршка, во услови на контроверзии околу улогата што ја играше поглаварот на Римокатоличката црква во преговорите за локален прекин на огнот, објавува „Њујорк пост“.

„Ќе видиме“, изјави првата дама на САД за „Њујорк пост“ во саботата, кога беше прашана дали би отпатувала во земјата разорена од војна, на што Доналд Трамп додаде:

„Тоа може да се случи“.

Меланија Трамп за прв пат јавно проговори за прекинот на огнот за кој тврди дека посредувала меѓу Русија и Украина, а кој се однесува на градот Олешки, кој се соочува со глад и хуманитарна катастрофа.

Првата дама откри дека разговарала и со рускиот претседател Владимир Путин и украинскиот претседател Володимир Зеленски како дел од нејзините активности.

„Разговаравме. Потпишавме договор“, откри таа.

Претседателот Трамп, кој се обидува да посредува во долгорочен прекин на огнот меѓу двете земји, рече дека неговата сопруга работи подобро од неговите официјални претставници Стив Виткоф и Џаред Кушнер.

„Таа е поуспешна од нашите професионалци“, рече Трамп, насмевнувајќи се.

Тој не ја исклучи можноста да ја испрати да се придружи на разговорите.

„Мислам дека таа во моментов работи подобро од професионалците. Таа има прекин на огнот. Станува збор за деца, луѓе и стари лица“, рече американскиот претседател.

Олешки, во регионот Херсон, е на работ на хуманитарна катастрофа. Градот, на околу пет милји од линијата на фронтот, има околу 2.000 жители, претежно деца и стари лица, кои се принудени да јадат трева за да преживеат.

Меланија Трамп ја изненади јавноста во петокот објавувајќи дека посредувала за локален прекин на огнот во градот, за да можат жителите да бидат евакуирани, а хуманитарната помош да може да стигне до оние на кои им е потребна.

Нејзиниот ангажман беше дочекан со меѓународни пофалби, но во саботата се појавија прашања за улогата на папата Лав XIV, откако беше објавено дека и тој разговарал со Зеленски и Путин, повикувајќи ги да се согласат на прекин на огнот. Неговите разговори се одржаа неколку дена пред првата дама да објави дека е постигнат договор.

Тагови: Доналд Трамп Меланија Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Израел погоди факултет во Газа- има загинати и повредени

Тројца вработени од универзитетот во Газа загинаа, а осум студенти се ранети во израелски воздушен напад, според локални палестински извори.

Израел погоди факултет во Газа- има загинати и повредени

Тројца вработени од универзитетот во Газа загинаа, а осум студенти се ранети во израелски воздушен напад, според локални палестински извори, кои исто така објавија четири смртни случаи на други места во енклавата.

Напад на израелско беспилотно летало го „намета“ Исламскиот универзитет во Газа, во северниот дел на територијата, при што загинаа тројца „безбедносни лица“ и беа ранети осум студенти, изјавија за АФП неколку извори во институцијата.

Болницата Ал-Шифа во градот Газа потврди дека примила три тела и дека лекувала осум ранети по нападот.

Меѓу ранетите студенти, кои беа во кампусот и посетуваа настава, „некои се во критична состојба“, соопшти палестинското Министерство за образование, кое го осуди „молкот на светот пред нападите насочени кон студентите и универзитетите“.

Не е прв пат

„Десет студенти и наставници се убиени во изминатите шест дена“, соопшти Министерството, додавајќи дека „95 отсто од зградите кои припаѓаат на универзитетските институции“ биле оштетени во тригодишната војна меѓу Израел и Хамас.

Според Цивилната заштита на Газа, спасувачката служба под исламистичкото движење, четири лица биле убиени и на други места во енклавата.

Две лица загинаа во воздушен напад во Кан Јунис на југ, едно во Деир ал Балах во централниот дел на Појасот Газа и четврто во израелски оган на северот на Појасот Газа, изјави портпаролот на службата за AFP.

Израел и Хамас меѓусебно се обвинуваат за кршење на примирјето кое стапи на сила на 10 октомври 2025 година, по две години војна предизвикана од најголемиот напад на палестинското движење на израелска територија на 7 октомври 2023 година.

Повеќе од 1.500 Палестинци се убиени од почетокот на прекинот на огнот, според Министерството за здравство на Газа, кое е под контрола на Хамас, и чии податоци ОН ги сметаат за сигурни.

Тагови: Газа Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер