Новогодишни концерти со класична, забавна и фолк музика во Ресен - Канал 5

Култура

Новогодишни концерти со класична, забавна и фолк музика во Ресен

Домот на културата „Драги Тозија" од денеска до 27 декември во Ресен организира серијал новогодишни концерти.

Новогодишни концерти со класична, забавна и фолк музика во Ресен

Првиот организиран културен настан ќе се одржи вечер, на кој македонски народни песни ќе исполнат групите „Персиди" и „Астра" од Ресен, и „Романтик" од Охрид. Вечер во Ресен ќе настапат и вокалните солисти Ташко Каранфиловски, Марија Митровска, Елена Сековска, Ѓорѓи Ставревски и Фросина Петкоска, како и членовите на КУД „Таше Милошевски".

Според програмата, утревечер во Ресен ќе настапат локалните бендови „Инстинкт", „Тротоар", „Аутбрејк" и „Сајленс бенд", а гости ќе бидат Мартин Димитриевски, Благојче Кичуловски, Сашо Тасовски и Тони Карапанчевски.

За љубителите на класичната музика, в четврток во Ресенскиот сарај ќе се одржи предновогодишен концерт на класична музика, на кој ќе настапат Лила Миљовска, Гоце Милошевски, Љупчо и Игор Милевски и Јован Симоновски.

Серијалот новогодишни културно-забавни настани ќе заврши в петок кога претпладнето на плоштадот „Цар Самоил" во Ресен ќе се одржи предновогодишен базар, со учество на деца од ликовната работилница при Домот на културата „Драги Тозија" и ученици од основните и средните училишта во општината.

Вечерта за публиката во тој град ќе биде одиграна претставата „Новогодишна бајка", реализирана во соработка со локална самоуправа, Дом на култура „Драги Тозија" и НВО „Жар". /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Нови еколошки алатки за почист и уреден град

Денес беа промовирани новите еколошки алатки на ЈП „Комуналец“, наменети за поефикасно и современо одржување на градските зелени површини.

Јанчев: Нови еколошки алатки за почист и уреден град

Новата опрема ќе придонесе за полесно, побрзо и поеколошко одржување на Градскиот парк „Љупчо Шкартов“, создавајќи почисто и поубаво место за сите граѓани, соопшти градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Москва: Подготвени сме за нови идеи за мир во Украина, но само ако ја одразуваат реалноста на терен

Русија е подготвена да разгледа нови американски предлози за прекин на војната во Украина, но тие мора да ја земат предвид состојбата на терен и руските барања, изјави заменик-министерот за надворешни работи Сергеј Рјабков.

Москва: Подготвени сме за нови идеи за мир во Украина, но само ако ја одразуваат реалноста на терен

Според него, комуникацијата меѓу Москва и Вашингтон продолжува на повеќе нивоа, вклучително и меѓу владините структури и безбедносните служби.

Тој оцени дека американската страна во одредени моменти покажала „конструктивен пристап“ и поголемо разбирање за руските позиции, но додаде дека напредокот ќе зависи и од влијанието на Вашингтон врз Киев и европските сојузници. Русија во моментов контролира околу една петтина од украинската територија, а Москва инсистира секој мировен договор да ја земе предвид сегашната состојба на фронтот.

Украина, пак, останува на ставот дека договор кој би ја легализирал руската окупација е неприфатлив..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Официјална Тирана реагира зашто немало албанска химна на фестивалот во Пустец на кој присуствал премиерот Мицкоски

Министерството за Европа и надворешни работи на Албанија реагира по културниот настан одржан вчера во Пустец на кој присуствуваше премиерот Христијан Мицкоски, поради тоа што не била интонирана химната на Албанија, покрај македонската.

Официјална Тирана реагира зашто немало албанска химна на фестивалот во Пустец на кој присуствал премиерот Мицкоски

Албанското МНР го опиша ова како сериозен недостаток на почитување на националните симболи и правилата на институционалниот протокол.

- Почитувањето на националните симболи не треба да биде прашање на политика или толкување. Тоа е дел од институционалната етика, протоколот и, пред сè, меѓусебно почитување, особено во простор каде што коегзистираат различни заедници и идентитети. “, пишува во реакцијата на албанското минстерство.

Премиерот Христијан Мицкоски вчера објави дека ја посетил Мала Преспа и присуствувал на Фолклорниот фестивал „Преспа 2026“ посветен на македонската традиција, култура и фолклор, што се одржал под негово покровителство.

Оттаму порача дека границите може да ги поделат териториите, но не може да ги избришат јазикот, културата и чувството на припадност.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер