Македонија

Новите услови од „Купи куќа, купи стан" ќе ја стимулира продажбата на станови

Градежната комора на Македонија го поддржува проектoт „Купи куќа, купи стан" од почетокот на неговата промоција и смета дека со новите услови дополнително ќе влијае на стимулирање на продажба на нови станови за млади луѓе. 

Дополнително се поддржува пораст на градежниот сектор во делот на високоградба преку градење на нови станбени единици, задржување на постојните и генерирање нови вработувања, а со тоа ќе влијае врз пораст на целокупната економија.

Ова на денешната прес-конференција го соопшти претседателотот на Градежната комора на Македонија Ивица Јаќимовски. Посочи дека од овој проект корист ќе имаат и компаниите преку зголемената продажба на изградени висококвалитетни и енергетски ефикасни станови, младите луѓе кои, како што рече, со многу поволни услови ќе можат да дојдат до нов стан, како и локалната и централната власт.

Заменик-министерката за финансии Ширет Елези информира дека пристапиле кон подобрување на моделите за „Купи куќа, купи стан".

– Анализите покажаа дека поради поедноставената постапка, младите повеќе се заинтересирани за купување стан, особено оние што немаат почетен капитал или земјиште. Со цел да им ја обезбедиме потребната поддршка, креиравме нов модел „Купи стан за млади". Согласно со новите подобрени услови, младите до 35 години од државата ќе добијат до 70 отсто субвенции, значи се зголемува учеството на субвенцијата, на ратата и субвенцијата на учеството, рече Елези во Сојузот на стопански комори на Македонија.

Наведувајќи пример таа рече дека ако кредитот е во износ од 50 илјади евра, граѓаните од субвенцијата на ратата ќе добијат околу 11.900 евра, а ако пак е субвенција на учеството ќе добијат 8.750 евра. Елези потенцира дека каматните стапки за субвенциониран станбен кредит се едни од најниските што се нудат моментно.

Елези посочи дека граѓаните дополнително можат да аплицираат и за субвенциониран станбен кредит со намалени каматни стапки. Каматната стапка за моделот „субвенција на рата" за првите три години е намалена од првичните 3,9 на 2,9 отсто, а за третата и за четвртата година 3,9 проценти. Намалена е и каматната стапка за моделот „субвенција на учество". Таа изнесува четири отсто за цело времетраење од исплатата на кредитот зголемена за шестмесечен еуролибор.

– Дополнително, корисниците на субвенциониран станбен кредит, за секое новородено или посвоено дете во текот на рокот на отплата ќе добијат дополнителна едногодишна субвенција на месечната рата во висина од 30 проценти, рече Елези.

Таа информира дека граѓаните што имаат над 35 години, сакаат да изградат или да купат куќа, ќе добијат субвенции од 80 отсто од месечната рата во првите пет години или 80 проценти од учеството.

Заменик-министерката Елези рече дека добиле уверување од Градежната комора дека има станови и се градат, со цена до 900 евра за метар квадратен со вклучен ДДВ.

Министерството за финансии изготви прирачник за проектот „Купи куќа, купи стан", кој е поставен на веб-страницата на Министерството. За неполни три месеци откако стапиле на сила новите услови, интересот кај граѓаните е голем./МИА

Свет

Австралискиот превозник Квантас продавал билети на откажани летови- 100 милиони долари казна

Qantas постигнал договор со австралиската влада за надзор на потрошувачите да плати повеќе од 60 милиони долари казни за продажба на билети на откажани летови.

Превозникот, исто така, се обврзал на дополнителна компензација за патниците на кои им продавале билети за „непостоечки“ летови.

Qantas и Австралиската комисија за конкуренција и потрошувачи (ACCC) спогодбено ги решија судските постапки кои се во тек од август минатата година. ACCC започнале правна битка против Qantas за рекламирање и продажба на билети за летови откажани од авиокомпанијата.

Комисијата тврди дека Qantas продал билети за повеќе од 8.000 летови помеѓу мај и јули 2022 година, во просек две недели, а во некои случаи и 47 дена по нивното откажување, пренесува Aero Time.

Најголемата австралиска авиокомпанија во октомври минатата година соопшти дека биле направени одредени грешки, но дека ACCC „ја игнорира реалноста на авиоиндустријата“. Авиокомпанијата ги отфрли тврдењата дека продавала билети за т.н. непостоечки летови.

По неколку месеци расправија, двете страни конечно постигнаа пријателско решение. Qantas вчера објави дека се согласиле да платат 100 милиони австралиски долари или 66 милиони американски долари казна.

Превозникот ќе им исплати и надомест на патниците во износ од 225 до 450 австралиски долари (150 до 300 американски долари) покрај парите што веќе им ги вратиле за откажаните летови. Во соопштението на Qantas се вели дека компензација во вкупна вредност од 13 милиони долари ќе биде исплатена на повеќе од 86.000 патници.

Извршниот директор на Qantas Group, Ванеса Хадсон, им се извинила на патниците чие „известување за откажување на летот не пристигнало навреме“, признавајќи дека авиокомпанијата не обезбедила соодветна поддршка на патниците.

Македонија

Затворен е автопатот Тетово-Скопје поради сообраќајна несреќа

Од 21,40ч сообраќајот на автопат Тетово-Скопје е затворен за сообраќај.

Од 21,40ч сообраќајот на автопат Тетово-Скопје е затворен за сообраќај, поради случена сообраќајна незгода. Истиот се пренасочува низ градот, па кон стариот пат, соопштија од АМСМ.

Македонија

ДИК: Во дијаспората гласале 25,38% , над 60% во затворите и над 80% од болните и немоќните

Со право на глас на Претседателските избори 2024 во Избирачкиот список се запишани вкупно 1.814.317 гласачи, а во избирачкиот список за Парламентарните избори се запишани 1.815.350 гласачи.

ДИК: Во дијаспората гласале 25,38% , над 60% во затворите и над 80% од болните и немоќните

Со право на глас на Претседателските избори 2024 во Избирачкиот список се запишани вкупно 1.814.317 гласачи, а во избирачкиот список за Парламентарните избори се запишани 1.815.350 гласачи.

На 31 гласачко место во дипломатско конзуларните претставништва во странство, 2.569 гласачи кои се пријавиле и чии пријави се прифатени од Државната изборна комисија имаа можност да го остварат своето гласачко право за избор на Претседател на државата. Во дијаспората не се спроведе гласање за парламентарните избори поради неисполнетост на минималниот број гласачи пријавени за гласање за да може да се спроведе гласањето.

Се уште се отворени шест гласачки места во дијаспората каде гласањето ќе трае до 19 часот според временската зона на земјата каде што се гласа.

До 19 часот, според информациите кои ги добиваме од избирачките одбори, вкупната излезност од гласањето во странство за претседателските избори изнесува 652 гласачи, односно 25.38 %. Напоменуваме дека во оваа излезност поради временската зона не се вклучени седум избирачки места каде што сеуште трае гласањето.

14-те гласачки места во казнено поправни установи каде своето гласачко право денеска можеа да го остварат 2.147 гласачи за претседателските избори и 2140 гласачи за избор на пратеници во Собранието, се затворени. Гласањето таму течеше без проблеми, а до 19 часот, според информациите од избирачките одбори, гласаа 1298 гласачи или 60.46% од запишаните за претседателските избори, односно 1397 гласачи или 68.72 % за парламентарните избори.

Во текот на денешниот ден своето гласачко право во единствениот центар за внатрешно раселени лица можеа да го остварат и 2 гласачи кои се водат како внатрешно раселени и истите го оствариле своето право и за двата вида на избори. Гласачкото место во центарот за раселени лица е затворено.

Вкупно 534 гласачи кои се сместени во 20 центри за вонсемејна грижа имаа можност да го остварат своето право на глас во центарот каде што се сместени за претседателските и парламентарните избори.

Од вкупно 534 гласачи од 20 центри, гласале 401 гласач или 75.09 % за Претседател на државата односно 400 гласачи од 20 центри или 74.91% гласале за избор на пратеници.

Според информациите од општинските изборни комисии, гласале 8926 односно 80.45% болни или немоќни лица за претседател на државата односно 10036 или 92.04 % за пратеници во законодавниот дом.

Потсетуваме дека Државната изборна комисија досега издаде акредитации за набљудување на двата вида на избори на 1303 домашни, 860 меѓународни набљудувачи и 83 странски новинари.

На сите граѓани на располагање им се и интернет страницата на ДИК www.sec.mk, како и страниците на социјалните мрежи Фејсбук, Х, Инстаграм и каналот на Јутјуб. Таму можете да најдете правовремени и точни информации поврзани со изборите.

ДРЖАВНА ИЗБОРНА КОМИСИЈА

притисни ентер