Нудат 50.000 фунти на човек што јаде месо за да стане веган на три месеци

Веганска компанија им нуди на „најголемите месојади во Велика Британија“ шанса да заработат 50.000 фунти со тоа што ќе станат вегани на три месеци.

Vibrant Vegan неодамна објавила дека бара „вегански љубопитен координатор“, тврдоглав месојад кој е подготвен да доживее исклучиво вегански начин на живот најмалку три месеци.

Избраното лице ќе мора да потпише договор со што ќе вети дека нема да консумира храна од животинско потекло три месеци, а во исто време да ги охрабри другите преку социјалните мрежи да пробаат веганизам. Доколку се држи до договорот, ќе заработи 50 илјади фунти, пренесува Oddity Central.

„Како што влегуваме во новата година, ние во Vibrant Vegan сакаме да ги покажеме не само здравствените и еколошките придобивки од веганизмот, за кои толку многу слушаме, но исто така потенцираме дека веганската храна може и треба да ја уживаат сите - дури и најголемиот љубител на месо во Велика Британија., рече Јан Бурк-Хамилтон, основач на Vibrant Vegan.

Идејата за претворање на месојадите во вегански љубопитен координатор на компанијата барем накратко била инспирирана од истражувањето спроведено на 15.000 месојади, во кое 34% од испитаниците признале дека се „љубопитни вегани “.

Компанијата исто така ќе обезбеди неограничени вегански оброци на избраниот, а на располагање ќе има и нутриционист.

Доколку успее да издржи три месеци, кандидатот ќе добие понуда да остане веган цела година. Vibrant Vegan тогаш ќе му обезбеди вегански оброци во вредност од 100 илјади фунти, под услов да прави еден вид дневник за исхрана на социјалните мрежи.

Кој кандидат ќе биде избран, компанијата ќе објави на 25 јануари, додека тестот започнува на 1 февруари.

Арсовски: Молкот за тендерите кои ги доделиле СДСМ на нивниот советник ги потврдува сомнежите

Поминаа неколку дена од обелоденувањето на скандалозниот тендер за маркетинг од 200.000 евра во Фондот за иновации, а од СДСМ и власта гледаме единствено молк, рече Димче Арсовски, портпарол на ВМРО-ДПМНЕ.

СДСМ преку државните институции доделила над десетина милиони денари во тендери на нивни советник од Град Скопје, кој ја раководи маркетинг агенцијата Бригада Дизајн.

Човек кој нема гукнато, нема изустено ниту еден збор изминативе 3 години и нема дадено никаква изјава во градот Скопје како партиски функционер на СДСМ, дебело се нафатирал и обогатил од парите на граѓаните, односно од парите на државните институции.

Молкот од страна на власта и СДСМ и сеуште непреземањето на никакви чекори е потврда на сомнежите дека се работи за потенцијален криминал и испумпување на народните пари преку фирми на функционери на СДСМ во конкретниот случај фирма на Бојан Ивановиќ, советник о редовите на СДСМ во Градот Скопје.

Почитувани,

Во периодот од 2018 до 2019 година и 2020та година Бојан Ивановиќ од СДСМ добил неколку милионски тендери во денари од Фондот за иновации и уште два тендери од Регулаторната комисија истата онаа комисија која им ја покачи цената на струјата на граѓаните. Вкупно над 10 милиони денари, народни пари, завршиле во џебот на функционер на СДСМ, понатаму не знаеме каде.

Над 55.000 граѓани останаа без работи, огромен број на компании пропаднаа заради економската криза и некапацитетноста на власта да им помогне и да се справи, а СДСМ и нивните функционери испумпуваат пари на граѓаните од Буџетот на фимрите односно институциите на државата.

