Автомобилизам

Објавена е листата на најскапите модели на автомобили, чинат над 10 милиони евра (ФОТО)

Понудата на автомобили никогаш не била побогата, а истото важи и кога се во прашање екстремно скапите автомобили.

До неодамна можеше да се избројат на прсти од двете раце новите автомобили што можеа да се купат за повеќе од милион евра. Денеска ги има десетици.

Апсолутно најскапиот електричен автомобил е јапонскиот Aspark Owl со цена од речиси 3 милиони евра.

На патот кон топ 10 ќе налетаме на Гордон Мареј Т.50. Авторот на првиот и според многумина најдобриот хипер спортски автомобил Гордон Мареј има ново уживање. И тоа е исто толку фантастично. За жал, таква е и цената, а се проценува на околу 2,4 милиони евра, колку што е цената и на распродаденото реинкарнирано Lamborghini Countach.

И тука започнуваат вистинските задоволства. Ако страдате од Формула 1, знајте дека тука се Mercedes-AMG Project One и нешто поскапиот Aston Martin Valkyre. Нивната цена моментално е секако повисока од првично рекламираната бидејќи и двата модели се распродадени. Чинат над три милиони евра.

И сега полека влегуваме во областа каде Бугати буквално живее. Специјалните верзии на Chiron редовно се продаваат за повеќе од три милиони евра, а прашање е дали може да се добие нешто од списокот и по која цена.

Најновиот модел Мистрал ја отвора понудата на автомобили поскапи од пет милиони евра.

Работите стануваат супер интересни. Пред да се дојде во топ 3, ќе го споменеме Mercedes-Maybach Exelero. Стар е преку 15 години, но со цена од околу 9 милиони евра заслужува уште еднаш да се спомене.

И во топ 3 работите се познати, но не и сопствениците. Две од трите места ги држи Rolls-Royce со своите уникати, а придружени се со специјалната Pagani Zonda, чија цена е зголемена во последните години. Сите три автомобили се во посебна категорија, со цени над 10 милиони евра.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер