Објавени се први снимки од мистериозно племе, што живее во целосна изолација (ФОТО) - Канал 5

Живот

Објавени се први снимки од мистериозно племе, што живее во целосна изолација (ФОТО)

Фотографиите од мистериозното племе, кое живее длабоко во бразилската прашума, го обиколија светот.

Објавени се први снимки од мистериозно племе, што живее во целосна изолација (ФОТО)

Тие биле снимени со автоматски камери, оставени на локации каде вообичаено ја обележуваат својата територија, користејќи разни метални предмети.

Она што особено ги интригира научниците е фактот што навистина не се знае како се нарекуваат себеси, како комуницираат, го организираат својот живот или во што веруваат, пренесува The Guardian.

И покрај притисокот на земјоделците, дрвосечачите, рударите и дилерите на дрога кои „крстарат“ по прашумите, малото племе успеало да се дистанцира од современиот свет - и да го зголеми својот број.

Научниците го нарекуваат племето Масако, по блиската река, додека нивните обичаи, култура и потекло засега остануваат мистерија.

Според Националната фондација за домородните народи (Фунаи), која со децении ги штити бразилските шумски територии, големината на племето е најмалку двојно зголемена од раните 1990-ти, на околу 200 до 250 членови.

Нивното живеалиште е снимено, за време на различни експедиции, а сега имаме можност да видиме луѓе со алат и оружје. Во текот на годините на пасивно набљудување, научниците утврдиле дека ловат со лакови долги три метри и дека ги преместуваат селата од сезона во сезона.

„Врз основа на снимените фотографии, заклучуваме дека тие се слични на луѓето од Сирионо, кои живеат на спротивниот брег на реката Гуапора, во Боливија. Сепак, не можеме да кажеме кои се тие навистина. Многу од тоа е мистерија“, изјави Алтаир Алгајер, претставник на Фунаи.

Оценката дека нивниот број се зголемува е добра вест, бидејќи тоа се случува во времето на демографската катастрофа што го снајде домородното население, предизвикана од уништување на животната средина и „неавтохтона окупација“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска продолжува судењето за дискотеката „Пулс“

Денеска продолжува судењето за дискотеката „Пулс“. 

Денеска продолжува судењето за дискотеката „Пулс“

Судскиот процес го води судијката Дијана Груевска-Илиевска, а обвинението го застапува тим од 15 јавни обвинители.

Пожарот во дискотеката „Пулс“ во Кочани се случи на 16 март 2025 година за време на концерт на групата ДНК. Во трагедијата загинаа 63 лица, а над 200 беа повредени, што претставува една од најтешките несреќи во поновата историја на државата,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

МНТ: Награда за режија за Нела Витошевиќ и три признанија за „Змеј“ на меѓународната сцена

Претставата „Змеј“, во режија на Нела Витошевиќ и продукција на Младинско гледалишче од Љубљана (МГЛ), освои три награди на Меѓународниот фестивал „Театар на раскрсница“. 

МНТ: Награда за режија за Нела Витошевиќ и три признанија за „Змеј“ на меѓународната сцена

Жирито, предводено од Ирфан Менсур, ѝ ја додели наградата за најдобра режија на Нела Витошевиќ. Признанието за најдобра сценографија му припадна на Игор Васиљев, а за најдобра костимографија беше наградена Јелена Проковиќ.

Витошевиќ ја истакна важноста на заедничкиот придонес на сите учесници во создавањето на претставата, упатувајќи благодарност до директорката на МГЛ, членовите на жирито, актерскиот ансамбл, како и до авторскиот и техничкиот тим. Таа нагласи дека успехот е резултат на посветеноста и соработката на целата екипа.

Најновата режија на Витошевиќ во нејзиниот матичен театар, Македонскиот народен театар, е претставата „Три сестри“ - современо сценско читање инспирирано од истоименото дело на Чехов, кое наиде на одличен прием кај публиката.

Интересот за претставата го потврдува и исполнетата сала на секоја изведба, позиционирајќи ја како едно од најактуелните остварувања на репертоарот на МНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Николоски - Акташ: Македонија и Турција имаат одлична соработка, економијата, туризмот и поврзувањето се областите од интерес на двете земји

Заменик претседателот на Владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ.

Средба Николоски - Акташ: Македонија и Турција имаат одлична соработка, економијата, туризмот и поврзувањето се областите од интерес на двете земји

Заменик претседателот на Владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ, на која беа разгледани билатералните односи меѓу двете земји, како и можностите за унапредување на меѓусебната соработка.

Посебен акцент беше ставен на трговската размена и економската соработка, особено во областа на транспортната политика и инфраструктурното поврзување.

На средбата, министерот ги претстави развојните политики на Владата и плановите за подобрување на инфраструктурната поврзаност во регионот.

Николоски нагласи дека Македонија претставува поволна дестинација за инвестиции и претставува порта за поврзувањето со Централна Европа.

Во таа насока, беше истакнато дека присуството на голем број турски компании кои инвестираат во земјава претставува потврда за развиените пријателски односи меѓу двете држави, како и за потенцијалот за натамошно унапредување на економското партнерство.

Соговорниците ја потврдија важноста на продолжувањето на соработката меѓу Македонија и Турција во повеќе области, со посебен акцент на економијата, поврзувањето на граѓаните и развојот на туризмот.

Во делот на туризмот, беше нагласено дека постојат огромни потенцијали за поврзување меѓу двете земји, со цел поттикнување на туристичките посети и продлабочување на меѓусебните врски.

Средбата претставува можност за зајакнување на партнерството меѓу Македонија и Турција, во интерес на економскиот развој, новите инвестиции и унапредувањето на севкупните билатерални односи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер