Здравје

Нутриционистите ја решија дилемата како да ги приготвувате шпагетите

Дали ги варите добро, ги преварувате или ги јадете жешки? Не е сеедно!

Тим од нутриционисти ги проучувал тестенините направени од бело брашно и дошол до интересни резултати. Тестенините се богати со јаглехидрати, кои првенствено ги има во лебот, но и во компирот и оризот.

Истражувањето докажало дека на појавата на вишокот килограми не влијае толку храната богата со јаглехидрати колку храната со висок гликемиски индекс (ГИ). Нејзина единствена цел е нагло да ја зголеми енергијата, преку ненадеен скок на шеќерот во крвта.

Меѓутоа, кога шеќерот во крвта нагло ќе скокне, тој се намалува брзо, доведувајќи повторно до чувство на глад. Експертите кои ги проучувале тестенините, кои главно се користат за подготовка на паста, дошле до заклучок дека ако шпагетите се приготвуваат правилно, тие имаат помал гликемиски индекс од лебот, компирот и оризот.

Како што објаснија нутриционистите Лиза Сандерс и Џоана Славин, кои го спровеле ова истражување, начинот на кој се подготвуваат шпагетите е од клучно значење.

- Точно е дека ќе се здебелите ако на одреден начин подготвувате тестенини. За почеток не смеат да се преварат. Гответе ги точно минути колку што пишува на пакувањето, дури и неколку минути помалку. Готвењето тестенини ја менува структурата на скробот. Кога не ги преварувате, гликозата побавно се разградува во дигестивниот систем, а тоа помалку ќе влијае на нивото на шеќер во крвта, и подолго време ќе бидете сити – објасниле истражувачите во студијата.

Според д-р Трејси Робертсон, истражувач на Одделот за нутриционистички науки на Универзитетот во Сари, друга важна работа е како ги сервирате шпагетите, односно дали ги јадете ладни или топли.

- Шпагетите треба да се сервираат ладни. Многу е важен и сосот што оди со нив, кој често е поважен од самите тестенини. Ако користите прелив од домати или сос со зеленчук, тоа ќе има многу повеќе придобивки за вашето здравје отколку јаките сосови со мелено месо. Многу луѓе сакаат шпагетите да ги јадат топли така што се топи и пармезанот врз сосот. Јаките, висококалорични сосови кои се полни со масно, висококалорично сирење во комбинација со жешките тестенини дефинитивно се лоши за вашата тежина – истакна д-р Робертсон за Тајмс, а за тоа пишува и Сан.

Живот

Наместо забава за откривање на полот, таткото завршил во болница- снимка со 32 милиони прегледи

Иако настаните за откривање на полот во повеќето случаи се возбудливо и посебно искуство за родителите и поширокото семејство и пријателите, понекогаш тие можат да тргнат наопаку.

Така, една трудница случајно му го скршила носот на својот сопруг и идниот татко кога дознала дека во нивното семејство ќе се приклучи девојче.

Видеото набрзо стана вистински хит на социјалните мрежи, а моментално има повеќе од 32 милиони прегледи и еден милион коментари.

Како што може да се види на видеото, воодушевената трудница среќно скокнала кога дознала дека носи девојче, но случајно со главата го удрила сопругот во носот и му го скршила. Сето ова, секако, го снимиле камерите и видеото набрзо се појави на TikTok.

@gender.reveal.tv Breaking my husband’s nose at our gender reveal 🙃🎀 #genderrevealfail #notactuallybroken #18weekspregnant ♬ Love You So - The King Khan & BBQ Show

Кошарка

НБА казни млад кошаркар - на жените им ги покажувал интимните делови на телото

Младиот канадски кошаркар Џошуа Примо (20) е суспендиран на четири натпревари без плата поради „непримерно и навредливо однесување кон повеќе жени“, објави НБА.

Американските медиуми пренесуваат дека Примо, кој моментално е без клуб, им ги покажувал интимните делови на голем број жени.

„Примо тврди дека неговото однесување не било намерно, а лигата не најде докази дека тој учествувал во сексуално или друго недолично однесување надвор од овие кратки изложувања“, се вели во соопштението на НБА. „Сепак, ваквото однесување не е во согласност со стандардите на лигата и бара казна“, се додава.

Сан Антонио Спарс го раскина договорот со Примо на 31 октомври минатата година, а младиот кошаркар моментално е без клуб. Тој ќе ја одлежи суспензијата доколку потпише договор со друг тим од НБА.

д-р. Хилари Котен, поранешниот терапевт на Примо, првпат се појави со обвинувања против него минатата есен, велејќи дека тој „се изложил во девет одделни прилики“. Бидејќи Спарс не направија ништо, Каутен го тужел клубот, а тужбата била решена надвор од судот.

Примо одиграл вкупно 54 натпревари во дресот на Спарс, а имал просек од 5,9 поени и 1,8 асистенции по натпревар. Набргу откако бил отпуштен од Спарс, Примо рече дека се бори со своето ментално здравје.

„Побарав помош да се справам со претходната траума што ја претрпев и сега ќе го одвојам ова време за да се фокусирам поцелосно на третманот за моето ментално здравје. Се надевам дека ќе можам да разговарам за овие прашања во иднина за да можам да им помогнам на другите кои претрпеле на сличен начин. Ја ценам приватноста во овој момент“, изјави тој неодамна.

Свет

Цените на нафтата надминаа 96 долари за барел

Цените на нафтата денеска се искачија над 96 долари на меѓународните берзи, поттикнати од индициите за слаба понуда во САД и очекувањата за зголемена побарувачка за гориво во Кина за време на празничната сезона.

На лондонската берза цената на барел со датуми на испорака во ноември беше за 88 центи повисока попладне отколку на крајот на вчерашното тргување и изнесувала 96,26 долари. Поактивно се тргувало со барели со датум на испорака во декември, по 97 центи повисока цена од 94,07 долари.

На американскиот пазар барелот поскапе за 1,31 долари и се тргува за 93,02 долари.

Трговците се фокусираа на знаците на тесна понуда во САД на крајот на неделата. Залихите во резервоарите во Кушинг, од каде се испорачува нафта купена со форвард договори на американскиот пазар, веќе се на најниско ниво од јули минатата година.

„Понатамошниот пад би ги спуштил на критично ниво, што би можело да го отежне нивното извлекување (од резервоарот - op.ed.)“, објаснува Карстен Фрич од Комерцбанк.

Цените се поддржани и од проценките дека побарувачката за гориво во Кина ќе се зајакне за време на седумдневниот одмор што започнува денеска.

„(Зголеменото) патување во странство за време на празникот Златна недела ја поттикнува кинеската побарувачка за нафта“, напишаа аналитичарите на ANZ во белешката до клиентите.

Се очекува и домашните патувања да ја поддржат побарувачката. Податоците од апликацијата за летови на Umetrip покажуваат дека просечниот број дневни резервирани летови е за петтина поголем отколку за време на Златната недела во периодот пред пандемијата 2019 година.

Во меѓувреме, Русија размислува за воведување квоти за извоз на гориво доколку привремената забрана за извоз не го постигне посакуваниот ефект и ако не паднат цените на домашниот пазар. Цените на рускиот бензин и на дизелот благо паднаа денеска на Меѓународната берза во Санкт Петербург.

Економистите прогнозираат дека барелот во Лондон ќе во просек ќе изнесува 89,85 долари во четвртиот квартал и 86,45 долари во 2024 година.

До крајот на годината на цените најмногу ќе влијае намалувањето на понудата од Саудиска Арабија и Русија, но нивниот раст кон 100 долари за барел може да биде забавен од неповолните макроекономски движења, пишуваат аналитичарите.

Организацијата на земјите извознички на нафта (ОПЕК) одделно објави дека барел нафтена кошница на нејзините членки вчера поскапел за 40 центи на 97,48 долари.

притисни ентер