Сезоната која бара полесна облека и нежност, пролет/лето 2025., носи палета на бои кои може да се опишат како визуелно бегство, а се потпира на светлите тонови.

Модата веќе не е само начин на облекување, таа го обликува расположението, нуди прибежиште, и понекогаш претставува бегство од секојдневниот живот.

Боите за оваа сезона не се случајни.

Путер жолта

Ова е една од најистакнатите бои за ова лето, не е крем, ниту беж, а далеку е од лимон жолта, оваа боја претставува тиха сила за ова лето 2025. Модните брендови Тотем (Toteme), Зимерман (Zimmermann), Шанел (Chanel) и Клоe (Chloe) оваа боја ја ставија во центарот на своите колекции, препознавајќи го нејзиниот потенцијал.

Меѓутоа, можеби највпечатливиот момент во текот на сезоната не беше на модната писта, туку на црвениот тепих. Имено, младиот актер, Тимоти Шалам неодамна прошета на еден од црвените теписи во одело на Сара Бартон за Живанши (Givenchy) токму во оваа боја, претставувајќи ја машката ранливост како сила.

Чоколадно кафена

Новите бои во светот на модата носат возбуда и инспирација меѓу дизајнерите и љубителите на стилот. Оваа година Пантон (Panton) ја избра оваа чоколадно кафена боја под името „мока мус“(mocha mousse). Чоколадната кафена боја носи софистицираност и елеганција.

Модните бреднови Прада, Сен Лорен и Роу го препознаа потенцијалот на чоколадно кафената боја и понудија софистицирана верзија која го редефинира луксузот. Нивната интерпретација не се фокусира на сјајот туку на на текстурата, што дополнително ја нагласува длабочината и богатството на оваа боја.

Пудра-розова

Оваа боја годинава доживеа значајна трансформација во светот на модата. Во споредба со минатогодишната експлозија на „Барби“ розовата боја, која доминираше во многу колекции, ова лето пудра-розовата боја носи посуптилен и попрефинет пристап. Оваа боја симболизира зрелост, софистицираност, па е совршен избор за современата жена која сака да остави впечаток.

Боја на мандарина

Наспроти придушената пудра розова, бојата на мандарина носи живост и енергија која не може да помине незабележано.

Богета Венера оваа боја ја стави во центарот на нејзините набрани фустани, а Џонатан Андерсон за Лоеве (Loewe) ги претстави портокаловите мини модели кои балансираат на границата помеѓу уметноста и забавата.

Барбари (Burberry) дополнително го потврдува статусот на портокаловата боја на мандарина како неизбежна во летната сезона, укажувајќи на нејзината популарност во модните кругови.

Ледено сина

Во 2025 г. ледената сина станува синоним за тишина и спокој. Оваа боја евоцира слики од мирни летни утра покрај море, каде благата светлина си игра со брановите, носејќи опуштеност. Исто така, оваа боја потсетува на ладовината што ја нуди маслиновото стебло за заштита од жешкото сонце. Во оваа палета бои, ледено сината зазема посебно место создавајќи атмосфера што смирува и инспирира.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.