Затоа повторно јавно прашуваме исто како и вчера, дали СДСМ ќе преземе одговорност за овие тендери, дали Петре Шилегов ќе побара оставка од својот советник Бојан Ивановиќ, дали Коста Петров ќе го раскине спорниот тендер и ќе направи ревизија на претходните тендери кои што му биле доделени на истиот овој човек кои што исто така се прилично сериозни суми и дали конечно антикорупциската комисија која стана експерт за прикривање корупција на власта изминатите три години, конечно ќе отвори случај да ги истражи сите овие тендери и на кој начин завршиле во џебот на еден советник од редовите на СДСМ?

Институциите се на потег, но знаејќи ја нивната сервилност кон власта, Заев и СДСМ, очигледно ќе молчат додека некој ги краде парите на граѓаните, рече Арсовски.

Ковачки: Непрофесионализмот при издавање на безбедносни сертификати е препознаен во НАТО

Трет ден како Министерот за одбрана и претседателот на државата молчат и не даваат одговор на поставените прашања во врска со скандалот што и’ го приредија на својата држава, рече Драган Ковачки, Член на ИК на ВМРО-ДПМНЕ.

Со неодговарањето на поставените прашања од нашите прес конференции, Радмила Шекеринска и Стево Пендаровски ги девалвираат институциите кои ги претставуваат. На сите им е јасно дека проблемот за враќањето на двајцата кандидати за воени, односно одбранбени претставници на Македонија во НАТО е во власта.

И двајцата кандидати за претставници во НАТО кои беа вратени од Алијансата, внимавајте - добиле НАТО сертификат од органите на Република Македонија, но истите кога повторно биле проверени од нашите сојузници, не добиле потврда за тоа.

Ова ни помалку ни повеќе, значи дека органите, односно институциите што се целосно партизирани од страна на партијата на власт, издаваат НАТО сертификати, кои при повторна проверка од страна на Алијансата се оценуваат како неточни и некредибилни. Значи, станува збор за делегитимирање на целиот процес воден од македонските институции.

Постои огромен сомнеж, а последните два примери се чист доказ, дека институциите под власт на СДСМ издаваат НАТО сертификати само на лица подобни за власта, без разлика на тоа дали лицето реално ги исполнува условите или не. Ќе ве потсетам на примерот кога за само 5 дена му издадоа сертификат за пристап до Државна тајна на новинар близок до ставовите на СДСМ.

Од друга страна, лица кои ги исполнуваат условите за добивање на безбедносни сертификати во Република Македонија, се подложни на одбивање, само затоа што се политички неподобни. Значи, процесот на ветинг, односно безбедносна проверка, наместо да биде во функција на државата и спроведуван од институции предводени од професионалци, се користи за партиска пресметка со неистомислениците и неподобните. Од почит кон тие лица, нема да изнесуваме имиња.

Очигледно е дека и покрај дебаклот со нејзините номинации, Шекеринска продолжува да ја поисоветува партијата со министерството и да импровизира на полето на безбедноста.

Г- ѓо Шекеринска, нашите укажувања се добронамерни. И самите сте свесни дека со вашиот однос кон овие прашања уште еднаш потврдувате дека сте го промашиле ресорот кој Ви е доделен да го водите. Ја изигравте правната држава и за тоа добивте потврда и од алијансата.

За ваше добро и добро на татковината Македонија, одважете се и понесете одговорност.

Време е за Оставка веднаш!, рече Ковачки.

Мала група верници се капеа во Охридското езеро за Водици

Иако  Светиот крст не се положи во водите на Охридското езеро, годинава Водици се чествуваше поинаку поради пандемијата, сепак мала група охриѓани се капеа во водата.

Светиот крст во Охрид од црковниот казан во светиот храм Свети Никола Геракомија замина во рацете на Никола Чорбески од Варош,кој со кртстот влезе во езерото ,а останатите го следеа .

Големиот христијански празник Богојавление-Водици во Охрид помина без традиционалното одбележување со илјадници верници на пристаниште и стотици капачи кои традиционално скокаа во водите на Охридското езеро по Светиот крст.

притисни ентер