Објавени се четири опции за продолжување на НБА лигата - Канал 5

Кошарка

Објавени се четири опции за продолжување на НБА лигата

Канцеларијата на НБА лига потврди дека се во преговори со Волт Дизни за да ја продолжат прекинатата сезона во комплексот, а натпреварите треба да започнат кон крајот на јули.

Објавени се четири опции за продолжување на НБА лигата

Продолжението на натпреварите ќе се одвива на едно место, во комплексот Дизни ESPN во Орландо, каде што сите екипи ќе бидат сместени, ќе тренираат и ќес е натпреваруваат.

„Нашиот приоритет останува здравјето и безбедноста на сите инволвирани, така што со експертите за јавно здравје и владините службеници подготвуваме сеопфатни правила за да обезбедиме да се воспостават соодветни медицински протоколи и заштитни мерки“, рече портпаролот на НБА, Мајк Бас.

Според написите на американските медиуми, НБА-лигата испратила прашалник до сите водечки луѓе на клубовите во петокот, со голем број можни опции за продолжување на сезоната.

Првата понудена опција е да се продолжи сезоната со играње дел од одложените игри на основниот дел од сезоната, така што сите клубови да играат помеѓу 72 и 76 од закажаните 82 натпревари. Пред паузата што се случи на 11 март, клубовите имаа одиграно помеѓу 63 и 67 натпревари.

Втората предложена опција е веднаш да се започне со плеј-офот со 16 екипи, во вообичаен формат на играње до четири победи од првото коло.

Третата опција вклучуваше модифициран плеј-оф со неколку верзии во однос на бројот на вклучени тимови. Пред почетокот на „плеј-офот“ се предложени два модела: првиот е со квалификациски турнир, а вториот вклучува играње во групи наместо класичното прво коло од плеј-офот.

Четвртата опција се однесува на времетраењето на продолжувањето на прекинатата сезона, а на генералните менаџери им биле понудени опции за завршување од првиот понеделник во септември до 1 ноември.

Управниот одбор на НБА-лигата треба да разговара за овие предлози на следниот состанок закажан за 29 мај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јувенстус со нова понуда за Емилијано Мартинез

Јувентус е блиску до ангажирање на еден од најдобрите светски голмани, Емилијано Мартинез.

Јувенстус со нова понуда за Емилијано Мартинез

Според Дејвид Орнштајн, доверлив новинар на „Скај Спортс“ и „Атлетик“, претставниците на клубот од Торино доставиле нова, подобрена понуда до Астон Вила, а договорот меѓу двата клуба е сè поблизу.

Јувентус е подготвен да плати пакет вреден 10 милиони евра, структуриран како фиксен износ од 7 милиони евра плус 3 милиони евра во вид на бонуси поврзани со учинокот. Сепак, клубот од Бирмингем во моментов инсистира на 10 милиони евра во загарантирани средства, па преговорите се фокусираат токму на структурата на плаќањето.

Личните услови не претставуваат проблем Орнштајн нагласува дека личните услови меѓу 33-годишниот аргентински интернационалец и „Старата дама“ воопшто не претставуваат пречка. Мартинез изрази силна желба да се пресели на стадионот „Алијанц“ и е подготвен да го прифати понудениот повеќегодишен договор.

Трансферот дополнително го поткрепува фактот што Астон Вила веќе е длабоко во преговори за ангажирање на голман-замена; следствено на тоа, се очекува клубовите да постигнат компромис и наскоро да го финализираат договорот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Пожарот во Белгија се шири кон Германија

Големиот пожар што беснее во областа Хај Фенс (High Fens) и во природниот резерват Хај Свомп (High Swamp) во источниот дел на Белгија се наоѓа на само три километри од германската граница.

Видео: Пожарот во Белгија се шири кон Германија

Ситуацијата во пограничниот град Моншау, во западна Германија, беше напната во текот на изминатата ноќ, а на жителите од некои делови на градот им беше препорачано да се подготват за напуштање на своите домови, пренесува „Блид“.

„Не може да се исклучат ризиците по здравјето предизвикани од чадот од пожарот. На жителите на Платевен, Лејлох и Калтерхерберг, западно од Месевего, им се препорачува да ги напуштат овие подрачја до 10 часот наутро и да престојуваат кај роднини и пријатели“, се наведува во соопштението на локалните власти.

Потврдено е дека градските власти на Моншау ќе отворат прифатилиште во општествениот центар во Имгенбројх, почнувајќи од 7 часот наутро, за сите оние што не можат самостојно да најдат алтернативно сместување.

Екипите за итни интервенции во Моншау не очекуваат огнот наскоро да се прошири на германска територија, но потврдуваат дека се во состојба на подготвеност.

„Секако, внимателно ја следиме ситуацијата. Ќе продолжиме континуирано да ја следиме и проценуваме состојбата, а по потреба ќе ангажираме и дополнителни противпожарни сили“, изјави Филип Кригер, командант на противпожарната служба во Моншау.

Од белгиска страна, евакуацијата на градовите Кихелшајд и Лејкауљ веќе е започната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МО: Утре во 19 часот, почесна артилериска стрелба по повод Денот на Армијата

Почесна артилериска стрелба по повод Денот на Армијата

МО: Утре во 19 часот, почесна артилериска стрелба по повод Денот на Армијата

Министерството за одбрана ги информираме граѓаните на Скопје, дека на 17-ти август 2026 година (понеделник), со почеток во 19.00 часот, во касарната ,,Илинден“ во Скопје од страна на единица на артилерискиот баталјон на Армијата ќе се изврши почесна артилериска стрелба со истрелување на 10 плотуни од 6 артилериски орудија.

Почесната стрелба како дел од протоколарните обврски на Армијата за одбележување на празници е во рамки на активностите кои се реализираат по повод одбележувањето на 18Август-Денот на Армијата.

Претходно, истиот ден, во 18.00 часот ќе биде извршена и пробна артилериска стрелба со истрелување на еден плотун од 6 артилериски орудија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер