Новите сознанија за темната материја ќе ја откријат тајната на вселената

Астрономите од кинеската Академија на науките објавија труд во ноември во кој се прикажани 19 галаксии кои им се спротивставуваат на најчестите теории за просторот.

Тие го пребарувале небото за да пронајдат нови галаксии кои немаат заедничка компонента - темна материја. И тие тврдат дека пронашле цела група на вакви галаксии.

До неодамна, се веруваше дека големи количини на невидлива темна материја се клучни за формирање на галаксии и нивниот изглед - дискови на гасни облаци, sвезди и темна материја. Според досегашниот модел, темната материја сочинува огромно мнозинство на сите материи во галаксиите, во спротивно тие никогаш не би биле формирани.

Сепак, од 2016 година, истражувачите постојано наидуваат на галаксии за кои се смета дека нема присуство на темната материја. Овие галаксии може да им дадат многу објаснувања на физичарите. На пример, зошто им недостасува темна материја и како воопшто се формирале?

За разлика од колегите во Пекинг, Питер ван Докум, професор на универзитетот Јеил, не се обидува да најде никаква аномалија. Тој и неговиот тим очекуваат да видат темна материја во секој дел од универзумот. За разлика од нашиот Млечен Пат, покриен со sвездите, каде темната материја е само на периферијата, ултра дифузните галаксии треба да бидат густо исполнети со темна материја. Сепак, во 2018 година, тие откриле галаксии кои воопшто не содржат темна материја.

Со моќните телескопи достапни денес, Ван Докум се надева не само што може да направи точни мерења на брзината и оддалеченоста на галаксиите, туку и да ја идентификува епохата во која се формирале галаксиите, користејќи нови податоци од телескопот Хабл.

Овој емпириски доказ би исклучил низа објаснувања за очигледниот недостаток на темна материја, без оглед дали се објаснува со исчезнување или нејзино отсуство од самиот почеток.

Нов сообраќаен режим околу ТЦ „Буњаковец"

Нов сообраќаен режим околу ТЦ „Буњаковец" и подигнати пешачки платоа во близина на основите училишта и градинките во општина Центар

Општина Центар од денеска започнува со имплементирање на нови сообраќајни решенија на повеќе локации во општината. Во тек е изведба на три издигнати пешачки платоа за смирување на сообраќајот кој се одвива во зона на детските градинки и општинските основни училишта.

– Трите издигнати пешачки платоа се изведуваат на улиците „Никола Тримпаре", „Апостол Гусларот" и улицата „9 Мај", во непосредна близина на општинското основно училиште „Јохан Хајнрих Песталоци", матичниот објект на градинката „13 Ноември" и клонот Наум Наумовски Борче на градинката „Кочо Рацин", известуваат од Општина Центар.

Дополнително ќе бидат изведени и други шест пешачки платоа, со што ќе се зголеми безбедноста на пешаците и на децата кои престојуваат во градинките и посетуваат настава во основните училишта, а ќе биде поставена и нова вертикална и хоризонтална сообраќајна сигнализација.

Овие зафати се изведуваат со целосна сообраќајна проектна документација, што е одобрена од СВР Скопје и Град Скопје, наделжни институции за оваа проблематика.

Од општината информираат дека изведбата на пешачките платоа ќе биде готова до крајот на оваа година, а поради градежните зафати ќе се изврши и времена измена на сообраќајот.

„Апелираме до граѓаните за трпение и разбирање во период додека траат градежните работи, со цел ефикасност на изведбата и поскоро пуштање во употреба на издигнатите пешачки платоа", истакнаа од Општина Центар.

Покрај ова, општината го најави и новото сообраќајно решение за делот околу трговскиот центар „Буњаковец". Поради оштетувањата на знаците, после десет години, во реонот на ТЦ „Буњаковец" ќе се постави нова хоризонтална и вертикална сообраќајна сигнализација.

„Фајзер“ и „Модерна“ побара итна одобрување на нивните вакцини

Компаниите „Фајзер“ и „Модерна“ поднесоа барање за ургентна авторизација на нивните вакцини со цел дистрибуцијата на истите да почне во најбрз можен рок .

Откако ќе добијат зелено светло од властите, вакцините ќе бидат доставени до секоја сојузна држава а предност при вакцинирањето ќе имаат луѓето со хронични болести и здравствените работници.

Досега во Соединетите држави се регистрирани над 13 милиони случаи заболени од коронавирус а животот го загубија околу 275.000 лица.

Владата ќе побара од Собранието нови шест месеци кризна состојба

Владата на денешната седница го прифати предлогот на Групата за процена во ЦУК да биде побарано продолжување на кризната состојба во државата за уште шест месеци, потврдија за МИА од владината прес-служба.

Предлогот ќе биде доставен до Собранието кое треба да донесе одлука за тоа.

Владата прогласи 30-дневна кризна состојба на 20 ноември што трае до 19 декември. Ако биде усвоено владиното барање, кризната состојба би била продолжена до средината на јуни следната година.

притисни ентер