Објавени документи во кои се обвинува поранешен бискуп од Есен

Објавени документи во кои се обвинува поранешен бискуп од Есен за сексуална злоупотреба на малолетничка.

- Документи се објавени денеска, а во кои се обвинува поранешниот бискуп од Есен и еден од најпознатите теолози во повоена Германија, кардиналот Франц Хенгсбах, за сексуална злоупотреба на малолетничка.

„Епископот Франц-Јозеф Овербек нареди детална истрага за сериозните наводи за злоупотреба против првиот епископ на Есен, Франц Хенгсбах, во периодот од 1950-тите до 1970-тите“, објави во вторникот бискупот од Есен.

Внатрешна истрага беше покрената откако во октомври минатата година во бискупијата се јавило едно лице кое тврдело дека епископот Хенгсбах сексуално ја злоставувал кон крајот на 1960-тите.

По проверката во епископијата Падерборн, во која Хенгсбах, кој почина во 1991 година, бил активен пред да дојде во Есен, се дошло до сознание дека против него таму уште во 2011 година било пријавено сексуално злоставување малолетничка во 50-тите години на минатиот век.

Тој случај е, како што се наведува, е истата година пријавен во Конгрегацијата за доктрина на верата во Ватикан, која ги отфрлила обвиненијата како неосновани.

Според информациите од бискупијата во Падерборн, има извештаи за сексуална злоупотреба на малолетничка и против братот на бискупот Хенгсбах, Павле, кој исто така е свештеник.

Актуелниот епископ Овербек ги повика другите евентуални жртви на злоупотреба тоа да го пријават во епархијата.

Во последниве години, вработените во Германската католичка црква беа на удар на многу обвинувања за сексуална злоупотреба на малолетници. Овие скандали предизвикаа и бројни заминувања на верници од црковните општини. /МИА

Вежбите ја намалуваат опасноста од деменција до 33 отсто

 Деменцијата е синдром којшто се одликува со прогресивно влошување на когнитивните функции, како што се помнењето, размислувањето и способноста за извршување на секојдневните должности, а најчесто е предизвикана од дегенеративни заболувања на мозокот.

Возраста се смета за еден од поважните фактори на ризик, којшто човекот не може да го контролира. Сепак, и други фактори, како што се секојдневните навики, начинот на живот и сл. - играат важна улога. На некој начин, тоа е добра вест, според стручњаците, и ова значи дека имаме одредена моќ на контрола врз здравјето на својот мозок. Според истражувањето што ги поделило испитаниците во пет групи, имено, една навика може значително да ја намали опасноста од деменција - физичките вежби. Во таа смисла, дури и благото надминување на неделните препораки за вежбање може да биде прилично корисно.

Се говори за вежбите за срцето, белите дробови, мускулите, коишто исто така, се полезни и за мозокот.

Во споредба со групата испитаници означени како „најмалку фит“, оние со малку подобра форма имале 13 отсто помал ризик од Алцхајмерова болест... Натаму - средната група имала 20 отсто помал ризик, следната група на скалата имала 26 отсто помал ризик, а луѓето од „физички најактивната група“ имале 33 отсто помала опасност.

Авторите заклучуваат дека кардиореспираторната кондиција е поврзана со помали шанси за деменција, а како што луѓето стареат, сѐ тоа е поистакнато.

- Истражувањето покажа дека најмалку 150 минути вежбање со умерен интензитет неделно се клучни за оптимално здравје на мозокот како што старееме. „Помалку значи повеќе“ има свое место во одредени случаи, но и надминувањето на неделните препораки за вежбање може да биде доста корисно вели невропсихологот д-р Џесика Калдвел за „Парејд“.

Таа вели оти за помладите луѓе или оние кои биле физички активни во минатото и постојано во нивниот живот, вежбањето до 300 минути или поинтензивно вежбање може да биде уште покорисно за мозокот. Како што возраста напредува, и рамнотежата меѓу физичката кондиција и спречувањето повреди и добрата аеробна кондиција се зацврстува.

Според сѐ, вежбањето е корисно не е само здравјето на срцето, туку и за мозокот. /МИА

Кремљ вели дека самитот за Украина дал „нула“ резултати

Кремљ денеска соопшти дека меѓународниот мировен самит за Украина, предводен од Киев, дал - „нула“ резултати.

-Ако зборуваме за резултатите од таа средба, тогаш тие се сведуваат на нула, нагласи портпаролот на Кремљ, Дмитриј Песков.

Самитот, на кој присуствуваа над 100 претставници на земји и меѓународни организации се одржа во швајцарскиот град Бургеншток и имаше за цел да ги истражи начините за постигнување мир во Украина. /МИА

Сестрата што изнесуваше цитостатици од Онкологија доби 2 години затвор

На казната се жалело Обвинителството, но Апелација ја потврдила.

29 годишната медицинска сестра од клиниката за Онкологија Амела Османовиќ е осудена на казна затвор од две години, затоа што од клиниката во три наврати, во три различни денови, изнела ампули меѓу кои и цитостатици наменети за пациентите со карцином, објави „Слободен печат“..

Османовиќ е осудена во отсуство. Како сопатничка таа излегла од земјава на граничниот премин Табановце уште пред да почнат судењата, па од тогаш, не им е достапна на органите на прогонот и нема почнато да ја издржува затворската казна.

На казната се жалело Обвинителството, но Апелација ја потврдила.

Случајот кој се водеше против 29-годишната медицинска сестра не е поврзан со големата истрага за злоупотреба на биолошката терапија на клиниката, а каде што Јавното обвинителство сомничи 5 лица меѓу кои и четворица доктори.

притисни ентер