Дијалог со Бугарија има, закажана нова средба со министерката за надворешни Чамова нема- шефот на македонската дипломатија Тимчо Муцунски уверува дека за евроинтеграциите на земјава има активен дипломатски ангажман во кој нема отстапки од македонските позиции. Без да навлегува во детали за бегството на Ива Михајлова која во изминатиот период предизвика заострување на реториката меѓу двете земји, Муцунски ја оцени како непристојна нејзината заштита во Бугарија. Најави дека во декември ќе има неколку министерски самити кадешто ќе има можност отворено за сите прашања да разговара со Чамова.

-Навистина е непристојно една земја членка на ЕУ да станува прибежиште за тие што или се осудени за кривични дела или се лица за кои има степен на сомнеж и се водат постапки во рамки на судовите во државата. ќе бидам внимателен во јавните изјави, како што неодамна кажа и претседателот на Владата Мицкоски, Македонија нема интерес да стане дел од „естрадата“ поврзана со оваа тема во Бугарија, која е поврзана и со претседателските избори што се во тек во таа држава. Дијалог има и тој ќе продолжи. Воспоставуваме билатерален дијалог со Бугарија, но и со претставници на Европската Унија и со земјите членки на ЕУ,- Тимчо Муцунски – министер за надворешни работи и надворешна трговија.

Муцунски беше домаќин на неговиот колега од Словачката Република Јурај Бланар со кој зборувале и на оваа тема и за блокадата на Македонија во ЕУ. Бланар рече дека Братислава е голем поддржувач на македонските евроинтеграции и треба да направи исчекор со оглед на спроведените реформи, во спротивно вели фрустрациите ќе се зголемат. Потенцираше дека во проширувањето на унијата нема еднаков третман за сите земји кандидатки.

-Словачка Република е против какви било двојни стандарди во пристапувањето кон Европската Унија помеѓу државите како Украина, Молдавија или Грузија. Не можеме да прифатиме европска интеграција заснована на европски стандарди да има различни критериуми за различни држави,- Јурај Бланар – министер за надворешни работи на Словачка.

Муцунски и Бланар кажаа дека Македонија и Словачка имаат одлични билатерални односи и економска соработка која најавија дека ќе се продлабочува. Покрај тет-а-тет и билатерлната средба на делегациите, шефот на словачката дипломатија оствари средби и со претседателката Сиљановска Давкова и со собранискиот спикер Гаши.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Штетата на буџетот, што ја причиниле се проценува на околу еден и пол милион евра.

Пред Фондот за здравство е Дејан Трајкоски.. Дејан, неофицијално, во истрагата е опфатен и поранешен директор на Фондот?

Во видеото погледнете го целиот извештај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според Филипче политичките промени во Србија можат да имаат последици и врз позицијата на македонскиот премиер, а до опозицијата, како што рече, пристигнувале информации за можни трансфери на пари од Србија во Македонија. Мицкоски остро ги отфрли наводите од опозицијата, оценувајќи дека СДСМ се обидува политичките случувања во Србија да ги искористи за напади врз македонската Влада, правејќи аналогија со неоснованите обвинувања за унгарскиот кредит.

-Па ќе се отворат прашања за кинеските пари од Унгарија, за Алта банка, за тоа дали има навистина, како што сè повеќе имаме информации, трансфер на пари од Србија тука. Некои документи видов пред неколку дена. Ако е тоа стварно така, мене ми е вака човечки жал за тебе, да ти кажам право, не политички, ама патот сам си го избираш. Веројатно ќе одговараш на прашања и за трансферот на дрога преку граница, е тогаш на тие инстанци веќе нема да може да се дефокусира и да се даваат лажни информации. Можеби си ја промашил професијата, бил добар уредник на Информер или на Колегиум, изјави Филипче.

- Истото го зборувавте и за Орбан пред 6 месеци, истите прес конференции од А до Ш. Споредете ги и во овие 6 месеци, и тогаш велевте ќе се откриеле криминалиите на Мицко со Орбан, не знам што е се случуваше итн....Ме обвинивте дека сум бил човекот којшто трансферирал дрога, пари, што уште не се изнаслушав од тоа дека сум идиот и не знам уште што уште не слушнав од вас за себе и нема да се спуштам на тоа ниво и да одговорам, мислам дека не заслужувате. Бидејќи тоа се работи што се учат во првите 7 години од животот. Најверојатно тие ваши први години биле полни со фрустрација, па тоа сте го испуштиле. Моите 7 години беа среќни, изјави Мицкоски.

Во фокусот на опозициските пратеници беа меѓуетничките односи и изборите во Брвеница.

На критиките од пратеникот Скендер Реџепи дека повикувал на етничко гласање, премиерот Мицкоски дециден - никој од ВМРО-ДПМНЕ не повикал на етничко гласање, тоа го правите вие и коалицијата на ДУИ.

Премиере, вие пред неколку дена истакнавте од општина Брвеница дека опцијата на кандидатот од опозицијата е криминална и ова за мене беше срамно бидејќи не знам дали зборувавте како премиер, претседател на партија или како обвинител, изјави Скендер Реџепи.

- Сите до еден и Македонци и Албанци, со кои разговарав, најмногу Албанци ми рекоа овие што не избркаа од тука, ги избркаа нашите братучеди, тетки, вујковци, чичковци кои се некаде на Запад, сега доаѓаат повторно да не делат. Дваесет години еден проект нема за Брвеница, еден проект. Христијан Мицкоски како претседател на Владата, Јовица покоен како градоначалник, Александар Николоски како потпретседател и министер за транспорт ќе го гради патот за Гургурница, нагласи премиерот Мицкоски.

Во дуелот меѓу Мицкоски и Филипче се најде и темата за отворањето рудници во Македонија. Според Филипче доколку Владата ги започне постапките за отворање рудници, на неколку локации ќе се соочи со сериозен отпор од граѓаните, кој СДСМ ќе го поддржи, а доколку е потребно, како што рече ќе се формира и жив ѕид за да се спречи нивното отворањето. Мицкоски одговори- го поддржува отворањето рудник за антимон во селото Луке, Крива Паланка, посочувајќи дека ист став има и градоначалникот на општината од редовите на СДСМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.