Нуклеарни реактори ќе создаваат енергија на бази на Месечината, направени се микро генератори - Канал 5

Нуклеарни реактори ќе создаваат енергија на бази на Месечината, направени се микро генератори

Научниците од Универзитетот Бангор во Велс, заедно со американската агенција НАСА, развија извор на енергија кој би можел да им овозможи на астронаутите подолги периоди да живеат на Месечината.

Нуклеарни реактори ќе создаваат енергија на бази на Месечината, направени се микро генератори

Истражувачите дизајнирале нуклеарни горивни ќелии со големина на семе од афион кои можат да ја произведат енергијата потребна за долгорочен престој на површината на Месечината, пишува Би-Би-Си.

Би-Би-Си потсетува дека НАСА одлучила повторно да испрати луѓе на Месечината до 2025 година со програмата Артемида (древната грчка божица Артемида е сестра близначка на Аполо, по која беше именувана успешната програма Аполо, за време на која американските астронаути стигнаа до Месечината) , и да започне изградбата на база на Месечината.

Професорот Самон Мидлбург од Бангор рече дека работата за изградба на енергетските ќелии е предизвикувачка, но „забавна“.

- На Месечината и другите небесни тела кои имаат ден и ноќ, не можеме да се потпреме на енергијата на Сонцето, но мораме да дизајнираме системи како микрореактори кои можат да помогнат во одржувањето на животот. Нуклеарните реактори се единствената вистинска опција во овој момент, но горивото мора да биде доволно силно за да ги преживее сите сили со кои ќе се соочи за време на полетувањето, летот и на Месечината, и да остане сигурно со години, вели Мидлбург.

НАСА планира да изгради бази на површината на Месечината за да можат да организираат повеќе мисии, но и за полесно да испраќаат ракети до другите делови на Сончевиот систем.

Истражувачите на Бангор дошле до начин за производство на енергија на Месечината и ги испратиле тие мали нуклеарни горивни ќелии, наречени ТРИСО гориво, на тестирање. Оваа ќелија може да се користи за напојување на нуклеарен микрогенератор на енергија направен од британската компанија Ролс Ројс.

- Генераторот е пренослив уред, со големина на помал автомобил, па можно е да се вметне во ракета. Можно е да се исфрлат во вселената, со сета сила, а сепак ќе бидат безбедни кога ќе бидат поставени на Месечината – изјави Мидлбург.

Тестирањето на генераторот и ќелиите допрва треба да се направи бидејќи останува да се види дали нуклеарното гориво навистина може да ја издржи силата на лансирање и патување во вселената. На Универзитетот Бангор се надеваат дека микрогенераторите можат да се користат на Земјата, особено во зоните на катастрофи, каде што нема повеќе струја.

Месечината беше во центарот на вселенската трка во 1960-тите, кога и СССР и САД се обидоа да слетаат човечки екипаж на површината на Месечината. Трката заврши со американска победа - Нил Армстронг и Баз Олдрин ја освоија Месечината на 21 јули 1969 година. Последниот човечки екипаж ја напушти површината на Месечината во 1972 година, но сега и Америка и Кина имаат намера да испратат истражувачи на Месечината пред крајот на деценијата. Други земји како Индија, Јапонија и Русија исто така со задоволство испраќаат сонди за да го проучуваат придружникот на Земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Собранието ја продолжува расправата за буџетот за 2027 година

Собраниската комисија за финансирање и буџет денеска ја продолжува расправата за предлог-буџетот за 2027 година, по кој се поднесени над 300 амандмани.

Собранието ја продолжува расправата за буџетот за 2027 година

Владата планира приходи од 395,4 милијарди денари и расходи од 440,4 милијарди денари.

Буџетскиот дефицит е проектиран на 45 милијарди денари, односно 3,5 проценти од БДП.

За капитални инвестиции се предвидени 40,8 милијарди денари.министерката за финансии Гордана Димитриеска-Кочоска очекува економски раст од 3,8 проценти во 2027 година.

Од ВМРО-ДПМНЕ оценуваат дека буџетот обезбедува финансиска стабилност и средства за инфраструктурни проекти.СДСМ, пак, ги оспорува економските проекции и предупредува дека задолжувањето не го подобрило животниот стандард.Опозицијата ги критикува и поскапувањата на енергијата и отсуството на зголемување на минималната плата. Расправата може да трае до десет дена, од кои шест се предвидени за разгледување на амандманите.

По завршувањето на комисиската расправа, буџетот ќе продолжи во собраниска процедура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Зеленски: Ограничувањата на „Старшилд“ ја отежнуваат одбраната на Украина од руските напади

Украинскиот претседател Володимир Зеленски предупреди дека ограничената брзина на американскиот сателитски систем „Старшилд“ ја отежнува одбраната на Украина од руските напади.

Зеленски: Ограничувањата на „Старшилд“ ја отежнуваат одбраната на Украина од руските напади

Тој побара од САД и компанијата на Илон Маск да ги укинат ограничувањата, нагласувајќи дека од тоа зависи заштитата на животите и енергетската инфраструктура пред зимата. Проблемот со брзината на системот, кој го развива „Спејс Икс“, трае веќе неколку недели.

Украина го користи „Старлинк“ за комуникација на бојното поле, додека „Старшилд“ е наменет за воени потреби, вклучително и заштита од ракети и беспилотни летала.Ограничувањата првпат беа забележани во октомври, по што следуваа спротивставени изјави од Илон Маск и американскиот претседател Доналд Трамп. Маск тврдеше дека одговорноста е на американската влада, бидејќи таа управува со системот, додека Трамп негираше дека Вашингтон е одговорен.

Зеленски побара украинските власти да соработуваат што поблиску со американската администрација и компанијата на Маск за надминување на проблемот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Искра Хаџи Василева официјално ја презема функцијата шефица на ОЈО ГОКК

Основното јавно обвинителство за гонење организиран криминал и корупција добива ново раководство.

Искра Хаџи Василева официјално ја презема функцијата шефица на ОЈО ГОКК

Искра Хаџи Василева денеска официјално ќе ја преземе функцијата од досегашниот шеф Ислам Абази.

Примопредавањето ќе се одржи во просториите на обвинителството, по што е предвидена средба со јавниот обвинител Ненад Савески.

Хаџи Василева беше избрана на функцијата на 28 октомври, со освоени 64 гласа од вкупно 171 важечко гласачко ливче.по изборот, таа најави дека приоритет ќе ѝ бидат поефикасниот кривичен прогон на организираниот криминал и корупцијата, подобрата организација на работата и искористувањето на постојните ресурси.

Најави и залагање за дополнителни човечки и материјални капацитети на институцијата.. со денешното примопредавање официјално започнува мандатот на новата раководителка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер