Ново гледалиште со заменети столчиња и под во Театар Комедија - Канал 5

Култура

Ново гледалиште со заменети столчиња и под во Театар Комедија

Театар Комедија има обновено гледалиште со 305 нови столчиња за публиката и нов ПВЦ-под. 

Ново гледалиште со заменети столчиња и под во Театар Комедија

Реновирањето овозможено и со донација на Република Полска почна пред 20-ина дена и чини околу 9 милиони денари.

-Тие столови имаа историја од шеесетина години, носеа некоја емоција и традиција, но, сепак, веќе беа нефункционални и имаше поплаки од публиката. Им благодарам на Полската амбасада и амбасадоот Мариуш за помошта и донацијата што ја дадоа за поддршка на овој проект, кој чини околу 9 милиони денари. Министерството за култура и туризам го поддржа со околу 5,3 милиони денари проектот за реновирање на салата т.е. менување на столовите и на подот, изјави министерот за култура и туризам Зоран Љутков.

По посетата на салата во театарот, заедно со амбасадорот на Полска Мариуш Бримора, министерот посочи дека и во иднина ќе има инвестиции за Театар Комедија кој е, рече, еден од најпосетените театри во Македонија. За следната година е во план реновирање на гардеробите и менување на осветлувањето и на самата сцена.

Документ за завршениот проект со поддршка од Полска потпишаа полскиот амбасадор Мариуш Бримора и директорот на Театар Комедија, Дарко Спасов.

Бримора кажа дека поддршката е една од поважните активности на дипломатијата на Полска во многу региони во светот која го вклучува и Западен Балкан. Тој ги покани гледачите да ја проследат првата претстава во новото гледалиште овој петок – македонска премиера на претставата „Ивона, принцезата на Бургунд“ по текст од полскиот писател Витолд Гомбрович, во режија на Билјана Радиноска.

-Амбасадите на Полска во регионот спроведуваат многу проекти секоја година. И ова е пример за поддршка на Полска во проект што успешно го завршивме со Театар Комедија во Скопје. Тоа беше совршено партнерство и сум многу задоволен од резултатот. Им благодарам на директорот и на министерот за култура за поддршката на нашиот проект со кој претставуваме нова опрема за публиката во театарот. Првата прилика таа да се проба е в петок вечер кога ќе биде изведена македонска премиера на претставата „Ивона, принцезата на Бургунд“ од полскиот автор Витолд Гомбрович, истакна Бримора и додаде дека ваквите партнерски проекти ќе продолжат и во иднина.

Театар Комедија е отворен во ноември 2011 година и е меѓу најпосетуваните театари во државава. Во 14-те години поставени се над 50 премиери, во оваа година имале осум. „Ивона, принцезата на Бургунд“ на 28 ноември ќе биде нивната деветта премиера во 2025-та, а сезоната ќе ја заокружат со десетта премиера – „Ана“ во режија на Нина Николиќ. Годишно Театар Комедија има околу 120 изведби со приближно 33 000 гледачи.

Ансамблот на Театар Комедија сцената ја дели со нивните колеги од Турски театар-Скопје кои чекаат да се вселат во новиот објект кој веќе една деценија е во изградба.

Според министерот Љутков, отворањето на Турскиот театар-Скопје се очекува на крајот на 2026 или почетокот на 2027 година.

-За таа зграда процесот беше запрен околу пет-шест години. Во 2023 година почна да се става фасадата, сега работиме со многу забрзано темпо за да го завршиме. Се работи третата, псоледната фаза – ентериерното уредување и сценската технологија која оди малку побрзо. Сè зависи од временските услови и од динамиката, би требало да биде готов до крајот на 2026 или почетокот на 2027 кога и Турскиот таетар ќе се пресели во нова зграда, рече Љутков одговарајќи на новинарско прашање.

Тагови: Театар Комедија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Ако климата ви работи цела ноќ, правите голема грешка, последиците ќе ги почувствувате веќе следното утро

Една едноставна промена во начинот на кој ја користите климата, ќе ви го подобри сонот и ќе ја намали потрошувачката на електрична енергија.

Ако климата ви работи цела ноќ, правите голема грешка, последиците ќе ги почувствувате веќе следното утро

Будење во 4.30 наутро со вклучен клима - уред кој и понатаму работи на 21 степен можеби делува како последица на летната спарнина, но стручните лица предупредуваат дека тоа би можело да е знак дека температурата во просторијата не е оптимално наместена за квалитетен сон. Специјалистот за одржување на домот Алвин Пулинс нагласува дека разладената просторија може да помогне при спиење, но премногу ладен простор го нарушува одморот.

Кога температурата ќе падне под пријатната граница, телото почнува да троши енергија за загревање наместо на одмор, што може да доведе до тоа да се разбудите уморни иако сте спиеле 7 часа или повеќе.

Клима – уредот може да го наруши сонот

Проблемот настанува во текот на ноќта, кога надворешната температура дополнително паѓа, па климата продолжува да дува ладен воздух во веќе разладена просторија. Во овие услови, телото се грчи, сонот е со прекини, па лицето може да се буди повеќепати во текот на ноќта.

Стручните лица препорачуваат користење на тајмер кој ќе го исклучи клима-уредот по еден до два часа.

Студениот воздух може да предизвика тегоби

Освен температурата, дополнителен проблем претставува струењето на воздухот што уредот го создава во просторот. Со ладниот воздух може да се шири прашина, полен и грини, што кај поосетливите лица може да предизвика чувство на суво грло, кивање и чешање на очите. Сувиот воздух може да предизвика чувство на отежнато дишење и непријатност во текот на ноќта.

Експертите предупредуваат и на влијанието на студениот воздух насочен директно кон телото, особено вратот и грбот. Овој проток може да предизвика напнатост во мускулите и утринска вкочанетост, особено кај лица кои имаат проблем со зглобови и ‘рбет.

Како правилно да го користите клима – уредот?

Не треба да го занемарите ни финансискиот аспект, бидејќи повеќечасовно ноќно користење на климата за време на летните месеци може значајно да ја зголеми потрошувачката на електричната енергија. Стручните лица за греење и ладење истакнуваат дека со исклучување на уредот во текот на ноќта не штедите само пари, туку и го продолжувате неговиот век на траење.

Наместо непрекината работа на климата, се препорачува комбинација од проветрување пред спиење и спуштање на ролетната во текот на денот, како и користење на тајмер. Лесна памучна постелнина и пасивни начини на разладување може дополнително да помогнат во одржување на пријатната температура во текот на ноќта без потреба климата да работи непрекинато.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Принцови, принцези, актери, пејачи... Познати личности на финалето на Вимблдон

Финалето на Вимблдон во недела попладне привлече голем број холивудски ѕвезди и британски познати личности од А-листата.

Принцови, принцези, актери, пејачи... Познати личности на финалето на Вимблдон

Сите очи беа насочени кон Централниот терен, каде што Италијанецот Јаник Синер и Германецот Александар Зверев се соочија во напнат судир.

Кралското семејство во преден план

Меѓу многуте познати лица, особено се издвои принцезата од Велс, која блескаше во елегантен зелен фустан.

Таа пристигна на Вимблдон придружувана од своето семејство. Кејт беше придружувана од принцот Вилијам, принцезата Шарлот и принцот Џорџ, додека најмладиот син, принцот Луис, беше отсутен. Принцезата не ја симна насмевката од лицето, навидум невознемирена од моменталниот топлотен бран, додека принцот Џорџ се разладуваше во Кралската ложа со преносен вентилатор.

Принцезата, исто така, го носеше својот „брош Вимблдон“ во препознатливите бои на турнирот.

Мноштво познати лица

На кралското семејство во престижната ложа му се придружија и мноштво други ѕвезди. Актерката Никол Кидман (59) изгледаше шик облечена во бело одело, придружувана од Дама Ана Винтур. Сиена Милер (44) исто така беше видена во Кралската ложа во убав мини-фустан, додека актерите Бен Стилер и Рами Малек се прегрнаа топло по пристигнувањето. Поп-сензацијата Џенифер Лопез (56) ги пленеше погледите во тесна беж-фустан, која го дополни со елегантна шапка и високи потпетици.

Меѓу гламурозните гости беа водителката Тес Дејли (57) со нејзината ќерка Фиби (21), актерките Дејзи Едгар-Џонс (28), Лили Колинс (37) и Мариса Абела, легендарната Твиги (76) и Ники Хилтон (42). Актерот Том Хидлстон (45) избра стилски морнарски костум, Ендру Гарфилд бел костум од Ралф Лорен, а ѕвездата на „Adolescence“ Стивен Греам пристигна со сопругата Хана Волтерс.

Извор: Индекс.хр

Фото: Инстаграм

Тагови: Вимблдон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„BYD“ подготвува нов „ѕвер“ - ќе чини околу 40.000 евра

„BYD“ подготвува нов луксузен седан „Da Han“, кој ќе им се нуди на клиентите како целосно електричен модел или „plug-in“ хибрид.

„BYD“ подготвува нов „ѕвер“ - ќе чини околу 40.000 евра

Станува збор за автомобил кој користи иста платформа како и теренецот „Da Tang (Great Tang)“, и носи импресивни перформанси и многу брзо полнење на батеријата.

Електричната верзија добива батерија „Blade“ од втора генерација, која, според производителот, овозможува полнење од 10 до 97 проценти за само девет минути. Моделот ќе има управување на задните тркала, како и активна суспензија.

Со должина што е 6,6 сантиметри подолга од стандардниот „Mercedes-Benz S-Class“, „Da Han“ е меѓу најголемите луксузни седани на пазарот.

Основната електрична верзија користи еден електричен мотор сместен на задната оска кој развива 496 КС (370 kW), додека помоќната варијанта со погон на сите тркала има вкупна моќност од дури 764 КС (570 kW).

„BYD“ сè уште не го објави капацитетот на батеријата на електричната верзија, но наведува дека моделот со погон на задните тркала може да помине до 1.008 километри според кинескиот циклус на мерење „CLTC“.

Верзијата со погон на сите тркала има деклариран опсег од 880 километри. Треба да се напомене дека стандардот „CLTC“ дава пооптимистички резултати во споредба со европскиот „WLTP“ циклус.

„Plug-in“ хибридот користи 1,5-литарски турбо бензински мотор со 154 КС во комбинација со електричен мотор со 268 КС. Благодарение на „LFP“ батеријата со капацитет од 54 kWh, овој модел може да помине до 470 километри само на електрична енергија според кинеските мерења.

Според првичните информации, „BYD Da Han“ треба да има почетна цена од околу 41.000 евра.

Извор: Б92

Тагови: BYD

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер