Новогодишен концерт на велешкото музичко училиште „Стефан Гајдов“ - Канал 5

Култура

Новогодишен концерт на велешкото музичко училиште „Стефан Гајдов“

 Новогодишен концерт со класична и народна музика синоќа изведоа учениците од сите класи на инструменти од Основното општинско музичко училиште „Стефан Гајдов“.

Новогодишен концерт на велешкото музичко училиште „Стефан Гајдов“

Концертот се одржа во големата сцена на Народниот театар „Јордан Хаџи Константинов-Џинот“ во Велес. Концертот го почна хорот на ООМУ „Стефан Гајдов“ со Ѕвончиња, Среќен Божиќ и Танцот на снегулката под водство на професорката Славица Ставрева. Потоа ученици самостојно или во дует на клавир, виолина, виолончело, флејта, кларинет, класична гитара изведоа дела од Шостакович, Шуман, Обер, Шопен, Моцарт, Брамс, Лист, Џоплин, Григ...

Свој настап имаше и оркестарот на традиционални инструменти на музичкото училиште под водство на професорот Трајче Малинов, кој свиреше стари македонски народни песни.

Настапи и Оркестарот на ООМУ „Стефан Гајдов“ со виолини, виолончело, флејти и кларинет под водство на професор Златко Андреев и професор Роска Чукниева со популарни мелодии – Чајковски: Баркарола-Санта Лучија-О соле Мио и Џингл Бел.

За програмата се погрижија професори од сите класи на Музичкото училиште во Велес, професорите Илија Настовски, Јованче Банев, Благој Каракачанов, Златко Андреев, Роска Чукниева, Елена Ѓорѓиевска, Татјана Алексова, Филип Величковски, Роберт Андовски,Трајче Малинов и корепетиторот Игор Андреевски.

Директорката на ООМУ „Стефан Гајдов“ Габриела Бачманова за МИА изјави дека и годинава овој традиционален Новогодишен концерт беше одлична можност за заедничка прослава на новогодишните празници на учениците, наставниците, нивните родители и сите граѓани кои се љубители на музиката.

-Многу сум задоволна и среќна од успешниот настап на сите класи ученици и оркестарот и хорот на нашето Музичко училиште. Овој концерт е потврда за нивниот вложен труд, вежбање и напорно музицирање и за тоа добија силни и долги аплаузи. Затоа ние заедно учениците и наставниците на сите родители, баби и дедовци и други посетители им приредивме едно прекрасно уживање, една бајка проследена со прекрасна музика и песна, а надополнето со бајковито украсената сцена од страна на нашите професори, потенцира Бачманова.

На крајот на концертот како изненадување за сите на сцената дојде и Дедо Мраз, кој сите учесници на концертот ги награди со подароци.

Учениците од ООМУ „Стефан Гајдов“ редовно се учесници на бројни домашни и меѓународни музички натпревари и фестивали и добитници на голем број награди и признанија. ООМУ „Стефан Гајдов“ е првото отворено музичко училиште во земјава, веднаш по војната и прославува 78 години од своето успешно постоење и работа. Од неговите клупи произлегле голем број професори и врвни музичари кои настапувале и настапуваат на музичката сцена во земјава и на врвни музики сцени во Европа и светот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Њоки

Во понеделник (28.09.2026) во емисијата гостин ни бeше Анета Љумаковска.

„Гответе со Дракче“ - Њоки

Состојки за денешниот рецепт:

400 гр. њоки

100 мл. павлака за готвење

5 - 6 сушени домати

1 чешне лук

малку пармезан

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Португалија: Ако Роналдо сака да се врати, ќе се врати

Селекторот на португалската репрезентација, Жорже Жезус, изјави дека Кристијано Роналдо може да се врати во националниот тим доколку одлучи да го стори тоа.

Селекторот на Португалија: Ако Роналдо сака да се врати, ќе се врати

41 годишниот Роналдо кој со децении беше капитен на Португалија, го напушти репрезентативниот камп за време на Лигата на нациите, откако натпреварот против Норвешка го мина на клупата за резерви и потоа дозна дека нема да биде во почетниот состав ниту против Данска.

Напаѓачот на Ал-Наср има одиграно 234 натпревари и постигнато 146 гола за Португалија – што претставуваат светски рекорди во двете категории.

По напуштањето на кампот, тој на социјалните мрежи напиша: „Кога ќе дојде време, ќе им ја кажам на Португалците целата вистина за причините поради кои ја напуштив репрезентацијата, на која отсекогаш сум ѝ бил целосно посветен“.

Селекторот Жезус зборуваше за ситуацијата со Кристијано на пресот по синоќешниот натпревар против Норвешка, во кој Португалија обезбеди пласман во четвртфиналето на Лигата на нации.

„Ако сака да се врати во репрезентацијата, ќе се врати“, рече Жезус, кој исто така му беше тренер на Роналдо во Ал-Наср.

„Можеме да разговараме пред следниот повик, но Крис е тој што ја носи одлуката. Кристијано треба да ја заврши својата репрезентативна кариера под свои услови; тој е тој што ќе одлучи како ќе замине“, изјави селекторот.

Жезус се потсети и на нивниот претходен договор. „Кога го објавив првиот состав, му реков: 'Ми требаш; те сакам покрај себе, без разлика дали играш или не'. И истото му го кажувам и сега.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер