Објавен е трејлерот за седмото продолжение на „Паркот Јура“ со Скарлет Јохансон и Џонатан Бејли

Universal Pictures го објави долгоочекуваниот трејлер за претстојниот филм Jurassic World, кој официјално го носи насловот Jurassic World Rebirth.

Овој филм ќе биде седмиот дел од оваа 31-годишна и сакана филмска франшиза.

Филмот е во режија на Герет Едвардс, а сценариото на Дејвид Коеп. Продуценти се Патрик Кроули и Френк Маршал. Стивен Спилберг, директорот на Паркот Јура, е извршен продуцент заедно со Денис Л. Стјуарт. Спилберг е и извршен продуцент на други филмови од франшизата, вклучувајќи ги Паркот Јура 3, Светот Јура, Светот Јура: Изгубеното кралство и Светот Јура: Империја.

Официјалниот синопсис за претстојниот научно-фантастичен акционен филм гласи: „Пет години по настаните од Светот Јура: Империја, експедиција се впушта во изолирани екваторијални региони за да извлече ДНК од три огромни праисториски суштества за револуционерно медицинско откритие“. Во продолжение погледнете го трејлерот за филмот.

Во филмот играат познатите актери Скарлет Јохансон, Џонатан Бејли и Махершала Али. Тие се еден од неколкуте тимови кои бараат да најдат и да обезбедат ДНК примероци од трите најголеми диносауруси на копно, море и во воздух.

Скарлет Јохансон ја игра Зора Бенет, експерт за тајни операции најмена да води експедиција за собирање на генетскиот материјал на три диносауруси. Џонатан Бејли го игра палеонтологот Др. Хенри Лумис, а Махершала Али го игра Данкан Кинкаид, партнерот на Зора.

Во филмот играат и Руперт Френд, Ед Скрајн, Мануел Гарсија-Рулфо, Луна Блез, Филипин Велге, Дејвид Иаконо, Аудрина Миранда и Бечир Силвен, пишува Variety.

Премиерата на филмот е закажано за почетокот на јули, поточно на 2 јули 2025 година.

За само еден час од објавувањето на YouTube каналот на Universal, трејлерот за Jurassic World Rebirth има речиси седумстотини илјади прегледи. Коментарите на социјалните мрежи се главно позитивни, а за некои првиот трејлер за филмот дури ги потсети на атмосферата во филмовите за Паркот Јура.

„Навистина ми е драго што е задржан авантуристичкиот дух на оригиналната трилогија“, „Не сум бил толку возбуден за филм од Светот Јура од првиот во 2015 година!“, „Добивам силен впечаток за „Изгубениот свет“ од „Преродба“, што е многу добра работа!“, „Како некој што пораснав во претходниот филм“.

„Никогаш нема да се заморам од оваа франшиза“, „Трејлерот ме потсетува на оригиналната трилогија на Паркот Јура во неговата атмосфера. Многу сум возбуден поради овој филм“, „2025 година е во моментов година на филмови што ќе можеме да ги гледаме“, „Поминаа години од добар филм од овој свет, овој изгледа како вистински спектакл на гледачите“.

Покана од Бигорски за заедничко одбележување на именденот на епископ Антаниски г. Партениј

Утре во 18:00 часот ќе се отслужи празнична Вечерна архиерејска богослужба. 

Празнувајќи го споменот на отецот меѓу светиите Партениј Лампсакиски Чудотворец, како и по повод именденот на Неговото Преосвештенство Епископ Антаниски г. Партениј, Свештената бигорска Обител, упати покана за заедничко одблежување на овој светол спомен.

-Утре во 18:00 часот ќе се отслужи празнична Вечерна архиерејска богослужба. По Вечерната богослужба, во чест на именденот на нашиот Старец, Епископот Антаниски г. Партениј предвидено е соборно дружење и послужение во свечениот манастирски синодикон. Во четврток во 6:30 часот ќе биде отслужена утрена богослужба, а во 8:45 часот ќе почне Светата архиерејска Златоустова Литургија, информираа од Бигорскиот манастир.

Благослов да присуствуваат имаат сите коишто сакаат да го прослават споменот на Свети Партениј Лампсакиски, заедно со монашко братство и сестринство. Имајќи го предвид бројот од над илјада верници кои во просек присуствуваа на одбележувањето изминатите години, масовно присуство се очекува и овој пат.

Минатата година на одблежувањето посебна чест беше присуството на Неговото Преосвештенство, епископот Аморејски и игумен на Свештената Обител на Влатадите во Солун г. Никифор, од Вселенската Патријаршија. Со него, допатуваа и студенти по православна теологија од повеќе помесни православни цркви, кои престојувале во студентскиот интернат во Влатадон. в

Фон дер Лајен: ЕУ сака да биде партнер на САД во обезбедувањето праведен и траен мир за Украина

- Финансиски и воено, Европа придонесува (за поддршка на Украина) повеќе од кого било друг. И ќе ја зајакнеме. Сега е критичниот момент, наведе Фон дер Лајен во објава на Икс. 

Европската Унија сака да биде партнер со САД за да се обезбеди праведен и траен мир за Украина, порача претседателката на Европската комисија, Урсула фон дер Лајен по нејзината денешна средба во Брисел со специјалниот американски пратеник за Украина и Русија, генералот Кит Келог.

- Финансиски и воено, Европа придонесува (за поддршка на Украина) повеќе од кого било друг. И ќе ја зајакнеме. Сега е критичниот момент, наведе Фон дер Лајен во објава на Икс.

Европската комисија соопшти дека на средбата со Келог, Фон дер Лајен ја нагласила клучната улога на ЕУ во обезбедувањето на финансиската стабилност и одбрана на Украина, со вкупна поддршка од 135 милијарди евра (околу 145 милијарди долари), што е повеќе од кој било друг сојузник. Во соопштението се додава дека ова вклучува и 52 милијарди долари воена помош, што е на ниво на американската поддршка за Украина.

- Претседателката фон дер Лајен истакна дека ЕУ целосно го покрива својот дел од воената помош за Украина и е подготвена да направи уште повеќе. Таа ги истакна плановите на Европа за зголемување на производството и трошоците за одбрана, зајакнувајќи ги европските и украинските воени капацитети, се наведува во соопштението.

Потврдувајќи ја посветеноста на ЕУ за праведен и траен мир во Украина, Фон дер Лајен повторила дека при тоа мора да се почитуваат украинските независност, суверенитет и територијален интегритет, поддржани со силни безбедносни гаранции.

- Таа, исто така, ја изрази подготвеноста на ЕУ да работи заедно со САД за да се стави крај на крвопролевањето и да помогне да се обезбеди праведен и траен мир, што Украина и нејзиниот народ со право го заслужуваат, се додава во соопштението на Европската комисија.

Келог вчера во Брисел се сретна и со еврокомесарот за одбрана и Вселената, Андриус Кубилиус, како и со генералниот секретар на НАТО, Марк Руте.

СДСМ: Укинување на ДДВ за храна ќе донесе намалување на цените веднаш и заштеда до 2.000 денари

СДСМ предлага законско решение што ќе донесе поевтина храна за граѓаните и ја повикува власта и пртениците од мнозинството да го прифатат. 

Со укинувањето на ДДВ за храна над 250 категории основни производи ќе поевтинат веднаш а тоа ќе донесе значително олеснување за граѓаните.

Учеството на храната и пијалакот во потрошувачката кошничка изнесува над 23.000 денари, што значи ефектите од оваа мерка со заштеда и до 2.000 денари ќе влијае на заштита на стандардот на граѓаните и состојбата на семејните буџети.

Дополнително, укинувањето на ДДВ за храна нема да ги оптовари компаниите, ниту ќе дозволи трговците да ја изиграат. Значи СДСМ нуди законско решение со реален ефект за вистинско намалување на малопродажните цени на прехранбените производи, со што ќе се намали и вредноста на потрошувачката кошница.

Ајде да ги донесеме овие законски решенија заедно. Секое одолговлекување значи нов удар врз семејните буџети, врз граѓаните.

СДСМ - Центар за комуникации со јавноста

притисни ентер