Објавена е снимка од „окото“ на ураганот Ерин- на брегот на САД му се закануваат бранови од 30 метри (ВИДЕО) - Канал 5

Свет

Објавена е снимка од „окото“ на ураганот Ерин- на брегот на САД му се закануваат бранови од 30 метри (ВИДЕО)

Прогнозерите предупредуваат дека ураганот Ерин се движи кон источниот брег на САД, заканувајќи се со крајбрежни поплави, опасни по живот струи и потенцијално разорни бранови високи до 100 стапки.

Објавена е снимка од „окото“ на ураганот Ерин- на брегот на САД му се закануваат бранови од 30 метри (ВИДЕО)

Ерин, првиот ураган од атлантската сезона 2025, нагло се засили во текот на викендот и во саботата достигна категорија 5, најсилниот на скалата Сафир-Симпсон. По краткото слабеење, повторно се здоби со сила и во моментов е ураган од категорија 4 со ветрови од околу 215 км/ч, пишува Лајв Сајанс.

Патеката на бурата и првите предупредувања

Според најновите информации од Националниот центар за урагани (NHC) објавени денес, бурата моментално е источно од Бахамите и се очекува да помине помеѓу Бермудите и источниот брег на САД до средината на неделата. Иако не се предвидува Ерин да стигне до копно, нејзината сила ќе претставува сериозна закана за крајбрежните области.

Националната метеоролошка служба вчера издаде предупредување за крајбрежни поплави, кое би можело да започне утре. Надворешните брегови на Северна Каролина се особено ранливи, а округот Дар прогласи вонредна состојба и издаде задолжителна наредба за евакуација за островот Хатерас.

„Некои бранови би можеле да надминат 100 стапки“

Сигначите предупредуваат дека минувањето на моќна бура би можело дополнително да ги засили брановите и да ги подигне до екстремни височини.

„Најновата прогноза покажува дека брановите би можеле да бидат просечно високи над 15 стапки, а некои да достигнат 100 стапки“, изјави за Newsweek Жан Бидлот, научник во Европскиот центар за среднорочни временски прогнози.

NHC соопшти дека ураганот ќе создаде опасни океански услови што ќе ги погодат Бахамите, Бермудите, источниот брег на САД и атлантските провинции на Канада во следните неколку дена. „Овие сурови океански услови веројатно ќе произведат бранови и струи што се опасни по живот“, се вели во соопштението.

Една од најбрзо растечките бури во историјата

Ураганот Ерин напредуваше екстремно брзо од категорија 1 во петокот до категорија 5 во саботата, што го прави една од најбрзо зајакнувачките атлантски бури досега, според CNN Weather. Потоа, вчера, бурата ослабе до категорија 3, само за повторно да се зајакне до категорија 4.

Експертите истакнуваат дека сè повеќе урагани над Атлантикот се во процес на брзо зајакнување, што е последица на климатските промени што предизвикуваат зголемување на температурата на атмосферата и океаните. Од март 2023 година, просечните температури на површината на морето рушат рекорди на глобално ниво, а потоплите води им даваат дополнителна енергија на ураганите додека се развиваат.

Ерин останува значителна закана

Како ураган од категорија 4, Ерин се смета за голема бура чии ветрови, со брзина од 209 до 251 км/ч, би можеле да предизвикаат „катастрофална штета“. Бурата опфаќа голема површина, со ветрови со сила на ураган што се протегаат до 370 километри од центарот.

Синоптичарите очекуваат ураганот повторно да се зајакне во текот на денот, по што ќе следи мало слабеење. Без оглед на промените во интензитетот, Ерин ќе остане значителна закана. „Иако се предвидува одредено слабеење почнувајќи од вечерва, Ерин ќе остане голем и опасен ураган до средината на оваа недела“, соопшти NHC.

Снимки од „окото“ на ураганот

Националната океанска и атмосферска администрација (NOAA) објави видео од „окото“ на ураганот кое брзо стана вирално. „Ловците на бури“ на NOAA, или специјализирани екипи во кои се вклучени метеоролози, спроведуваат овие ризични мисии за собирање податоци во ураганите и тропските бури, кои се користат за да се направат поточни прогнози и предупредувања од NHC.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Цеца за фотките во бикини

Балканската музичка ѕвезда Светлана Цеца Ражнатовиќ ретко споделува провокативни фотографии, но секое нејзино појавување во бикини предизвикува вистински бум во јавноста. 

Фото: Цеца за фотките во бикини

Пејачката откри зошто одлучила да објави фотографија во бикини и како успева да ја одржи својата беспрекорна линија без строги диети. Иако публиката не е често навикната на разголени фотографии, Цеца предизвикува вистинска помпа на социјалните мрежи кога ќе одлучи да го покаже своето витко тело.

Секојпат кога позира на плажа, нејзиното издание предизвикува лавина реакции и воодушевување кај следбениците.

Зборувајќи за фотографите од Кипар кои своевремено предизвика вистински бум на интернет, пејачката ги објасни причините поради кои ја објавила: „Ретко објавувам попровокативни фотографии – не затоа што се срамам од своето тело, туку едноставно зависи од моментот и од тоа што сакам или не сакам во одреден момент. Искрено, најмногу се чувствувам опуштено кога сум закопчана до грло, што е сосема природно. Се трудам, без разлика што носам или што фотографирам, тоа да биде соодветно, бидејќи границата е многу тенка. А и што друго би можеле да фотографирате на море, освен во бикини?“, изјави мегапопуларната Цеца.

Цеца Ражнатовиќ изгледа подобро од кога било, а неодамна откри како ја довела својата линија до совршенство. Пејачката успеа да ослабе дури 8,5 килограми за само еден месец, без строги диети, гладување и опасни препарати.

Наместо опасни „кратенки“, Цеца се одлучи за режим што потсетува на автофагија.

Тагови: Цеца Ражнатовиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Сабаленка ужива во танга

Сабаленка позира во танга, објавата од плажа собра над 300.000 лајкови.

Фото: Сабаленка ужива во танга

Белоруската тенисерка Арина Сабаленка е на заслужен одмор по исцрпувачката сезона.

По исцрпувачката натпреварувачка година, втората тенисерка во светот, Арина Сабаленка, одлучи да направи пауза од турнирите и да замине на одмор, од каде што редовно ги известува своите фанови.

Нејзината најнова објава од плажа, на која носи танга, предизвика огромна реакција на социјалните мрежи, собирајќи над 300.000 допаѓања во рекордно време.

Во описот на фотографијата, белоруската тенисерка накратко наведе дека слободното време го поминува комбинирајќи релаксација на сонце со повремени тренинзи.

Кон крајот на сезоната, таа ја загуби водечката позиција на ВТА-листата, која ја презеде Елена Рибакина.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Супер дерби на „Алијана арената “во Минхен – Борусија му „украде“ бод на Баерн

Фудбалерите на Баерн и Борусија Дортмунд во германското супер дерби одиграа без победник  2:2 , во рамките на 8. коло од Бундеслигата. Милионерите од Дортмунд успеаја да надоместат негатива во самиот финиш.

Супер дерби на „Алијана арената “во Минхен – Борусија му „украде“ бод на Баерн

Се чинеше дека Баварците ќе го задржат водството, но Фабио Силва го замолкна Минхен во 89-тата минута и му донесе голем бод на Дортмунд.

Првото полувреме го одбележа поништен гол на Џоб Белингем, како и неколку добри шанси на двете страни. Во 34-тата минута, Дортмунд ја затресе мрежата преку англискиот играч за врска, но голот беше поништен по прегледување на снимката (ВАР) поради офсајд.

Четири минути подоцна, Баерн ја казни пропуштената шанса на ривалот, откако Конрад Лајмер најдобро реагираше на одбиената топка и им донесе водство на домаќините.

Дортмунд потоа успеа да возврати. Во 60-тата минута, Карни Чуквуемека ја испрати топката во шеснаесетникот, а Серу Гираси го совлада голманот со прецизен удар во долниот лев агол и го израмни резултатот.

Шест минути подоцна, Баерн повторно поведе. Хари Кејн ја упати топката со глава пред голот, а Дајо Упамекано се најде на вистинското место и погоди за 2:1. Претходно, Англичанецот имаше можност да постигне гол од пенал, но во 56-тата минута ја погоди пречката.

Кејн повторно беше блиску до погодок во 75-тата минута, но неговиот удар заврши во стативата. Кога се чинеше дека Баерн сепак ќе го задржи водството, на сцена стапи Фабио Силва.

Во 89-тата минута, Португалецот ја искористи топката што стигна до него во шеснаесетникот и со прецизен удар во долниот лев агол ги постави конечните 2:2. Баерн имаше уште една голема шанса во судиското надополнување, но ударот на Ленарт Карл заврши во пречката. Така, Дортмунд успеа да избегне пораз во Минхен, додека домаќинот може да жали за пропуштените шанси и испуштеното водство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер