Новороденче во Франција се родило заразено со корона

Лекарите на Франција го опишаа првиот потврден случај на новороденче заразено со Ковид-19 за време на бременоста.

Машкото новороденче, родено во март, имало отекување на мозокот и невролошки симптоми поврзани со ковид-19 кај возрасните, но оттогаш се опоравило, објави списанието „Nature Communications“.

Претходните истражувања сугерираат можност за пренесување на вирусот од мајка на фетус, но студијата ги дава првите докази, вели водечкиот автор Даниеле Де Лука, доктор во болницата „Антоан Белере“ во близина на Париз.

„Покажавме дека преносот преку плацентата од мајка на фетус е можен во последните недели од бременоста“, рече тој.

Минатата недела, италијанските научници објавија дека нивната студија на 31 бремена жена хоспитализирана поради „Ковид-19“ „силно сугерирала“ дека вирусот може да се пренесе на нероденото дете.

Студијата објавена во медицинскиот журнал AMАМА во март, во која се вели дека сличен број бремени жени со „Ковид-19“ дошле до истите заклучоци.

Но, доказите не биле цврсти.

„Мора да ја анализирате крвта на мајката, амнионската течност, крвта на новороденчето, плацентата ...“, рече Де Лука.

„Собирањето на сите овие примероци за време на пандемијата не е лесно. Затоа беше сомнително, но не и докажано“.

Де Лука и неговиот тим го утврдиле сето ова во случај на бремена жена во нејзините 20-тина години, која била хоспитализирана на почетокот на март.

Бидејќи таа се породила со царски рез, лекарите можеле да ги соберат сите примероци без загадување.

Највисоката концентрација на вирусот САРС-КоВ-2 била во плацентата, откриле научниците.

„Оттука, се пренесе во папочната врвца на бебето каде што се размножува“, рече Де Лука. „Тоа е преносниот пат“.

Бебето развило сериозни симптоми 24 часа по раѓањето, вклучувајќи тешка вкочанетост на телото, оштетување на белата мозочна материја и екстремна раздразливост.

Пред лекарите да се договорат за можна терапија, симптомите почнале да престануваат и по три недели бебето целосно се опоравило.

Три месеци подоцна, мајката немала повеќе симптоми.

„Лошата вест е што се случи и дека може да се случи“, вели Де Лука. „Добрата вест е дека е ретко - многу ретко во споредба со глобалното население“.

Меѓу илјадниците бебиња родени кај бремени жени со ковид-19, само еден или два проценти биле позитивни на вирусот, а уште помалку имале потешки симптоми, вели Маријан Најт од универзитетот Оксфорд, која потсетува дека најважно е бремените жени да се придржуваат кон пропишаните мерки против ширење на вирусот.

САД: Бурата Клоудет може да погоди седум милиони луѓе

 Националниот центар за урагани соопшти дека се очекува до полноќ по локално време силна бура, наречена Клоудет, да пристигне до американското тло од брегот на Луизијана.

Издадено е предупредување дека нова тропска бура, која може да погоди околу седум милиони луѓе кои живеат на јужниот брег на САД, би можела да стигне до копното.

Објавено е дека пороен дожд и силен ветар од Мексиканскиот Залив од утринските часови почнале да стигнуваат до копното на САД, заканувајќи им се на седум милиони луѓе кои живеат во регионот од Луизијана до Флорида.

– Кабинетот на гувернерот за национална безбедност и подготвеност за итни случаи (GOHSEP) мобилизира тим за кризни ситуации и заедно со нашите локални партнери сме подготвени за сите неопходни итни случаи, изјави гувернерот на Луизијана, Џон Бел Едвардс.

Вонредна состојба беше прогласена минатиот месец во Луизијана, каде во поројни дождови и поплави загинаа најмалку четири лица.

МВР: Санкционирани 194 мотоциклисти

Вкупно 194 мотоциклисти санкционира полицијата во текот на вчерашниот за време на зајакнатата контрола на територијата на Република  Македонија.

Од нив, 58 управувале мотоцикл без да поседуваат возачка дозвола, односно потврда за положен возачки испит, 10 мотоцикли биле нерегистрирани, 107 мерки се преземени за неносење заштитна кацига, а девет мотоцикли се времено одземени поради техничка неисправност и непродолжена важност на сообраќајната дозвола повеќе од шест месеци.

Според МВР, најголем број од санкциите се изречени на територија на СВР Велес – 43, СВР Битола – 30, СВР Струмица – 28, СВР Тетово – 25…

-Засилените акциски контроли продолжуваат и во наредните денови. Сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, апелира МВР.

Одбележани 108 години од Тиквешкото востание

Сто и осум години од Тиквешкото востание беа одбележани денеска во Кавадарци, со положување цвеќе пред споменикот во паркот „Полана".

Историчарот Петре Камчевски потсети дека востанието кое започнало на денешен ден во 1913 година, било израз на револт против насилствата, теророт, убиствата и силувањата што ги извршиле тогашните српски воено-административни власти врз населението во Тиквешијата, во време на интерегрумот меѓу Првата и Втората балканска војна.

Востанието започнало со пукање врз чиновниците, офицерите, жандармите и другите претставници на српската власт во Кавадарци. За кратко време биле ослободени Кавадарци, Неготино, Ваташа, Криволак и уште 50-сетина населени места во Тиквеш. Востаниците имале свој штаб кој го сочинувале војводи и револуционери од времето на Илинденското востание. На востаниците им пристапиле и четите на Васил Чакаларов, Петар Чаулев, Милан Ѓурлуков, Христо Чернопеев, Ѓакон Евсатиј и други и нивниот број изнесувал повеќе од 1000 борци. Во Кавадарци било симнато српското знаме и било поставено Револуционерното тиквешко знаме од 1903 година на кое пишувало „Слобода или смрт", а под него "Тиквешки револуционерен округ".

По 7 дена, на 25 јуни голема српска војска предводена од Василие Трбиќ, а во чиј сосстав имало и неколку башибозучки дружини како на Јаја Ага Малиќ, Јован Долгачот, Јован Бабунски и други, успеале по големи борби да ги потиснат востаниците од Кавадарци, Неготино, Ваташа, а овие заедно со голем збег од народ, морале да се повлечат кон селата под планината Кожув.

– Српските воени власти жестоко се справиле со населението, биле убиени 545 луѓе според извештајот на Карнегиевата комисија, 1000 куќи и дуќани биле запалени, 2700 луѓе биле затворени, а повеќе од 10000 биле приморани да ги напуштат своите домови и да емигрираат во Бугарија. Најмогу жртви имало во Неготино-117, Бохула-44, Ваташа-37, Кавадарци-25, Прждево 35 и слично. Причините за Тиквешкото востание и последиците од него, претставуваат најголемиот злостор врз народот од овој крај во поновата историја на Тиквешијата, нагласи Камчевски.

притисни ентер